San Lucas 5:11 - Triqui de San Juan Copala

¹¹ Ga̱a ne̱ nica̱j nij soꞌ se‑riho̱o̱ nij soꞌ caꞌanj nij soꞌ nda̱a tuꞌva na a. Ga̱a ne̱ tanáj nij soꞌ cunuda̱nj nij rasu̱u̱n yoꞌ, ne̱ canocoꞌ nij soꞌ man Jesús, ne̱ caꞌanj nij soꞌ ga̱ soꞌ a.

San Lucas 5:11 Referans Kwoze

San Mateo 4:20

Ne̱ nu̱ꞌ tanáj ro̱j soꞌ xnánj ro̱j soꞌ, ne̱ canocoꞌ ro̱j soꞌ man Jesús caꞌanj ro̱j soꞌ na̱nj ado̱nj.

San Lucas 5:28

Ga̱a ne̱ naxuma̱a̱n Leví, canocoꞌ soꞌ man Jesús, ne̱ tanáj nu̱ꞌ soꞌ se‑su̱u̱n soꞌ a.

San Mateo 19:27

Ga̱a ne̱ cataj Pedró rihaan Jesús a: ―Ne̱ núj ga̱. A̱j tanáj núj nu̱ꞌ siꞌyaj núj, ne̱ nocoꞌ núj mán so̱ꞌ ado̱nj. Da̱j quira̱nꞌ núj ga̱ ―taj Pedró, xnáꞌanj soꞌ a.

San Marcos 10:21

Ga̱a ne̱ niꞌya̱j uxrá Jesús man soꞌ, ne̱ cunuu ꞌe̱e̱ rá Jesús man soꞌ, ne̱ cataj Jesús rihaan soꞌ a: ―Da̱j o̱rúnꞌ rasu̱u̱n achiin ya̱ mán so̱ꞌ na̱nj á. Cavi̱i̱ so̱ꞌ caꞌa̱nj so̱ꞌ, ne̱ cutuꞌve̱e̱ so̱ꞌ nu̱ꞌ siꞌyáá so̱ꞌ, ne̱ saꞌanj quiri̱ꞌ so̱ꞌ roꞌ, caxri̱i̱ so̱ꞌ ston nij síí nique̱, ne̱ cuma̱n ndoꞌo siꞌyáá so̱ꞌ rej xta̱ꞌ, quiꞌya̱j Yaꞌanj na̱nj ado̱nj. Ne̱ dan me se caꞌna̱ꞌ so̱ꞌ, ne̱ ca̱nocóꞌ so̱ꞌ manj, caꞌa̱nj níꞌ á ―taj Jesús a.

San Mateo 10:37

’Sese ꞌe̱e̱ doj rá ꞌo̱ soꞌ niꞌya̱j soꞌ rej soꞌ do̱ꞌ, nii soꞌ do̱ꞌ, rihaan se vaa ꞌe̱e̱ rá soꞌ niꞌya̱j soꞌ mán ꞌu̱nj, ne̱ taj cheꞌé cata̱j soꞌ se vaa si̱j noco̱ꞌ manj me soꞌ maꞌ. Ne̱ sese ꞌe̱e̱ doj rá ꞌo̱ soꞌ niꞌya̱j soꞌ taꞌnij sno̱ꞌo soꞌ do̱ꞌ, taꞌnij cha̱na̱ soꞌ do̱ꞌ, rihaan se vaa ꞌe̱e̱ rá soꞌ niꞌya̱j soꞌ mán ꞌu̱nj, ne̱ taj cheꞌé cata̱j soꞌ se vaa si̱j noco̱ꞌ manj me soꞌ maꞌ.

San Mateo 4:22

Veé dan, ne̱ nu̱ꞌ tanáj ro̱j soꞌ rihoo do̱ꞌ, rej ro̱j soꞌ do̱ꞌ, ne̱ canocoꞌ ro̱j soꞌ man Jesús caꞌanj ro̱j soꞌ na̱nj ado̱nj.

San Mateo 19:29

Ne̱ síí tanáj veꞌ tucuá tanáj tinúú tanáj raꞌvij tanáj rej tanáj nii tanáj taꞌníí tanáj yoꞌóó tanáj canoco̱ꞌ soꞌ manj roꞌ, uxrá ya̱ doj a̱ quiri̱ꞌ soꞌ rasu̱u̱n, ne̱ ca̱yáán soꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.