San Lucas 6:39 - Triqui de San Juan Copala

³⁹ Ga̱a ne̱ nanó Jesús cuentó cheꞌé vi̱j síí tuchri̱i rihaan nij síí tucuꞌyón snana̱ soꞌ a: ―Ne̱ caꞌve̱e ti̱haa̱n ꞌo̱ síí tuchri̱i chrej rihaan tuviꞌ tuchri̱i soꞌ, rá soj naꞌ. Taj maꞌ. Sese da̱nj quiꞌya̱j soꞌ, ga̱a ne̱ quini̱j ro̱j soꞌ rá yuꞌuj na̱nj ado̱nj.

San Lucas 6:39 Referans Kwoze

San Mateo 15:14

Se̱ cuno soj aꞌmii nij soꞌ maꞌ. ꞌO̱ se ase vaa síí aráán rihaan vaa nij soꞌ ado̱nj. Dan me se neꞌen soj se vaa sese gu̱un rá síí tuchri̱i ra̱cuíj soꞌ man ꞌó síí tuchri̱i nari̱ꞌ soꞌ chrej caꞌa̱nj soꞌ, ne̱ quini̱j ro̱j síí tuchri̱i yoꞌ rá yuꞌuj na̱nj ado̱nj ―taj Jesús rihaan nij síí tucuꞌyón snana̱ soꞌ a.

2 Timoteo 3:13

Tza̱j ne̱ xa̱ꞌ nij síí tihaꞌ yuꞌunj, tza̱j ne̱ tana̱nj a̱ doj a̱ doj a̱ caꞌa̱nj nij soꞌ tiha̱ꞌ yuꞌunj nij soꞌ man nij yuvii̱ do̱ꞌ, tiha̱ꞌ yuꞌunj nij yuvii̱ man maꞌa̱n nij soꞌ do̱ꞌ na̱nj á.

San Mateo 23:33

’Ase vaa xcuáá yuva̱a̱ vaa soj, ne̱ taj se qui̱ꞌyáꞌ nani̱i̱ soj rihaan sayuun quiꞌya̱j Yaꞌanj man soj maꞌ. Caca̱a̱ soj rihaan yaꞌan ado̱nj.

Romanos 2:19

Neꞌen ma̱ꞌán so̱ꞌ ti̱haán so̱ꞌ chrej man nij yuvii̱ aráán rihaan, rá so̱ꞌ á. Neꞌen ma̱ꞌán so̱ꞌ se vaa ase vaa yaꞌan chuguu̱n rihaan síí chéé rej rmi̱ꞌ mé so̱ꞌ, rá so̱ꞌ á.

San Mateo 13:3

Ne̱ nanó ndoꞌo Jesús cuentó rihaan nij yuvii̱, cataj soꞌ a: ―Ni̱ꞌyaj soj á. Curiha̱nj ꞌo̱ síí me rá ti̱xꞌnuu̱ ꞌnúú trigó,