San Juan 5:20 - Triqui de San Juan Copala

²⁰ ꞌO̱ se ꞌe̱e̱ ndoꞌo rá Réj Yaꞌanj niꞌya̱j soꞌ manj Taꞌni̱j soꞌ, ne̱ tihaa̱n soꞌ manj nu̱ꞌ se vaa ꞌyaj soꞌ a. Ne̱ suun sa̱ꞌ noco̱o doj rihaan suun sa̱ꞌ quiꞌyáj queneꞌen soj cuano̱ roꞌ, ti̱haa̱n soꞌ manj cheꞌé yan cara̱yaꞌa̱nj soj ado̱nj.

San Juan 5:20 Referans Kwoze

San Juan 3:35

ꞌE̱e̱ rá Rej soꞌ man soꞌ, ne̱ rqué Rej soꞌ cunuda̱nj rasu̱u̱n man soꞌ, cheꞌé rej gu̱un chij soꞌ rihaan cunuda̱nj nij rasu̱u̱n yoꞌ ado̱nj.

San Mateo 3:17

Ga̱a ne̱ rej xta̱ꞌ caꞌmii Yaꞌanj, ne̱ cuno nij síí nicu̱nꞌ ga̱ Jesús nana̱ caꞌmii Yaꞌanj, ne̱ dan me se cataj Yaꞌanj a: ―Taꞌníí ꞌu̱nj síí ꞌe̱e̱ ndoꞌo raj man me síí nihánj, ne̱ aranꞌ ndoꞌo raj niꞌya̱j ꞌu̱nj man soꞌ ado̱nj ―taj nana̱ cavii rej xta̱ꞌ caꞌmii Yaꞌanj a.

2 Pedro 1:17

Niꞌndaj ya̱ sa̱ꞌ veꞌé cavii soꞌ ne̱ veꞌé uxrá caꞌmii cochro̱j Yaꞌanj cheꞌé soꞌ, ga̱a caꞌmii Yaꞌanj nana̱ nihánj rihaan soꞌ rque ngaa chuguu̱n a: “Taꞌníí ꞌu̱nj síí ꞌe̱e̱ ndoꞌo raj man me soꞌ, ne̱ aranꞌ rá nimanj niꞌya̱j ꞌu̱nj man soꞌ ado̱nj”, taj Yaꞌanj ado̱nj.

San Juan 17:26

Ne̱ cataj xnaꞌanj ꞌu̱nj rihaan nij soꞌ da̱j si̱j mé so̱ꞌ, ne̱ cata̱j ꞌu̱nj doj rihaan nij soꞌ, cheꞌé rej ga̱a̱ chrej ga̱a̱ ꞌe̱e̱ rá man tuviꞌ nimán nij soꞌ nda̱a vaa ꞌe̱e̱ rá so̱ꞌ manj, ne̱ ca̱yáán ꞌu̱nj ga̱ nij soꞌ a ―taj Jesús, cachíín niꞌya̱j soꞌ rihaan Yaꞌanj a.

San Juan 15:15

’Rej rihaan níꞌ me se se̱ cataj ꞌu̱nj se vaa se‑mo̱zó ꞌu̱nj me soj a̱ maꞌ. ꞌO̱ se mozó me se ne neꞌen soꞌ da̱j ꞌyaj síí ꞌni̱j raꞌa man soꞌ maꞌ. Xa̱ꞌ soj, tza̱j ne̱ a̱j cataj ꞌu̱nj se vaa tuvij me soj, cheꞌé se a̱j cataj xnaꞌanj ꞌu̱nj rihaan soj nu̱ꞌ se vaa cataj Réj Yaꞌanj rihanj ado̱nj.

San Juan 14:12

Ne̱ cuano̱ nihánj me se cata̱j yá ꞌu̱nj rihaan soj se vaa síí amán rá niꞌya̱j manj me se ase vaa suun sa̱ꞌ noco̱o ꞌyaj ma̱ꞌanj roꞌ, da̱nj ga̱a̱ quiꞌya̱j maꞌa̱n soꞌ uún na̱nj ado̱nj. Tza̱j ne̱ suun sa̱ꞌ noco̱o doj quiꞌya̱j soꞌ, cheꞌé se nucui̱ꞌ ꞌu̱nj rihaan Réj Yaꞌanj na̱nj á.

San Juan 10:32

Ga̱a ne̱ cataj Jesús rihaan nij soꞌ a: ―Quisíj quiꞌyaj uxraj suun sa̱ꞌ noco̱o queneꞌen nij soj, ne̱ guun nu̱cuáj quiꞌyáj da̱nj, quiꞌyaj Réj Yaꞌanj a. Me suun sa̱ꞌ noco̱o cheꞌe̱ me rá soj go̱ꞌ soj yahij manj ga̱ ―taj Jesús, xnáꞌanj soꞌ man nij soꞌ a.

San Juan 5:29

ne̱ cu̱riha̱nj nij soꞌ rque yoꞌóó na̱nj ado̱nj. Dan me se nij síí quiꞌyaj se sa̱ꞌ ga̱a vaa iꞌna̱ꞌ roꞌ, cu̱riha̱nj nij soꞌ, ne̱ cunu̱u iꞌna̱ꞌ uún nij soꞌ ca̱yáán nij soꞌ ga̱ Yaꞌanj ado̱nj. Tza̱j ne̱ nij síí quiꞌyaj se chiꞌi̱i̱ roꞌ, cu̱riha̱nj nij soꞌ, tza̱j ne̱ ꞌo̱ quira̱nꞌ ndoꞌo nij soꞌ sayuun cheꞌé cacunꞌ tumé nij soꞌ na̱nj ado̱nj.

