San Lucas 16:1 - Triqui de San Juan Copala

¹ Ga̱a ne̱ cataj Jesús rihaan nij síí tucuꞌyón snana̱ soꞌ a: ―Síí ruꞌvee me ꞌo̱ soꞌ, ne̱ nu̱u̱ ꞌo̱ mozó rihaan soꞌ síí tumé nu̱ꞌ siꞌyaj soꞌ a. Dan me se cutaꞌ nii cacunꞌ xráá mozó yoꞌ rihaan ruꞌvee se vaa cutunꞌ ndoꞌo soꞌ siꞌyaj ruꞌvee a.

San Lucas 16:1 Referans Kwoze

1 Pedro 4:10

Dan me se quiꞌyaj Yaꞌanj se lu̱j ga̱ ꞌo̱ ꞌo̱ níꞌ, rqué Yaꞌanj suun rihaan ꞌo̱ ꞌo̱ níꞌ quiꞌya̱j níꞌ cheꞌé tinúú níꞌ, ne̱ ino̱ doj vaa suun ꞌyaj ꞌo̱ ꞌo̱ níꞌ cheꞌé tinúú níꞌ, ne̱ cheꞌé dan no̱ xcúún soj ra̱cuíj soj man tinúú soj, nda̱a vaa uun nucua̱j soj chugua̱nj.

San Lucas 12:42

Ga̱a ne̱ cataj Jesús Si̱j ꞌNi̱j Raꞌa man níꞌ a: ―Cheꞌé dan me sese cuneꞌ síí tucua̱ ꞌo̱ veꞌ man ꞌo̱ se‑mo̱zó soꞌ se vaa tu̱mé mozó yoꞌ man tuviꞌ mozó rque̱ soꞌ se chá rihaan nij soꞌ orá chá nij soꞌ, ne̱ da̱j quiꞌya̱j mozó yoꞌ, rá soj ga̱. Sese ya̱ ya̱ si̱j veꞌé ꞌyaj suun me soꞌ do̱ꞌ, sese ya̱ ya̱ si̱j avii raa̱ me soꞌ do̱ꞌ, ne̱ da̱j quiꞌya̱j soꞌ, rá soj ga̱.

Santiago 4:3

Ne̱ nda̱ꞌ se achíín niꞌya̱j soj rihaan Yaꞌanj, tza̱j ne̱ ne rqué Yaꞌanj nij rasu̱u̱n yoꞌ rihaan soj, cheꞌé se chiꞌi̱i̱ ndoꞌo vaa nimán soj ga̱a achíín niꞌya̱j soj rihaan Yaꞌanj maꞌ. Dan me se me ina̱nj rá soj cavi̱i̱ sa̱ꞌ maꞌa̱n ina̱nj soj rihaan chumii̱ nihánj quiꞌya̱j nij rasu̱u̱n yoꞌ ado̱nj.

Tito 1:7

Cheꞌé se suun nica̱j síí tumé sa̱ꞌ man nij síí noco̱ꞌ man Cristó me se‑su̱u̱n Yaꞌanj roꞌ, vaa cheꞌé nari̱i̱ so̱ꞌ man síí nuviꞌ cacunꞌ tumé do̱ꞌ, síí ne xta̱ꞌ nimán do̱ꞌ, síí ne yaꞌa̱an rá do̱ꞌ, síí ne niha̱ꞌ rá coꞌo̱ na vinó do̱ꞌ, síí ne yuva̱a̱ do̱ꞌ, síí ne niha̱ꞌ rá tiha̱ꞌ tuviꞌ quiri̱ꞌ saꞌanj do̱ꞌ a.

San Lucas 15:30

Tza̱j ne̱ nihánj me se namán taꞌníí so̱ꞌ síí chá nu̱ꞌ siꞌyáá so̱ꞌ ga̱a chéé soꞌ ga̱ nij chana̱ niha̱ꞌ rá, ne̱ ticavíꞌ so̱ꞌ scúj leꞌe̱j ramii cheꞌé soꞌ a”, taj síí chava̱ꞌ yoꞌ rihaan rej soꞌ a.

