San Lucas 20:20 - Triqui de San Juan Copala

²⁰ Dan me se tumé ndoꞌo nij síí naquiꞌyaj cu̱u stucua̱nj Moisés do̱ꞌ, nij xrej ata̱ suun noco̱o do̱ꞌ, man Jesús da̱j caꞌmi̱i̱ soꞌ a. Ne̱ caꞌnéé nij soꞌ man do̱j tuviꞌ nij soꞌ síí tihaꞌ yuꞌunj cuchi̱ꞌ nij soꞌ rihaan Jesús, ne̱ quiꞌya̱j nij soꞌ nda̱a vaa ꞌyaj síí vaa sa̱ꞌ síí me rá xna̱ꞌanj nana̱ man soꞌ a. ꞌO̱ se guun rá nij soꞌ cuta̱ꞌ nij soꞌ cacunꞌ xráá Jesús cheꞌé nana̱ caꞌmi̱i̱ soꞌ, ga̱a ne̱ caꞌve̱e ta̱cuachén nij soꞌ man Jesús rihaan tucuá suun gobernador a.

San Lucas 20:20 Referans Kwoze

San Lucas 11:54

Dan me se nanó xre̱j uxrá nij soꞌ nana̱ caꞌmii Jesús cheꞌé se guun ndoꞌo rá nij soꞌ cuta̱ꞌ nij soꞌ cacunꞌ xráá Jesús cheꞌé nana̱ tuꞌva soꞌ a.

San Mateo 27:2

Ga̱a ne̱ numíj nij soꞌ man soꞌ, ne̱ caꞌanj nica̱j nij soꞌ man soꞌ rihaan síí nica̱j suun gobernador cuꞌna̱j Pilató, ne̱ tacuachén nij soꞌ man Jesús rihaan soꞌ a.

2 Pedro 2:3

Gu̱un rá nij síí narque̱ tucuáán ne̱ yoꞌ quiꞌya̱j canaán ndoꞌo nij soꞌ saꞌanj, ne̱ cheꞌé dan nano̱ꞌ nij soꞌ nana̱ ne̱ caꞌmi̱i̱ nij soꞌ rihaan nij soj cheꞌé yan rque̱ soj saꞌanj man nij soꞌ a. Tza̱j ne̱ asi̱j naá cataj Yaꞌanj se vaa quira̱nꞌ ndoꞌo nij síí vaa da̱nj sayuun vaa güii, ne̱ ya̱ uxrá quira̱nꞌ nij soꞌ sayuun ado̱nj.

San Lucas 20:26

Cuno nij síí tihaꞌ yuꞌunj yoꞌ nana̱ caꞌmii ranga̱ꞌ Jesús, ne̱ caꞌanj rá nij soꞌ a. Dan me se ne gu̱un nucua̱j nij soꞌ cuta̱ꞌ nij soꞌ cacunꞌ xráá Jesús, ne̱ cunuu dínj tuꞌva nij soꞌ na̱nj ado̱nj.

San Marcos 3:2

Ne̱ do̱j nij síí fariseo me se yáán nij soꞌ rá veꞌ yoꞌ, ne̱ tumé uxrá nij soꞌ man Jesús sese nahu̱un snóꞌo yoꞌ quiꞌya̱j Jesús ga̱a güii naránj rá nij yuvii̱ israelitá a. Da̱nj quiꞌyaj nij soꞌ cheꞌé rej cuta̱ꞌ nij soꞌ cacunꞌ xráá Jesús a.

San Lucas 20:21

Dan me se xnáꞌanj nij síí tihaꞌ yuꞌunj yoꞌ man Jesús a: ―Neꞌen núj se vaa nana̱ nica̱ ina̱nj aꞌmii so̱ꞌ ne̱ tucuꞌyón so̱ꞌ do̱ꞌ, maestro. Ne̱ ꞌo̱ cuya̱a̱n vaa cunuda̱nj yuvii̱ rihaan so̱ꞌ chugua̱nj. Ne̱ ya̱ tucuꞌyón so̱ꞌ rihaan yuvii̱ da̱j quiꞌya̱j yuvii̱ canoco̱ꞌ yuvii̱ man Yaꞌanj, maestro.