San Lucas 2:37 - Triqui de San Juan Copala

³⁷ ne̱ quináj noꞌ ne maꞌa̱n noꞌ, ne̱ quisíj noꞌ nda̱a caꞌa̱nj chiha̱a̱ caꞌa̱nj (84) yoꞌ ga̱a caꞌngaa neꞌej cuꞌna̱j Jesús a. ꞌO̱ cayáán noꞌ rej ya̱nj nuvií noco̱o, ne̱ nuvi̱i niga̱nꞌ caráj gue̱e̱ noꞌ rihaan Yaꞌanj, tocoꞌ noꞌ xꞌnaa man maꞌa̱n noꞌ ne̱ cachíín niꞌya̱j noꞌ a.

San Lucas 2:37 Referans Kwoze

1 Timoteo 5:5

Sese ya̱ chana̱ nique̱ me ꞌo̱ noꞌ, ne̱ naꞌvi̱j noꞌ ra̱cuíj Yaꞌanj man noꞌ, ne̱ ꞌo̱ nacúún noꞌ rihaan Yaꞌanj do̱ꞌ, ꞌo̱ achíín niꞌya̱j noꞌ rihaan Yaꞌanj do̱ꞌ, nuvi̱i niga̱nꞌ a.

Hechos 14:23

Ne̱ cuneꞌ ro̱j soꞌ man síí tu̱mé sa̱ꞌ rihaan Yaꞌanj man xꞌneꞌ nij síí noco̱ꞌ man Cristó ꞌo̱ ꞌo̱ nij chumanꞌ a. Ga̱a ne̱ tocoꞌ ro̱j soꞌ xꞌnaa man maꞌa̱n ro̱j soꞌ, ne̱ cachíín niꞌya̱j ro̱j soꞌ rihaan Jesucristó Si̱j ꞌNi̱j Raꞌa man níꞌ cheꞌé nij síí cuchumán rá niꞌya̱j man soꞌ se vaa ra̱cuíj soꞌ man nij soꞌ a.

Hechos 13:3

Ga̱a ne̱ tocoꞌ nij soꞌ xꞌnaa man maꞌa̱n nij soꞌ, ne̱ cachíín niꞌya̱j ndoꞌo nij soꞌ rihaan Yaꞌanj, ga̱a ne̱ cutaꞌ nij soꞌ raꞌa nij soꞌ raa̱ ro̱j soꞌ, ga̱a ne̱ caꞌnéé nij soꞌ man ro̱j soꞌ caꞌa̱nj nata̱ꞌ ro̱j soꞌ snana̱ Jesús rihaan yuvii̱ a.

Hechos 26:7

Ne̱ ꞌo̱ naꞌvi̱j cunu̱ꞌ chuvi̱j nij xꞌneꞌ nij síí israelitá ne̱ nuvi̱i niga̱nꞌ aráj gue̱e̱ nij soꞌ rihaan Yaꞌanj, cheꞌé se uun ya̱ rá maꞌa̱n nij soꞌ se vaa quiꞌya̱j Yaꞌanj nu̱ꞌ da̱nj cheꞌé nij soꞌ a. Ne̱ cheꞌé rasu̱u̱n yoꞌ rasu̱u̱n quiꞌya̱j Yaꞌanj cheꞌé níꞌ roꞌ, cheꞌé dan cutaꞌ nij soꞌ cacunꞌ xráj, na̱nj rey Agripa.

Apocalipsis 7:15

Cheꞌé dan me nicu̱nꞌ nij soꞌ rihaan xrúún Yaꞌanj chruun xlá sa̱ꞌ, ne̱ nuvi̱i niga̱nꞌ nicunꞌ nij soꞌ rá nuvií noco̱o ya̱nj rej xta̱ꞌ nu̱u̱ nij soꞌ rihaan Yaꞌanj, ne̱ Yaꞌanj si̱j ta̱j rihaan chruun xlá sa̱ꞌ yoꞌ roꞌ, ca̱ráán soꞌ rihaan sayuun cheꞌé nij soꞌ a.

Apocalipsis 3:12

Ne̱ síí quiꞌya̱j canaán roꞌ, ase vaa ꞌo̱ chraan xca̱a̱n nicu̱nꞌ tacóó nuvií noco̱o rej aráj gue̱e̱ yuvii̱ rihaan Yaꞌanj roꞌ, da̱nj ga̱a̱ soꞌ rihanj, qui̱ꞌyáj, ne̱ se̱ curiha̱nj uún soꞌ rej ya̱nj ꞌu̱nj maꞌ. Ne̱ rihaan soꞌ roꞌ, cachro̱n ꞌu̱nj vaꞌnu̱j nana̱, ne̱ dan me se cachro̱n ꞌu̱nj se‑chuvi̱i Taꞌanj ꞌu̱nj, ne̱ cachro̱n ꞌu̱nj se‑chuvi̱i chumanꞌ ya̱nj Taꞌanj ꞌu̱nj chumanꞌ cuꞌna̱j Jerusalén naca̱ nani̱j rihaan chumii̱ nihánj, ne̱ cachro̱n ꞌu̱nj se‑chuvi̱i naca̱ ma̱ꞌanj cachro̱n ꞌu̱nj rihaan soꞌ ado̱nj.

San Lucas 5:33

Ga̱a ne̱ nij síí fariseo ga̱ nij síí naquiꞌyaj cu̱u stucua̱nj Moisés me se cataj nij soꞌ rihaan Jesús a: ―Me cheꞌé, ne̱ nij síí tucuꞌyón snana̱ Juan Síí Utaꞌ Ne man yuvii̱ me se tocoꞌ nij soꞌ xꞌnaa man maꞌa̱n nij soꞌ do̱ꞌ, achíín niꞌya̱j nij soꞌ rihaan Yaꞌanj do̱ꞌ, ne̱ veé da̱nj ꞌyaj nij síí tucuꞌyón snana̱ núj si̱j fariseo do̱ꞌ, tza̱j ne̱ nij síí tucuꞌyón snana̱ so̱ꞌ me se ne tocoꞌ nij soꞌ xꞌnaa man maꞌa̱n nij soꞌ rihaan Yaꞌanj ga̱ ―taj nij soꞌ rihaan Jesús a.