San Lucas 17:14 - Triqui de San Juan Copala

¹⁴ Ga̱a ne̱ queneꞌen Jesús man nij soꞌ, ga̱a ne̱ cataj Jesús rihaan nij soꞌ a: ―Cavi̱i̱ soj caꞌa̱nj soj, ne̱ ti̱haa̱n soj man soj rihaan nij xrej á ―taj Jesús rihaan nij soꞌ a. Dan me se cuno nij soꞌ nana̱ caꞌmii Jesús, ne̱ cavii nij soꞌ, caꞌanj nij soꞌ, ne̱ ga̱a va̱j nij soꞌ chrej, ne̱ nahuun sa̱ꞌ cunuda̱nj nij soꞌ a.

San Lucas 17:14 Referans Kwoze

San Lucas 5:14

Dan me se caꞌneꞌ Jesús suun rihaan síí nahuun yoꞌ se vaa se̱ cataj xnaꞌanj soꞌ rihaan a̱ ꞌó yuvii̱ cheꞌé se vaa quiranꞌ soꞌ maꞌ. Ga̱a ne̱ cataj uún Jesús rihaan soꞌ a: ―Caꞌa̱nj so̱ꞌ rihaan xrej, ne̱ ti̱haán so̱ꞌ mán so̱ꞌ rihaan xrej se vaa nahuún so̱ꞌ, ne̱ rque̱ so̱ꞌ rihaan Yaꞌanj se vaa cataj síí cuꞌna̱j Moisés ga̱a naá nda̱a vaa no̱ xcúún so̱ꞌ rque̱ so̱ꞌ rihaan Yaꞌanj cheꞌé se nahuún so̱ꞌ ado̱nj. Ga̱a ne̱ xca̱j nij xrej cuentá se vaa nahuún so̱ꞌ quiꞌyáj ado̱nj ―taj Jesús rihaan síí nahuun yoꞌ a.

San Mateo 3:15

Ga̱a ne̱ cataj Jesús rihaan soꞌ a: ―Caꞌve̱j so̱ꞌ cuta̱ꞌ ne so̱ꞌ manj á. Da̱nj quiꞌya̱j ro̱ꞌ, cheꞌé se no̱ xcúún ro̱ꞌ quiꞌya̱j ro̱ꞌ nu̱ꞌ se vaa me rá Yaꞌanj quiꞌya̱j níꞌ ado̱nj ―taj Jesús rihaan Juan a. Ga̱a ne̱ caꞌvej rá Juan, ne̱ cutaꞌ ne soꞌ man Jesús a.

San Juan 11:10

Tza̱j ne̱ sese cache̱e̱ ꞌo̱ soꞌ rej nii̱, ne̱ naxru̱ꞌ soꞌ, cheꞌé se taj va̱j yaꞌan chuguu̱n nimán soꞌ ado̱nj ―taj Jesús a.

San Juan 9:7

Ga̱a ne̱ cataj soꞌ rihaan síí tuchri̱i yoꞌ a: ―Caꞌa̱nj so̱ꞌ naꞌnu̱ꞌ so̱ꞌ rihaan so̱ꞌ rá na Siloé á ―taj Jesús rihaan soꞌ a. Dan me se nana̱ Siloé me raj cata̱a rasu̱u̱n caꞌnéé nii man a. Veé dan me se caꞌanj síí tuchri̱i yoꞌ, ne̱ naꞌnuꞌ soꞌ rihaan soꞌ rá na yoꞌ, ga̱a ne̱ canica̱j soꞌ caꞌnaꞌ uún soꞌ, ne̱ curuviꞌ rihaan soꞌ a.

San Juan 2:5

Ga̱a ne̱ cataj xnaꞌanj nii Jesús rihaan nij mozó a: ―Quiꞌya̱j soj nu̱ꞌ se vaa cata̱j xnaꞌanj soꞌ rihaan soj á ―taj noꞌ rihaan nij mozó a.