San Lucas 24:52 - Triqui de San Juan Copala

⁵² Dan me se caráj gue̱e̱ nij soꞌ rihaan soꞌ, ga̱a ne̱ canica̱j nij soꞌ caꞌanj uún nij soꞌ nda̱a chumanꞌ Jerusalén, ne̱ guun niha̱ꞌ uxrá rá nimán nij soꞌ,

San Lucas 24:52 Referans Kwoze

San Mateo 28:9

Ne̱ ma̱an orá dan nariꞌ tuviꞌ maꞌa̱n Jesús ga̱ ro̱j chana̱ yoꞌ, ne̱ cataj soꞌ a: ―Rangaꞌ na̱nj á ―taj Jesús rihaan ro̱j noꞌ a. Ga̱a ne̱ cuchiꞌ ro̱j chana̱ yoꞌ rihaan Jesús, ne̱ caꞌanj ca̱yáán ru̱j ro̱j noꞌ rihaan soꞌ, ne̱ taꞌaa ro̱j noꞌ tacóó Jesús, ne̱ caráj gue̱e̱ ro̱j noꞌ rihaan Jesús a.

San Juan 16:22

Ne̱ xa̱ꞌ soj, tza̱j ne̱ cuano̱ nihánj me se nanó rá soj, tza̱j ne̱ vaa güii queneꞌe̱n uún ꞌu̱nj man soj a. Ga̱a ne̱ gu̱un niha̱ꞌ uxrá rá nimán soj, ne̱ taj va̱j a̱ doj síí caꞌne̱e̱ se niha̱ꞌ nimán soj a̱ maꞌ.

1 Pedro 1:8

Ne̱ Jesucristó me se nda̱ꞌ se ne queneꞌe̱n rihaan soj man soꞌ, tza̱j ne̱ aráj cochro̱j soj rihaan soꞌ ado̱nj. Ne neꞌen rihaan soj man soꞌ nihánj cuano̱, tza̱j ne̱ cheꞌé se cuchumán ya̱ rá soj niꞌya̱j soj man soꞌ roꞌ, cheꞌé dan niꞌndaj ya̱ guun niha̱ꞌ uxrá ya̱ rá nimán soj ado̱nj.

San Juan 20:28

Ga̱a ne̱ cataj Tomás rihaan soꞌ a: ―So̱ꞌ me Síí ꞌNi̱j Raꞌa manj, ne̱ so̱ꞌ me Taꞌanj ꞌu̱nj ado̱nj ―taj soꞌ rihaan Jesús a.

San Juan 14:28

A̱j cuno soj nana̱ caꞌmij, se vaa cavi̱i̱ ꞌu̱nj quina̱nꞌ ꞌu̱nj, tza̱j ne̱ caꞌna̱ꞌ uún ꞌu̱nj rihaan soj ado̱nj. Sese si̱j aráj cochro̱j rihanj me soj, ne̱ guun niha̱ꞌ rá soj cuno soj nana̱ se vaa cavi̱i̱ ꞌu̱nj quina̱nꞌ ꞌu̱nj yan ya̱nj Réj Yaꞌanj asuun tza̱j á. ꞌO̱ se síí noco̱o doj mej Réj rihanj na̱nj ado̱nj.

San Mateo 28:17

Ga̱a ne̱ queneꞌen nij soꞌ man Jesús, ne̱ caráj gue̱e̱ nij soꞌ rihaan soꞌ, tza̱j ne̱ ne gu̱un ya̱ rá taꞌa̱j nij soꞌ se vaa ya̱ ya̱ Jesús me soꞌ a̱ maꞌ.

San Juan 16:7

Tza̱j ne̱ ya̱ vaa nana̱ nihánj nana̱ cata̱j xnaꞌanj ꞌu̱nj rihaan soj, se vaa cavi̱i̱ sa̱ꞌ soj doj cheꞌé se caꞌa̱nj ꞌu̱nj ado̱nj. ꞌO̱ se sese se̱ caꞌanj ꞌu̱nj, ne̱ se̱ caꞌnaꞌ Nimán Yaꞌanj síí ra̱cuíj ndoꞌo man soj maꞌ. Tza̱j ne̱ sese caꞌa̱nj ꞌu̱nj, ne̱ caꞌne̱j ꞌu̱nj man soꞌ rihaan soj ado̱nj.

San Lucas 24:51

Ne̱ nu̱ꞌ cachíín niꞌya̱j soꞌ da̱nj cheꞌé nij soꞌ, ne̱ nu̱ꞌ cavii soꞌ xta̱ꞌ caꞌanj soꞌ a.

San Lucas 24:53

ne̱ ꞌo̱ mán nij soꞌ rej ya̱nj nuvií noco̱o, ne̱ nataꞌ nij soꞌ rihaan nij yuvii̱ se vaa sa̱ꞌ uxrá quiꞌyaj Yaꞌanj a.

Hechos 1:12

Dan me se tanáj nij síí cuneꞌ Jesús caꞌa̱nj nata̱ꞌ snana̱ soꞌ tacaan cuꞌna̱j Tacaan ma̱n Chruun Olivó, ne̱ caꞌanj nij soꞌ, ne̱ namán uún nij soꞌ chumanꞌ Jerusalén a. Dan me se ꞌo̱ kilómetro caꞌanj nij soꞌ a.