San Lucas 19:9 - Triqui de San Juan Copala

⁹ Ga̱a ne̱ cataj Jesús rihaan soꞌ a: ―Cuanꞌ me se a̱j cavii sa̱ꞌ nij tucua̱ síí nihánj cheꞌé se ꞌo̱ taꞌníí síí cuꞌna̱j Abraham ga̱a naá me soꞌ cuano̱ uún a.

San Lucas 19:9 Referans Kwoze

Gálatas 3:7

Cheꞌé dan xca̱j soj cuentá se vaa níꞌ si̱j amán rá niꞌya̱j man Yaꞌanj me se ase vaa Abraham roꞌ, taꞌngaꞌ da̱nj vaa maꞌa̱n níꞌ chugua̱nj.

San Lucas 13:16

Ne̱ nihánj me nicunꞌ chana̱ nihánj, ne̱ taꞌníí taꞌnij siꞌno̱ xi̱i níꞌ síí ma̱n ga̱a naá cuꞌna̱j Abraham me noꞌ a. Ne̱ nihánj me quisíj xnu̱ꞌ vaꞌnu̱j (18) yoꞌ numíj Síí Chre̱e man noꞌ, ne̱ caꞌve̱e se güii naránj rá níꞌ me güii cuanꞌ, tza̱j ne̱ vaa cheꞌé ndoꞌo nache̱ níꞌ man noꞌ raꞌa Síí Chre̱e ado̱nj ―taj Jesús rihaan síí ꞌni̱j raꞌa veꞌ yoꞌ a.

Romanos 4:16

Cheꞌé dan cunuda̱nj níꞌ si̱j amán rá niꞌya̱j man Yaꞌanj roꞌ, me nij síí ni̱caj yuꞌunj man chumii̱, ne̱ veé dan me se lu̱j quiꞌya̱j Yaꞌanj cheꞌé níꞌ me yoꞌ, ga̱a ne̱ caꞌve̱e quisi̱j ya̱ nu̱ꞌ nana̱ cataꞌ tuꞌva Yaꞌanj cheꞌé ta̱ranꞌ níꞌ a. Dan me se né ina̱nj nij síí gu̱un nucua̱j quiꞌya̱j nu̱ꞌ stucua̱nj Moisés me nij síí cavi̱i̱ sa̱ꞌ da̱nj maꞌ. Tana̱nj cavi̱i̱ sa̱ꞌ ta̱ranꞌ níꞌ si̱j amán rá niꞌya̱j man Yaꞌanj, nda̱a vaa quiꞌyaj Abraham ado̱nj. ꞌO̱ se xi̱i ta̱ranꞌ níꞌ me soꞌ ado̱nj.

1 Pedro 2:10

Dan me se ga̱a naá me se né yuvi̱i̱ ꞌni̱j raꞌa Yaꞌanj me soj, tza̱j ne̱ ya̱j me se soj me síí ꞌni̱j raꞌa Yaꞌanj a. Ga̱a naá me se ne ꞌe̱e̱ rá Yaꞌanj niꞌya̱j soꞌ man soj, tza̱j ne̱ ya̱j me se cunuu ꞌe̱e̱ rá Yaꞌanj niꞌya̱j soꞌ man soj ado̱nj.

Gálatas 3:29

Cheꞌé se si̱j noco̱ꞌ man Cristó me soj roꞌ, cheꞌé dan maꞌa̱n ya̱ taꞌníí taꞌnij siꞌno̱ síí cuꞌna̱j Abraham me soj rihaan Yaꞌanj, nda̱a vaa cataj Yaꞌanj rihaan Abraham se vaa quiꞌya̱j soꞌ se lu̱j rihaan ta̱ranꞌ nij taꞌníí taꞌnij siꞌno̱ Abraham ado̱nj.

Gálatas 3:14

Nda̱a síj, ga̱a ne̱ se lu̱j cataꞌ tuꞌva Yaꞌanj rihaan Abraham roꞌ, caꞌnaꞌ se lu̱j yoꞌ nda̱a rihaan nij yuvii̱ yaníj, cheꞌé se vaa quiꞌyaj Cristó Jesús a. Dan me se ga̱a naá, ne̱ cataꞌ tuꞌva Yaꞌanj se vaa catu̱u̱ Nimán Yaꞌanj nimán níꞌ, ne̱ cuchumán rá níꞌ niꞌya̱j níꞌ man Yaꞌanj, ne̱ cheꞌé dan ya̱ da̱nj guun ado̱nj.

San Lucas 3:8

Sese ya̱ nuchranꞌ nimán soj, ne̱ quiꞌya̱j soj nda̱a vaa ꞌyaj yuvii̱ cunuu sa̱ꞌ nimán na̱nj á. Ne̱ se̱ guun cheꞌe̱ soj cata̱j soj se vaa xi̱i soj síí cayáán ga̱a naá me Abraham maꞌ. Cata̱j xnaꞌanj ꞌu̱nj rihaan soj se vaa, sese Yaꞌanj rá, ne̱ caꞌve̱e ni̱caj soꞌ náá guun yahij na̱j rihaan yoꞌóó nihánj, ne̱ quiꞌya̱j soꞌ man ꞌo̱ taꞌníí taꞌnij siꞌno̱ Abraham ado̱nj.

San Lucas 2:30

Queneꞌen rihanj man síí caꞌnéé so̱ꞌ man ti̱nanii man núj rihaan sayuun,

San Lucas 13:30

Ni̱ꞌyaj soj á. Nij síí noco̱ꞌ ndoꞌo cuano̱ roꞌ, gu̱un nij soꞌ síí gu̱un chij, ne̱ nij síí uun chij cuano̱ roꞌ, gu̱un nij soꞌ síí noco̱ꞌ, quiꞌya̱j Yaꞌanj vaa güii na̱nj ado̱nj ―taj Jesús rihaan nij yuvii̱ yoꞌ a.

San Lucas 16:24

Ga̱a ne̱ canacúún soꞌ man Abraham, cataj soꞌ a: “Cunu̱u ꞌe̱e̱ rá so̱ꞌ manj, ata̱j Abraham. Ne̱ caꞌne̱j so̱ꞌ man Lázaro caꞌna̱ꞌ soꞌ ne̱ ti̱guíj soꞌ raa̱ raꞌa soꞌ rque na, ne̱ tu̱cuachree soꞌ daa ꞌu̱nj, ga̱a ne̱ cunu̱u cui̱j do̱j raj quiꞌya̱j soꞌ, ata̱j. ꞌO̱ se naꞌaan ndoꞌo manj, ꞌyaj yaꞌan nihánj na̱nj á”, taj ruꞌvee yoꞌ rihaan Abraham a.

San Lucas 16:30

“Se̱ cuno nij soꞌ, maan ata̱j Abraham. Tza̱j ne̱ sese caꞌa̱nj ꞌo̱ síí caviꞌ rihaan nij soꞌ, ga̱a ne̱ ca̱nica̱j nimán nij soꞌ canoco̱ꞌ nij soꞌ chrej sa̱ꞌ, raj a”, taj ruꞌvee rihaan Abraham a.