San Lucas 19:22 - Triqui de San Juan Copala

²² ’Ga̱a ne̱ cataj síí xnaꞌa̱nj ruꞌvee rihaan mozó yoꞌ a: “Mozó chiꞌi̱i̱ nimán mé so̱ꞌ chugua̱nj. Ya̱ tumé so̱ꞌ cacunꞌ cheꞌé nana̱ tuꞌva ma̱ꞌán so̱ꞌ na̱nj á. ꞌO̱ se queneꞌén so̱ꞌ se vaa si̱j sca̱ꞌ ndoꞌo nimán mej, ne̱ queneꞌén so̱ꞌ se vaa naxca̱j ꞌu̱nj rasu̱u̱n rej nuviꞌ rasu̱u̱n cutaj, ne̱ queneꞌén so̱ꞌ se vaa ꞌó yuvii̱ unô caân ne̱ ꞌu̱nj rii naa̱ na̱nj á.

San Lucas 19:22 Referans Kwoze

San Mateo 22:12

Ga̱a ne̱ cataj síí nica̱j suun rey rihaan soꞌ a: “Me cheꞌé catúj so̱ꞌ rá veꞌ nihánj veꞌ anuû chaꞌanj, ne̱ nuviꞌ yatzíj naraꞌa̱a nuû so̱ꞌ, ga̱ tinu̱ꞌ”, taj soꞌ a. Ne̱ guun naꞌa̱j soꞌ, ne̱ ne caꞌmi̱i̱ soꞌ maꞌ.

San Mateo 12:37

ꞌO̱ se sese sa̱ꞌ vaa nana̱ caꞌmii so̱ꞌ, ne̱ cata̱j Yaꞌanj se vaa ne tumé so̱ꞌ cacunꞌ maꞌ. Ne̱ sese chiꞌi̱i̱ vaa nana̱ caꞌmii so̱ꞌ, ne̱ cata̱j Yaꞌanj se vaa ya̱ tumé so̱ꞌ cacunꞌ ado̱nj ―taj Jesús rihaan nij síí fariseo yoꞌ a.

Romanos 3:19

Dan me se yuvii̱ noco̱ꞌ stucua̱nj Moisés me nij síí israelitá, ne̱ dan me se neꞌen níꞌ se vaa nu̱ꞌ nana̱ yoꞌ nana̱ no̱ rihaan Danj Yaꞌanj roꞌ, taj xnaꞌanj rihaan nij soꞌ da̱j vaa maꞌa̱n nij soꞌ a. Nda̱a síj, ga̱a ne̱ gu̱un naꞌa̱j nij soꞌ ga̱ ꞌó nij yuvii̱ ma̱n rihaan chumii̱ nihánj, ne̱ queneꞌe̱n cunuda̱nj níꞌ se vaa vaa cheꞌé quiꞌya̱j Yaꞌanj sayuun man níꞌ na̱nj ado̱nj.

San Lucas 19:21

cheꞌé se cuchuꞌvíꞌ ꞌu̱nj niꞌya̱j ꞌu̱nj mán so̱ꞌ, cheꞌé se si̱j sca̱ꞌ ndoꞌo nimán mé so̱ꞌ, ne̱ naxca̱j so̱ꞌ rasu̱u̱n rej nuviꞌ rasu̱u̱n cutáꞌ so̱ꞌ, ne̱ ꞌó yuvii̱ unô caân, ne̱ ma̱ꞌán so̱ꞌ rii naa̱ na̱nj ado̱nj”, taj mozó yoꞌ rihaan síí xnaꞌa̱nj ruꞌvee yoꞌ a.

San Lucas 19:23

Cheꞌé dan me se me cheꞌé ne ta̱cuachén so̱ꞌ se‑saꞌa̱nj ꞌu̱nj rihaan nij síí nutaꞌ saꞌanj ga̱. Ga̱a ne̱ ga̱a caꞌnáꞌ ꞌu̱nj, ne̱ nacaj ꞌu̱nj se‑saꞌa̱nj ꞌu̱nj ga̱ saꞌanj nataꞌ raa̱ yoꞌ ga̱”, taj ruꞌvee yoꞌ rihaan mozó rmi̱i̱ yoꞌ a.