San Juan 4:12 - Triqui de San Juan Copala

¹² Dan me se xi̱i níꞌ síí cuꞌna̱j Jacob roꞌ, soꞌ me síí coꞌo na nu̱u̱ na yuꞌuj nihánj, ne̱ veé dan me coꞌo taꞌníí soꞌ do̱ꞌ, daán soꞌ xcuu do̱ꞌ, ne̱ rqué soꞌ na nihánj coꞌo̱ núj a. Ne̱ si̱j sa̱ꞌ doj rihaan soꞌ mé so̱ꞌ, rá so̱ꞌ naꞌ ―taj chana̱ yoꞌ rihaan Jesús a.

San Juan 4:12 Referans Kwoze

Hebreos 3:3

ꞌO̱ se sa̱ꞌ uxrá doj vaa Cristó rihaan Moisés na̱nj chugua̱nj. Dan me se neꞌen soj se vaa vaa se uun doj síí cuneꞌ veꞌ rihaan maꞌa̱n veꞌ yoꞌ ado̱nj. Ne̱ ase vaa síí cuneꞌ veꞌ vaa Jesús, ne̱ cavii sa̱ꞌ ta̱ranꞌ níꞌ ga̱ Yaꞌanj, quiꞌyaj soꞌ, ne̱ ase vaa veꞌ yoꞌ vaa níꞌ do̱ꞌ, vaa Moisés do̱ꞌ na̱nj á.

San Juan 4:6

Ne̱ tuꞌva chumanꞌ yoꞌ nuû ꞌo̱ na yuꞌuj quiꞌyaj síí cuꞌna̱j Jacob ga̱a naá a. Dan me se xeꞌ man Jesús cheꞌé se cachéé uxrá soꞌ caꞌnaꞌ soꞌ chumanꞌ yoꞌ, ne̱ cheꞌé dan caꞌanj ca̱yáán soꞌ tuꞌva yuꞌuj na yoꞌ, ne̱ caxu̱j me yoꞌ a.

San Mateo 12:42

Ne̱ güii caꞌne̱ꞌ Yaꞌanj cacunꞌ cheꞌé yuvii̱ roꞌ, cuchi̱ꞌ chana̱ nica̱j suun reiná guun chij rihaan chumanꞌ na̱j ga̱nꞌ ndoꞌo rihaan yoꞌóó rej sur, ne̱ canicu̱nꞌ noꞌ rihaan soj, quiꞌya̱j Yaꞌanj, ne̱ cuta̱ꞌ noꞌ cacunꞌ xráá soj ado̱nj. ꞌO̱ se ga̱nꞌ ndoꞌo cachéé noꞌ cuchi̱ꞌ noꞌ rihaan rey cuꞌna̱j Salomón, ne̱ cuno noꞌ nana̱ cu̱u tucuꞌyón Salomón man noꞌ ado̱nj. Ne̱ xa̱ꞌ ꞌu̱nj si̱j nicu̱nꞌ rihaan soj cuano̱, tza̱j ne̱ síí cu̱u doj raa̱ mé ꞌu̱nj rihaan Salomón na̱nj ado̱nj.

San Juan 8:53

Dan me se ga̱a naá me se caviꞌ xi̱i núj síí cuꞌna̱j Abraham, ne̱ si̱j sa̱ꞌ doj mé so̱ꞌ rihaan soꞌ, rá so̱ꞌ naꞌ. Ne̱ caviꞌ nij síí nataꞌ snana̱ Yaꞌanj uún a. Da̱j si̱j mé so̱ꞌ, rá so̱ꞌ ga̱ ―taj nij soꞌ rihaan Jesús a.

San Juan 4:5

Ne̱ cuchiꞌ soꞌ tuꞌva ꞌo̱ chumanꞌ na̱j estadó Samaria, ne̱ Sicar cuꞌna̱j chumanꞌ yoꞌ a. Dan me se nichru̱nꞌ naj chumanꞌ yoꞌ tuꞌva yoꞌóó rqué síí cuꞌna̱j Jacob rihaan taꞌníí soꞌ síí cuꞌna̱j José ga̱a naá a.

San Juan 4:13

Ga̱a ne̱ cataj Jesús rihaan noꞌ a: ―Cunuda̱nj nij síí coꞌo̱ na nu̱u̱ rá yuꞌuj nihánj roꞌ, canaco̱o̱ uún nij soꞌ na vaa güii na̱nj ado̱nj.

San Juan 4:20

Dan me se xi̱i núj roꞌ, aráj gue̱e̱ nij soꞌ rihaan Yaꞌanj xráá quij nihánj, tza̱j ne̱ soj si̱j israelitá taj se vaa o̱rúnꞌ chumanꞌ Jerusalén me rej no̱ xcúún níꞌ cara̱a̱ gue̱e̱ níꞌ rihaan Yaꞌanj, taj soj ado̱nj ―taj chana̱ yoꞌ rihaan Jesús a.