San Lucas 16:24 - Triqui de San Juan Copala

²⁴ Ga̱a ne̱ canacúún soꞌ man Abraham, cataj soꞌ a: “Cunu̱u ꞌe̱e̱ rá so̱ꞌ manj, ata̱j Abraham. Ne̱ caꞌne̱j so̱ꞌ man Lázaro caꞌna̱ꞌ soꞌ ne̱ ti̱guíj soꞌ raa̱ raꞌa soꞌ rque na, ne̱ tu̱cuachree soꞌ daa ꞌu̱nj, ga̱a ne̱ cunu̱u cui̱j do̱j raj quiꞌya̱j soꞌ, ata̱j. ꞌO̱ se naꞌaan ndoꞌo manj, ꞌyaj yaꞌan nihánj na̱nj á”, taj ruꞌvee yoꞌ rihaan Abraham a.

San Lucas 16:24 Referans Kwoze

Apocalipsis 22:1

Ga̱a ne̱ tihaa̱n se‑mo̱zó Yaꞌanj yoꞌ ꞌo̱ chráá rihanj, ne̱ chráá nu̱u̱ na ꞌyaj vaa iꞌna̱ꞌ yuvii̱ nu̱ꞌ cavii nu̱ꞌ caꞌanj me chráá yoꞌ a. Ne̱ nda̱a chuguu̱n raa̱n maꞌa̱n chráá yoꞌ a. Ne̱ chráá yoꞌ roꞌ, avii tacóó chruun xlá sa̱ꞌ xrúún Yaꞌanj do̱ꞌ, xrúún Matzinj Leꞌe̱j do̱ꞌ a.

San Juan 4:10

Ga̱a ne̱ cataj Jesús rihaan noꞌ a: ―Sese xcaj so̱ꞌ cuentá cheꞌé se lu̱j quiꞌya̱j Yaꞌanj cheꞌé so̱ꞌ ne̱ sese queneꞌén so̱ꞌ me síí achíín na mán so̱ꞌ cuano̱, ne̱ cachíín so̱ꞌ na ꞌyaj vaa iꞌna̱ꞌ yuvii̱ man soꞌ coꞌo̱ so̱ꞌ, ne̱ rqué soꞌ na yoꞌ coꞌo so̱ꞌ tza̱j ado̱nj ―taj Jesús rihaan chana̱ yoꞌ a.

San Juan 4:14

Tza̱j ne̱ síí coꞌo̱ na rque̱ ꞌu̱nj nihánj me se daj chiha̱a̱ míj se̱ canacoo̱ uún soꞌ na yoꞌ a̱ maꞌ. Ase vaa rej veꞌé uxrá avii na roꞌ, da̱nj ga̱a̱ nimán soꞌ, ne̱ cu̱nuû uxrá se lu̱j nimán soꞌ, ne̱ ga̱a̱ iꞌna̱ꞌ soꞌ ga̱ Yaꞌanj nu̱ꞌ cavii nu̱ꞌ caꞌanj, quiꞌya̱j na rque̱j ado̱nj ―taj Jesús rihaan chana̱ yoꞌ a.

San Mateo 25:41

’Ga̱a ne̱ cata̱j ꞌu̱nj rihaan nij síí nicu̱nꞌ rej ni̱chruún ꞌu̱nj a: “Naxu̱u̱n soj man soj rihanj cuaj á. Ma̱an se cataj ya̱ Yaꞌanj se vaa ina̱nj sayuun quira̱nꞌ soj, caꞌa̱nj soj rihaan yaꞌan, caca̱a̱ soj nu̱ꞌ cavii nu̱ꞌ caꞌanj na̱nj á. Dan me se quiꞌyaj Yaꞌanj yaꞌan yoꞌ caca̱a̱ Síí Chre̱e caca̱a̱ nij nana̱ chre̱e caca̱a̱, ne̱ caca̱a̱ nij soj caca̱a̱ ga̱ soꞌ ado̱nj.

