San Lucas 20:42 - Triqui de San Juan Copala

⁴² ꞌO̱ se nó snana̱ maꞌa̱n David rihaan yanj cuꞌna̱j Nij Chraꞌ Salmó, se vaa cataj soꞌ a: Caꞌmii Yaꞌanj Si̱j ꞌNi̱j Raꞌa man níꞌ rihaan Síí ꞌNi̱j Raꞌa manj a: “Caꞌa̱nj ca̱yáán so̱ꞌ xꞌnúú ꞌu̱nj rej nuva̱ꞌ ꞌu̱nj,

San Lucas 20:42 Referans Kwoze

Hebreos 1:13

Ne̱ caꞌmii uún Yaꞌanj rihaan Taꞌníí Yaꞌanj, cataj soꞌ a: Ca̱yáán so̱ꞌ rej xꞌnúú ꞌu̱nj rej nuva̱ꞌ ꞌu̱nj rej sa̱ꞌ doj, ne̱ quiꞌya̱j canaán ꞌu̱nj rihaan nij síí ta̱j riꞌyunj mán so̱ꞌ, ne̱ quiri̱i̱ taꞌngáꞌ so̱ꞌ rihaan nij soꞌ a, cataj Yaꞌanj rihaan Taꞌníí Yaꞌanj a. Tza̱j ne̱ rihaan a̱ ꞌó se‑mo̱zó soꞌ ne caꞌmi̱i̱ soꞌ da̱nj maꞌ.

1 Corintios 15:25

ꞌO̱ se no̱ xcúún Cristó gu̱un chij Cristó rihaan chumii̱ nihánj nda̱a se quiꞌya̱j canaán ya̱ ya̱ soꞌ rihaan ta̱ranꞌ nij síí ta̱j riꞌyunj man soꞌ ado̱nj.

San Lucas 24:44

Ga̱a ne̱ cataj soꞌ rihaan nij soꞌ a: ―Nihánj me nana̱ caꞌmii ꞌu̱nj rihaan nij soj ga̱a va̱j ꞌu̱nj ga̱ soj, se vaa cataj ꞌu̱nj vaa cheꞌé quisi̱j ya̱ nu̱ꞌ nana̱ aꞌmii cheꞌé ꞌu̱nj nana̱ no̱ rihaan yanj no̱ stucua̱nj Moisés do̱ꞌ, yanj no̱ snana̱ nij síí nataꞌ snana̱ Yaꞌanj ga̱a naá do̱ꞌ, yanj no̱ nij chraꞌ salmó do̱ꞌ a ―taj soꞌ rihaan nij soꞌ a.

Hebreos 3:7

Cheꞌé dan cuno̱ níꞌ nana̱ nihánj nana̱ caꞌmii Nimán Yaꞌanj á: Cuanꞌ roꞌ, sese ya̱ cuno soj nana̱ caꞌmii Yaꞌanj,

Hechos 1:20

―ꞌO̱ se rihaan yanj cuꞌna̱j Nij Chraꞌ Salmó nó nana̱ taj a: Cunu̱u taca̱an rej cayáán soꞌ, ne̱ se̱ cayáán a̱ doj yuvii̱ rej yoꞌ maꞌ, taj yanj chraꞌ yoꞌ, ne̱ taj uún yoꞌ a: Se‑su̱u̱n soꞌ roꞌ, naca̱j ꞌó soꞌ á, taj uún yanj yoꞌ a.

San Lucas 20:43

nda̱a se quisi̱j quiꞌya̱j canaán ꞌu̱nj rihaan ta̱ranꞌ nij síí ta̱j riꞌyunj mán so̱ꞌ, ne̱ quiri̱i̱ taꞌngáꞌ so̱ꞌ rihaan nij soꞌ ado̱nj”, taj David a.