San Lucas 5:20 - Triqui de San Juan Copala

²⁰ Ga̱a queneꞌen Jesús se vaa cuchumán uxrá rá nij tuvi̱ꞌ síí ranꞌ yoꞌ se vaa caꞌve̱e nahu̱un soꞌ quiꞌya̱j Jesús, ga̱a ne̱ cataj Jesús rihaan síí ranꞌ yoꞌ a: ―Navij cacunꞌ xráá so̱ꞌ, na̱nj tinu̱j ―taj Jesús rihaan soꞌ a.

San Lucas 5:20 Referans Kwoze

Hechos 14:9

Ne̱ yáán soꞌ cuno soꞌ snana̱ Pabló a. Dan me se niꞌya̱j uxrá Pabló man soꞌ, ne̱ xcaj Pabló cuentá se vaa síí rengo̱ yoꞌ me se nucua̱j rá se vaa caꞌve̱e nahu̱un sa̱ꞌ soꞌ, quiꞌya̱j Yaꞌanj a.

San Mateo 9:2

Ne̱ nica̱j nii man ꞌo̱ síí naꞌvee cache̱e̱ táá rihaan yuvéé, ne̱ caꞌnaꞌ nii rihaan Jesús a. Ne̱ queneꞌen Jesús se vaa cuchumán uxrá rá nij yuvii̱ se vaa nahu̱un sa̱ꞌ síí naꞌvee cache̱e̱ yoꞌ quiꞌya̱j Jesús a. Cheꞌé dan cataj soꞌ rihaan síí ranꞌ yoꞌ a: ―Caꞌne̱j nucua̱j nimán so̱ꞌ cheꞌé se navij cacunꞌ xráá so̱ꞌ, na̱nj tinu̱j ―taj Jesús rihaan síí naꞌvee cache̱e̱ yoꞌ a.

San Lucas 7:48

Ga̱a ne̱ cataj Jesús rihaan chana̱ yoꞌ a: ―Navij cacunꞌ tumé so̱ꞌ na̱nj á ―taj Jesús rihaan noꞌ a.

Colosenses 3:13

Sese quiꞌyaj chiꞌi̱i̱ tuviꞌ soj rihaan soj, ne̱ cara̱a̱ xꞌnaa ꞌo̱ ꞌo̱ soj rihaan tuviꞌ soj á. Da̱nj quiꞌyaj Síí ꞌNi̱j Raꞌa man níꞌ cheꞌé soj, tinavij soꞌ cacunꞌ tumé soj, ne̱ cheꞌé dan cara̱a̱ xꞌnaa soj rihaan tuviꞌ soj ado̱nj.

San Juan 2:25

ne̱ ne cachi̱in ꞌo̱ síí cata̱j xnaꞌanj rihaan Jesús da̱j vaa nimán yuvii̱ maꞌ. ꞌO̱ se maꞌa̱n soꞌ me síí neꞌen da̱j vaa nimán nu̱ꞌ nij yuvii̱ ado̱nj.

San Marcos 2:5

Dan me se ga̱a queneꞌen Jesús se vaa amán uxrá rá nij soꞌ se vaa caꞌve̱e nahu̱un sa̱ꞌ soꞌ quiꞌya̱j Jesús, ga̱a ne̱ cataj Jesús rihaan síí naꞌvee cache̱e̱ yoꞌ a: ―Navij cacunꞌ xráá so̱ꞌ, na̱nj tinu̱j ―taj Jesús a.

Santiago 2:18

Tza̱j ne̱ taꞌa̱j nii cata̱j rihaan tuviꞌ se vaa so̱ꞌ me se síí amán rá niꞌya̱j man Yaꞌanj mé so̱ꞌ, ne̱ ꞌu̱nj nihánj me se síí ꞌyaj se sa̱ꞌ rihaan Yaꞌanj mé ꞌu̱nj, cata̱j nii chugua̱nj. Tza̱j ne̱ xca̱j so̱ꞌ cuentá, ne̱ asa̱ꞌ caꞌve̱e queneꞌe̱n yuvii̱ se vaa síí amán rá niꞌya̱j man Yaꞌanj mé so̱ꞌ, sese nuviꞌ a̱ ꞌó se sa̱ꞌ ꞌyáá so̱ꞌ ga̱. Tza̱j ne̱ ꞌu̱nj nihánj me se cheꞌé se sa̱ꞌ ꞌyáá ꞌu̱nj roꞌ, cheꞌé dan neꞌen yuvii̱ se vaa síí amán rá niꞌya̱j man Yaꞌanj mé ꞌu̱nj chugua̱nj.

2 Corintios 2:10

Sese caꞌve̱j rá soj cara̱a̱ xꞌnaa soj rihaan soꞌ, ne̱ veé da̱nj qui̱ꞌyáj, ne̱ cara̱a̱ xꞌnaj rihaan soꞌ, cheꞌé se me raj doj a̱ cavi̱i̱ sa̱ꞌ soj, ne̱ neꞌen Cristó se vaa ya̱ caraa xꞌnaj rihaan síí quiꞌyaj cacunꞌ yoꞌ na̱nj ado̱nj.

Hechos 11:23

Dan me se cuchiꞌ soꞌ, ga̱a ne̱ queneꞌen soꞌ se vaa quiꞌyaj ndoꞌo Yaꞌanj se lu̱j ga̱ nij síí yaníj yoꞌ, ne̱ guun niha̱ꞌ uxrá rá soꞌ a. Ne̱ narqué soꞌ chrej sa̱ꞌ rihaan nij síí yaníj yoꞌ se vaa caꞌne̱j nimán nij soꞌ ꞌo̱ canoco̱ꞌ xraan nij soꞌ man Síí ꞌNi̱j Raꞌa man níꞌ a.

San Juan 5:14

Veé dan, ne̱ nariꞌ Jesús man síí nahuun sa̱ꞌ yoꞌ rej ya̱nj nuvií noco̱o, ne̱ cataj Jesús rihaan soꞌ a: ―Ya̱ nahuun sa̱ꞌ so̱ꞌ á. Ta̱náj so̱ꞌ chrej chiꞌi̱i̱ á. Sese taj, ne̱ caꞌna̱ꞌ rasu̱u̱n qui̱j doj xráá so̱ꞌ, ne̱ doj a̱ qui̱ránꞌ so̱ꞌ na̱nj ado̱nj ―taj Jesús rihaan soꞌ a.

San Mateo 9:5

Tuꞌva rma̱ꞌán ꞌu̱nj se vaa navij cacunꞌ xráá síí nihánj, rá soj a̱ naꞌ. Caꞌve̱e cata̱j u̱u̱n níꞌ navij cacunꞌ xráá síí nihánj naꞌ. Ase caꞌve̱e doj cata̱j níꞌ na̱xagaa soꞌ, ne̱ cache̱e̱ soꞌ cuaj, cata̱j níꞌ xa̱ꞌ.