Apocalipsis 20:15

Ne̱ ta̱ranꞌ nij síí nuviꞌ se‑chuvi̱i rihaan yanj no̱ se‑chuvi̱i nij síí ga̱a̱ iꞌna̱ꞌ nu̱ꞌ cavii nu̱ꞌ caꞌanj roꞌ, quiriꞌíj nii man nij soꞌ rque na laguaná acaa yoꞌ, ne̱ ꞌo̱ caca̱a̱ nij soꞌ ado̱nj.

Santiago 3:6

Ne̱ ase vaa yaꞌan vaa nana̱ aꞌmii daa níꞌ, ne̱ uun nucua̱j daa níꞌ quiꞌya̱j ndoꞌo yoꞌ se chiꞌi̱i̱, ne̱ nda̱a riꞌ nu̱ꞌ man níꞌ, ꞌyaj daa níꞌ na̱nj ado̱nj. Riꞌ na̱nj níꞌ, ꞌyaj daa níꞌ, ne̱ Síí Chre̱e me síí ꞌyaj aꞌmii daa níꞌ nana̱ chiꞌi̱i̱ na̱nj á.

San Lucas 16:30

“Se̱ cuno nij soꞌ, maan ata̱j Abraham. Tza̱j ne̱ sese caꞌa̱nj ꞌo̱ síí caviꞌ rihaan nij soꞌ, ga̱a ne̱ ca̱nica̱j nimán nij soꞌ canoco̱ꞌ nij soꞌ chrej sa̱ꞌ, raj a”, taj ruꞌvee rihaan Abraham a.

San Lucas 3:8

Sese ya̱ nuchranꞌ nimán soj, ne̱ quiꞌya̱j soj nda̱a vaa ꞌyaj yuvii̱ cunuu sa̱ꞌ nimán na̱nj á. Ne̱ se̱ guun cheꞌe̱ soj cata̱j soj se vaa xi̱i soj síí cayáán ga̱a naá me Abraham maꞌ. Cata̱j xnaꞌanj ꞌu̱nj rihaan soj se vaa, sese Yaꞌanj rá, ne̱ caꞌve̱e ni̱caj soꞌ náá guun yahij na̱j rihaan yoꞌóó nihánj, ne̱ quiꞌya̱j soꞌ man ꞌo̱ taꞌníí taꞌnij siꞌno̱ Abraham ado̱nj.

Santiago 2:13

ꞌO̱ se asa̱ꞌ caꞌne̱ꞌ Yaꞌanj cacunꞌ cheꞌé yuvii̱, ne̱ se̱ gaa ꞌe̱e̱ rá Yaꞌanj ni̱ꞌyaj Yaꞌanj man síí ne ꞌe̱e̱ rá man tuviꞌ maꞌ. Tza̱j ne̱ se niꞌya̱nj rá me se yoꞌ me quiꞌya̱j canaán rihaan sayuun ado̱nj.

Apocalipsis 19:20

Tza̱j ne̱ taꞌaa nii man xcuu yuva̱a̱ yoꞌ do̱ꞌ, man síí nataꞌ nana̱ ne̱ síí quiꞌyaj suun noco̱o rihaan xcuu yuva̱a̱ do̱ꞌ a. Ne̱ suun noco̱o quiꞌyaj soꞌ me se veé da̱nj tihaꞌ yuꞌunj ndoꞌo soꞌ man nij síí caꞌneꞌ rá quino̱ se‑taꞌnga̱ꞌ xcuu yuva̱a̱ yoꞌ man do̱ꞌ, síí caráj gue̱e̱ man se tinanga̱ꞌ xcuu yuva̱a̱ cheꞌé suun noco̱o queneꞌen nij soꞌ do̱ꞌ a. Dan me se quiriꞌíj nii man ro̱j soꞌ rque laguaná rej acaa ndoꞌo yoꞌóó azufré, ne̱ veé da̱nj vaa iꞌna̱ꞌ ro̱j soꞌ a.