San Juan 5:25

Ya̱ ya̱ cata̱j xnaꞌanj ꞌu̱nj rihaan soj cuano̱ se vaa vaa güii, ne̱ nij síí caviꞌ roꞌ, caꞌmi̱j si̱j Taꞌni̱j Yaꞌanj rihaan nij soꞌ, ne̱ nu̱ꞌ nij síí cuno̱ nana̱ caꞌmi̱j roꞌ, cunu̱u iꞌna̱ꞌ nij soꞌ a. Ne̱ cuano̱ nihánj me güii aꞌmij rihaan nij soꞌ, sese me rá nij soꞌ cuno̱ nij soꞌ ado̱nj.

San Juan 5:21

Dan me se ase vaa nuu iꞌna̱ꞌ uún nij síí caviꞌ ꞌyaj Réj roꞌ, da̱nj qui̱ꞌyáá ꞌu̱nj uún ado̱nj. Dan me se cunu̱u iꞌna̱ꞌ uún na̱j guun yuvii̱ qui̱ꞌyáá ꞌu̱nj, sese gu̱un rá ꞌu̱nj cunu̱u iꞌna̱ꞌ uún nij soꞌ ado̱nj.

San Juan 1:18

Ne̱ xa̱ꞌ Yaꞌanj, tza̱j ne̱ taj va̱j a̱ doj síí neꞌen rihaan man Yaꞌanj maꞌ. Tza̱j ne̱ o̱rúnꞌ Taꞌníí Yaꞌanj si̱j ya̱nj xꞌnúú Yaꞌanj, me síí tihaa̱n rihaan níꞌ da̱j vaa Yaꞌanj ado̱nj.

San Lucas 10:22

Canica̱j Jesús, cataj soꞌ rihaan nij yuvii̱ a: ―A̱j rqué Réé ꞌu̱nj Yaꞌanj cunuda̱nj rasu̱u̱n rihanj ado̱nj. A̱ ꞌó síí ne neꞌen da̱j vaa ꞌu̱nj Taꞌni̱j soꞌ, ma̱an se o̱rúnꞌ Réj neꞌen a. Ne̱ a̱ ꞌó síí ne neꞌen da̱j vaa Réj maꞌ. Ma̱an se o̱rúnꞌ ꞌu̱nj Taꞌni̱j soꞌ neꞌen da̱j vaa soꞌ ado̱nj. Ne̱ sese me rá ꞌu̱nj ti̱haán ꞌu̱nj rihaan ꞌó nij yuvii̱ da̱j vaa Réj, ne̱ queneꞌe̱n ꞌó nij soꞌ uún ado̱nj ―taj Jesús rihaan nij yuvii̱ a.

San Mateo 17:5

Ataa quisi̱j caꞌmii Pedró, ne̱ caꞌnaꞌ ꞌo̱ ngaa chuguu̱n ndoꞌo, ne̱ caráán ngaa chuguu̱n yoꞌ man ta̱ranꞌ nij soꞌ a. Dan me se Yaꞌanj roꞌ, caꞌmii nana̱ cuno nij soꞌ rque ngaa yoꞌ, ne̱ cataj Yaꞌanj a: ―Síí nihánj me Taꞌníj ado̱nj. ꞌE̱e̱ raj niꞌya̱j man soꞌ, ne̱ aranꞌ rá nimanj niꞌya̱j ꞌu̱nj man soꞌ ado̱nj. Cuno̱ soj rihaan soꞌ á ―taj Yaꞌanj cuno nij soꞌ a.

San Mateo 11:27

Canica̱j Jesús caꞌmii soꞌ rihaan nij yuvii̱, cataj soꞌ a: ―A̱j rqué Réé ꞌu̱nj Yaꞌanj cunuda̱nj rasu̱u̱n rihanj ado̱nj. Ne̱ a̱ ꞌó síí ne neꞌen da̱j vaa ꞌu̱nj; ma̱an o̱rúnꞌ Réj neꞌen a. ꞌO̱ se Taꞌníí soꞌ mej ado̱nj. Ne̱ a̱ ꞌó yuvii̱ ne neꞌen da̱j vaa Réj maꞌ. Ma̱an o̱rúnꞌ ꞌu̱nj neꞌen da̱j vaa soꞌ ado̱nj. Ne̱ sese me rá ꞌu̱nj cata̱j xnaꞌanj ꞌu̱nj rihaan ꞌó nij yuvii̱ da̱j vaa Réj, ne̱ queneꞌe̱n ꞌó nij soꞌ uún ado̱nj.

San Mateo 4:8

Ga̱a ne̱ nica̱j Síí Chre̱e man Jesús caꞌanj soꞌ raa̱ ꞌo̱ quij xca̱a̱n ndoꞌo uún a. Ne̱ tihaa̱n soꞌ man nu̱ꞌ chumanꞌ noco̱o na̱j rihaan cunu̱ꞌ chumii̱ rihaan Jesús, ne̱ tihaa̱n soꞌ rihaan Jesús se vaa niꞌndaj ya̱ veꞌé vaa nu̱ꞌ chumanꞌ noco̱o yoꞌ ado̱nj.