San Juan 6:71 - Triqui de San Juan Copala

⁷¹ Nana̱ yoꞌ caꞌmii Jesús niꞌya̱j Jesús man síí cuꞌna̱j Judas Iscariote taꞌníí síí cuꞌna̱j Simón a. ꞌO̱ se Judas yoꞌ, nda̱ꞌ se ꞌo̱ nij chuvi̱j nij síí tucuꞌyón snana̱ Jesús me soꞌ, tza̱j ne̱ soꞌ me síí ta̱cuachén man Jesús rihaan nij síí ta̱j riꞌyunj man Jesús a.

San Juan 6:71 Referans Kwoze

Judas 1:4

ꞌO̱ se a̱j catúj yuve̱ do̱j nij síí narqué tucuáán ne̱ scaꞌnúj soj, ne̱ asi̱j naá ndoꞌo nó nana̱ rihaan Danj Yaꞌanj cheꞌé nij soꞌ se vaa vaa güii quira̱nꞌ nij soꞌ sayuun, quiꞌya̱j Yaꞌanj ado̱nj. Si̱j naꞌvej rá cuno̱ rihaan Yaꞌanj me nij soꞌ, ne̱ a̱j nariꞌ nij soꞌ nana̱ se vaa me rá Yaꞌanj caꞌne̱e̱ Yaꞌanj cacunꞌ xráá nij soꞌ, ne̱ cheꞌé dan taj nij soꞌ se vaa caꞌve̱e quiꞌya̱j nij soꞌ me maꞌa̱n se nij a. Dan me se o̱rúnꞌ Yaꞌanj me síí uun chij rihaan níꞌ, tza̱j ne taj cheꞌé cuno̱ nij soꞌ rihaan soꞌ do̱ꞌ, rihaan Jesucristó Si̱j ꞌNi̱j Raꞌa man níꞌ do̱ꞌ, rá nij soꞌ maꞌ.

Hechos 2:23

Dan me se tacuachén nii man soꞌ rihaan nij síí ta̱j riꞌyunj man soꞌ, ne̱ cachrón nij síí ne nocoꞌ man Yaꞌanj man soꞌ rihaan rcutze̱, ne̱ caviꞌ soꞌ, quiꞌyaj maꞌa̱n soj a. Ne̱ nu̱ꞌ nihánj me se vaa ꞌo̱ guun rá Yaꞌanj quira̱nꞌ soꞌ, ne̱ a̱j queneꞌen Yaꞌanj se vaa quira̱nꞌ soꞌ da̱nj na̱nj ado̱nj.

San Juan 13:26

Ga̱a ne̱ cataj Jesús a: ―Ti̱guíj ꞌu̱nj do̱j rachrúún candó nu̱u̱ rque coꞌoo, ne̱ rque̱j man síí quiꞌya̱j da̱nj manj a ―taj Jesús a. Ga̱a ne̱ tiguíj Jesús ꞌo̱ xcoꞌ rachrúún rque candó nu̱u̱ rque coꞌoo, ne̱ rqué soꞌ man síí cuꞌna̱j Judas Iscariote taꞌníí síí cuꞌna̱j Simón a.

San Mateo 10:2

Ne̱ nihánj me se‑chuvi̱i chuvi̱j nij síí cuneꞌ Jesús caꞌa̱nj nata̱ꞌ snana̱ soꞌ a. ꞌO̱ soꞌ me síí cuꞌna̱j Simón síí tucuꞌnáj nii Pedró a. Ne̱ ꞌó soꞌ me tinúú Simón, síí cuꞌna̱j Andrés a. Ne̱ ꞌó soꞌ me síí cuꞌna̱j Jacobo, ne̱ taꞌníí síí cuꞌna̱j Zebedeo me soꞌ a. Ne̱ ꞌó soꞌ me tinúú Jacobo, síí cuꞌna̱j Juan a.

San Mateo 10:4

Ne̱ ꞌó soꞌ me síí cuꞌna̱j Simón uún, ne̱ soꞌ me tuviꞌ nij síí me rá nani̱i̱ raꞌa gobiernó ma̱n Romá a. Ne̱ ꞌó soꞌ me síí cuꞌna̱j Judas Iscariote, ne̱ soꞌ me síí tacuachén man Jesús rihaan nij síí ta̱j riꞌyunj man Jesús a.

San Marcos 14:10

Ga̱a ne̱ Judas Iscariote ꞌo̱ chuvi̱j nij síí tucuꞌyón snana̱ Jesús me se caꞌanj soꞌ rihaan nij xrej ata̱ suun noco̱o, cheꞌé rej ra̱cuíj soꞌ man nij soꞌ ta̱ꞌaa nij soꞌ man Jesús a.

San Juan 2:2

Dan me se nacúún nii man Jesús do̱ꞌ, man nij síí tucuꞌyón snana̱ soꞌ do̱ꞌ, caꞌna̱ꞌ nij soꞌ chaꞌanj yoꞌ a.

San Juan 6:64

Tza̱j ne̱ taꞌa̱j soj me síí ne amán rá uno snana̱j a̱ maan ado̱nj ―taj Jesús rihaan nij síí tucuꞌyón snana̱ soꞌ a. ꞌO̱ se asi̱j guun cheꞌe̱ Jesús tucuꞌyón soꞌ snana̱ soꞌ man yuvii̱, ne̱ a̱j neꞌen soꞌ me síí ne amán rá niꞌya̱j man soꞌ, ne̱ a̱j neꞌen soꞌ me síí me síí ta̱cuachén man soꞌ rihaan nij síí ta̱j riꞌyunj man soꞌ ado̱nj.

San Juan 6:70

Ga̱a ne̱ cataj Jesús rihaan chuvi̱j nij soꞌ a: ―Dan me se ꞌu̱nj me síí narii man chuvi̱j nij soj se vaa canoco̱ꞌ soj manj, tza̱j ne̱ ase vaa maꞌa̱n Síí Chre̱e vaa ꞌo̱ nij soj ado̱nj ―taj Jesús rihaan chuvi̱j nij soꞌ a.

San Juan 12:4

Dan me se ya̱nj síí cuꞌna̱j Judas Iscariote, ne̱ ꞌo̱ síí tucuꞌyón snana̱ Jesús me soꞌ, ne̱ síí ta̱cuachén man Jesús rihaan nij síí ta̱j riꞌyunj man Jesús me soꞌ a. Dan me se cataj soꞌ a:

San Juan 13:2

Dan me se quisíj orá chá xtiꞌno̱ nij soꞌ, ne̱ a̱j guun rá síí cuꞌna̱j Judas Iscariote taꞌníí Simón ta̱cuachén soꞌ man Jesús rihaan nij síí ta̱j riꞌyunj man Jesús, quiꞌyaj Síí Chre̱e a.

San Juan 20:24

Dan me se ꞌo̱ chuvi̱j nij síí tucuꞌyón snana̱ Jesús me Tomás síí cuꞌna̱j cuaté a. Ne̱ nuviꞌ soꞌ ne ga̱ ꞌó nij soꞌ ga̱a cuchiꞌ Jesús rihaan ꞌó nij soꞌ maꞌ.