2 Tesalonicenses 1:8

Ne̱ quiꞌya̱j soꞌ sayuun man nij yuvii̱ ne neꞌen man Yaꞌanj do̱ꞌ, man nij yuvii̱ naꞌvej rá cuno̱ nana̱ sa̱ꞌ cheꞌé Jesús Si̱j ꞌNi̱j Raꞌa man níꞌ do̱ꞌ a.

Romanos 4:12

Ne̱ xi̱i nij yuvii̱ ataꞌ taꞌngaꞌ man me uún soꞌ, sese ya̱ noco̱ꞌ nij soꞌ tucuáán noco̱ꞌ maꞌa̱n soꞌ, ne̱ dan me se cuchuma̱n rá nij soꞌ ni̱ꞌyaj nij soꞌ Yaꞌanj, ne̱ tuviꞌ Abraham gu̱un nij soꞌ a. Dan me se xi̱i níꞌ me Abraham, sese quiꞌya̱j níꞌ nda̱a vaa quiꞌyaj soꞌ ado̱nj.

San Juan 7:37

Dan me se ga̱a güii navi̱j chaꞌanj, güii noco̱o doj, ne̱ canicunꞌ Jesús, ne̱ cataj soꞌ a: ―Sese ase vaa síí nacoo̱ ndoꞌo na vaa soj, ne̱ caꞌna̱ꞌ soj rihanj, ne̱ rque̱j na achiin ya̱ man soj á.

San Mateo 5:22

Tza̱j ne̱ ꞌu̱nj nihánj me se cata̱j xnaꞌanj ꞌu̱nj, ne̱ a̱ me maꞌa̱n ꞌo̱ síí caꞌmaan rá niꞌya̱j man tinúú, ne̱ a̱j tumé soꞌ cacunꞌ cata̱j síí nica̱j suun, ne̱ quira̱nꞌ soꞌ sayuun ado̱nj. Ne̱ a̱ me maꞌa̱n síí cata̱j rihaan tuviꞌ: “Síí snúú rmaꞌa̱n mé so̱ꞌ ado̱nj”, ne̱ a̱j tumé ndoꞌo soꞌ cacunꞌ cata̱j Xꞌneꞌ Nij Síí Ata̱ Suun Noco̱o Doj ado̱nj. Ne̱ a̱ me maꞌa̱n síí cata̱j rihaan tuviꞌ: “Taj se gúnꞌ mán so̱ꞌ mei”, me se vaa cheꞌé caꞌa̱nj maꞌa̱n síí aꞌmii da̱nj rihaan yaꞌan caca̱a̱ soꞌ na̱nj ado̱nj.

San Mateo 3:9

Ne̱ ta̱dó soj sese quisi̱j rá soj cata̱j soj se vaa taꞌníí taꞌnij siꞌno̱ síí cuꞌna̱j Abraham síí cayáán ga̱a naá me soj, ne̱ ne tumé soj cacunꞌ, cata̱j soj á. Daj chiha̱a̱ míj se̱ caꞌmii soj da̱nj maꞌ. Ma̱an se cata̱j xnaꞌanj ꞌu̱nj rihaan soj se vaa né se yaꞌa̱nj tihaꞌ taꞌníí taꞌnij siꞌno̱ Abraham me soj a̱ maꞌ. Sese me rá Yaꞌanj, ne̱ caꞌve̱e ni̱caj Yaꞌanj náá guun yahij na̱j rihaan yoꞌóó nihánj, ne̱ quiꞌya̱j Yaꞌanj man ꞌo̱ taꞌníí taꞌnij siꞌno̱ Abraham ado̱nj.

San Lucas 19:9

Ga̱a ne̱ cataj Jesús rihaan soꞌ a: ―Cuanꞌ me se a̱j cavii sa̱ꞌ nij tucua̱ síí nihánj cheꞌé se ꞌo̱ taꞌníí síí cuꞌna̱j Abraham ga̱a naá me soꞌ cuano̱ uún a.