San Juan 8:20 - Triqui de San Juan Copala

²⁰ Nu̱ꞌ nihánj me nana̱ tucuꞌyón Jesús ga̱a canicunꞌ soꞌ rej ya̱nj nuvií noco̱o rej rqué nij yuvii̱ saꞌanj rihaan Yaꞌanj a. Ne̱ taj va̱j yuvii̱ taꞌaa man soꞌ a̱ maꞌ. ꞌO̱ se ataa quisi̱j güii caꞌve̱e quiꞌya̱j nii sayuun man Jesús na̱nj ado̱nj.

San Juan 8:20 Referans Kwoze

San Juan 7:30

Cheꞌé dan nanoꞌ nij soꞌ da̱j quiꞌya̱j nij soꞌ ne̱ ta̱ꞌaa nij soꞌ man Jesús, tza̱j ne̱ a̱ ꞌó nij soꞌ ne ta̱ꞌaa man soꞌ a̱ maꞌ. ꞌO̱ se ataa quisi̱j güii caꞌve̱e quiꞌya̱j nij soꞌ da̱nj man soꞌ a.

San Juan 7:8

Cavi̱i̱ soj caꞌa̱nj soj chaꞌanj á. ꞌU̱nj roꞌ, se̱ caꞌanj ꞌu̱nj chaꞌanj cuano̱ cheꞌé se ataa quisi̱j orá qui̱ꞌyáá ꞌu̱nj se‑su̱u̱n ꞌu̱nj na̱nj ado̱nj

San Marcos 12:41

Dan me se ta̱j Jesús rej ta̱j chrúún saꞌanj ta̱j rihaan nuvií noco̱o, ne̱ neꞌen soꞌ da̱j quiꞌyaj nij yuvii̱ ga̱a araa nij yuvii̱ saꞌanj aga̱ꞌ rque chrúún saꞌanj yoꞌ cheꞌé Yaꞌanj, ne̱ dan me se ma̱n ndoꞌo síí ruꞌvee araa uxrá saꞌanj rque chrúún yoꞌ a.

San Juan 7:44

Ne̱ guun rá taꞌa̱j nij soꞌ ta̱ꞌaa nij soꞌ man Jesús, tza̱j ne̱ taj va̱j síí taꞌaa man soꞌ a̱ maꞌ.

San Marcos 12:43

Ga̱a ne̱ canacúún Jesús man nij síí tucuꞌyón snana̱ soꞌ caꞌna̱ꞌ nij soꞌ rihaan soꞌ, ga̱a ne̱ cataj soꞌ rihaan nij soꞌ a: ―Cata̱j xnaꞌanj yá yá ꞌu̱nj rihaan nij soj cuano̱ se vaa xa̱ꞌ chana̱ caviꞌ nica̱ chana̱ nique̱ nihánj, tza̱j ne̱ doj a̱ caraa noꞌ saꞌanj rque chrúún yoꞌ rihaan saꞌanj caraa cunuda̱nj ꞌó nij yuvii̱ na̱nj ado̱nj.

San Mateo 27:6

Ga̱a ne̱ naranꞌ nij xrej ata̱ suun noco̱o man saꞌanj aga̱ꞌ yoꞌ, ne̱ cataj nij soꞌ a: ―Ne nó xcúún níꞌ cara̱a níꞌ saꞌanj nihánj rá chrúún saꞌanj ta̱j rihaan Yaꞌanj maꞌ. ꞌO̱ se saꞌanj curuꞌvee níꞌ cheꞌé rej cavi̱ꞌ ꞌo̱ yuvii̱ me saꞌanj nihánj ado̱nj ―taj nij soꞌ a.

San Juan 10:39

Cheꞌé dan guun rá uún nij soꞌ ta̱ꞌaa nij soꞌ man Jesús, tza̱j ne̱ nanii soꞌ rihaan nij soꞌ a.

San Juan 8:59

Cheꞌé dan taꞌaa nij soꞌ yahij, ne̱ go̱ꞌ nij soꞌ man Jesús, rá nij soꞌ a. Tza̱j ne̱ curiha̱nj yuve̱ soꞌ rej ya̱nj nuvií noco̱o, ne̱ caꞌanj soꞌ a. Dan me se ma̱an tanu̱u̱ scaꞌnúj nij soꞌ cachén Jesús, caꞌanj soꞌ a.

San Lucas 20:19

Ga̱a ne̱ guun rá nij síí naquiꞌyaj cu̱u stucua̱nj Moisés do̱ꞌ, nij xrej ata̱ suun noco̱o do̱ꞌ, ta̱ꞌaa raꞌya̱nj man Jesús, tza̱j ne̱ chuꞌviꞌ nij soꞌ niꞌya̱j nij soꞌ man nij yuvii̱ a. Queneꞌen nij soꞌ se vaa cheꞌe̱ maꞌa̱n nij soꞌ me cuentó nanó Jesús a.

San Mateo 26:55

Ne̱ cataj Jesús rihaan nij yuvii̱ a: ―Me cheꞌé nica̱j soj neê espadá nica̱j soj chruun nica̱j soj, caꞌnaꞌ soj ga̱. Síí itu̱u̱ mé ꞌu̱nj, rá soj naꞌ. Ne̱ ꞌo̱ se guun queꞌe̱e̱ güii cayáán ꞌu̱nj rihaan rej ya̱nj nuvií noco̱o, tucuꞌyón ꞌu̱nj snana̱j rihaan nij yuvii̱, tza̱j ne̱ ne ta̱ꞌaa soj manj a.

San Lucas 21:1

Dan me se niꞌya̱j Jesús, ne̱ queneꞌen soꞌ se vaa araa ndoꞌo nij síí ruꞌvee saꞌanj rque chrúún ta̱j rihaan nuvií noco̱o cheꞌé Yaꞌanj a.

San Juan 2:4

Ga̱a ne̱ cataj Jesús rihaan nii soꞌ a: ―Taj cheꞌé caꞌmi̱i̱ so̱ꞌ da̱nj rihanj maꞌ. Ni̱ꞌyaj so̱ꞌ, ne̱ ataa quisi̱j güii qui̱ꞌyáj suun sa̱ꞌ noco̱o á ―taj soꞌ rihaan nii soꞌ a.

San Juan 7:14

Dan me se a̱j quisíj caꞌa̱nj güii anuû chaꞌanj, ne̱ cavii Jesús rej ya̱nj nuvií noco̱o, ne̱ tucuꞌyón soꞌ man nij yuvii̱ a.

San Juan 8:2

Dan me se rej síj güii me se caꞌanj uún Jesús rej ya̱nj nuvií noco̱o a. Ga̱a ne̱ cuchiꞌ cunuda̱nj nij yuvii̱ rihaan soꞌ, ne̱ caꞌanj ca̱yáán soꞌ, ne̱ tucuꞌyón soꞌ man nij yuvii̱ yoꞌ a.