San Lucas 15:13

Dan me se cachén do̱j güii, ga̱a ne̱ naquiꞌyaj chre̱ꞌ síí cuni̱j yoꞌ nu̱ꞌ siꞌyaj soꞌ, ne̱ cavii soꞌ caꞌanj soꞌ estadó na̱j ga̱nꞌ, ne̱ quiꞌyaj ndoꞌo soꞌ se nij, ne̱ cutunꞌ rmaꞌa̱n soꞌ nu̱ꞌ se‑saꞌa̱nj soꞌ a.

San Lucas 19:20

’Dan me se caꞌnaꞌ ꞌó soꞌ uún, ne̱ cataj soꞌ a: “Nihánj me naca̱j so̱ꞌ se‑saꞌa̱nj so̱ꞌ, señor. ꞌO̱ se caraa sa̱ꞌ ꞌu̱nj man yoꞌ rque ꞌo̱ vitó,

San Lucas 16:19

Ga̱a ne̱ nanó Jesús cuentó nihánj a: ―Ruꞌvee me ꞌo̱ soꞌ, ne̱ yatzíj sa̱ꞌ ina̱nj cunuû soꞌ, ne̱ da̱j a̱ güii uun ndoꞌo nihaa sa̱ꞌ tuꞌve̱e̱ ndoꞌo tucuá soꞌ ꞌyaj soꞌ chaꞌanj a.

San Lucas 8:3

Ne̱ ꞌó noꞌ roꞌ, me níí cuꞌna̱j Juaná, ne̱ nica̱ noꞌ roꞌ, me síí cuꞌna̱j Chuza síí nicu̱nꞌ rihaan síí nica̱j suun rey cuꞌna̱j Herodes a. Ne̱ ꞌó chana̱ caꞌanj ga̱ Jesús roꞌ, me níí cuꞌna̱j Susana a. Ne̱ vaa queꞌe̱e̱ doj nij chana̱ caꞌanj ga̱ nij soꞌ a. Nu̱ꞌ nij chana̱ nihánj roꞌ, me níí racuíj man nij tuvi̱ꞌ Jesús se vaa rqué nij noꞌ rasu̱u̱n siꞌyaj nij noꞌ se vaa cachiin man nij tuvi̱ꞌ Jesús a.

San Mateo 20:8

’Veé dan, ga̱a ne̱ nichrunꞌ cata̱ꞌ güii tuꞌva quij, ga̱a ne̱ caꞌneꞌ síí toꞌo̱j yoꞌ suun rihaan se‑mo̱zó soꞌ síí tumé saꞌanj se vaa na̱ruꞌvee soꞌ saꞌanj rihaan nij síí quiꞌyaj suun rihaan toꞌóó soꞌ yoꞌ a: “Canacu̱nj so̱ꞌ caꞌna̱ꞌ nij síí quiꞌyaj suun yoꞌ, ne̱ na̱ruꞌvee so̱ꞌ rihaan nij soꞌ á. Asino ya̱a̱n na̱ruꞌvee so̱ꞌ rihaan nij síí catúj suun agaꞌ ꞌu̱nꞌ, ga̱a ne̱ na̱ruꞌvee so̱ꞌ rihaan nij síí catúj suun rej naꞌya̱a̱n á”, taj soꞌ rihaan síí tumé saꞌanj yoꞌ a.

San Lucas 16:2

Ga̱a ne̱ canacúún ruꞌvee man mozó yoꞌ, ne̱ caꞌnaꞌ mozó rihaan soꞌ, ne̱ cataj soꞌ rihaan mozó yoꞌ a: “A̱j caꞌnaꞌ nana̱ rihanj se vaa cutunꞌ ndoꞌo so̱ꞌ siꞌyáj, ne̱ ne neꞌen uxraj me cheꞌé quiꞌyáá so̱ꞌ da̱nj a̱ maꞌ. Tza̱j ne̱ rque̱ so̱ꞌ cuentá rihanj da̱j quiꞌyáá so̱ꞌ ga̱a tumé so̱ꞌ siꞌyáj á. ꞌO̱ se se̱ caꞌvee cu̱nuû so̱ꞌ doj rihanj tu̱mé so̱ꞌ siꞌyáj a̱ maꞌ”, taj ruꞌvee rihaan mozó yoꞌ a.