San Juan 21:22 - Triqui de San Juan Copala

²² Ga̱a ne̱ cataj Jesús rihaan soꞌ a: ―Ne̱ sese me rá ꞌu̱nj ꞌo̱ ga̱a̱ iꞌna̱ꞌ soꞌ rihaan chumii̱ nda̱a se caꞌna̱ꞌ uún ꞌu̱nj rihaan chumii̱ nihánj, ne̱ né se‑su̱u̱n ma̱ꞌán so̱ꞌ me yoꞌ maꞌ. ꞌO̱ canoco̱ꞌ ma̱ꞌán so̱ꞌ manj á ―taj Jesús rihaan Pedró a.

San Juan 21:22 Referans Kwoze

San Marcos 9:1

Ga̱a ne̱ cataj uún soꞌ a: ―Ya̱ ya̱ cata̱j xnaꞌanj ꞌu̱nj rihaan soj cuano̱ se vaa xa̱ꞌ taꞌa̱j soj si̱j nicu̱nꞌ nihánj cuano̱, me se ga̱a ataa a̱ cavi̱ꞌ taꞌa̱j soj, ne̱ ya̱ queneꞌe̱n taꞌa̱j soj asa̱ꞌ guun cheꞌe̱ Yaꞌanj nucua̱j ndoꞌo uun chij soꞌ na̱nj ado̱nj ―taj Jesús a.

Apocalipsis 2:25

Ma̱an se ꞌo̱ canoco̱ꞌ soj tucuáán nica̱j soj nda̱a se quisi̱j güii cuchi̱ꞌ ꞌu̱nj rihaan soj á.

1 Corintios 4:5

Cheꞌé dan se̱ guun naquiꞌya̱j cu̱u soj cheꞌé yuvii̱ maꞌ. Ma̱an se na̱ꞌvi̱j soj caꞌna̱ꞌ uún Síí ꞌNi̱j Raꞌa man níꞌ rihaan chumii̱ nihánj na̱nj á. Cuano̱ nihánj me se ne neꞌen sa̱ꞌ níꞌ da̱j vaa ꞌyaj ꞌo̱ ꞌo̱ yuvii̱, tza̱j ne̱ asa̱ꞌ caꞌnaꞌ Síí ꞌNi̱j Raꞌa man níꞌ, ne̱ ti̱haa̱n soꞌ rihaan níꞌ da̱j vaa rá nimán ꞌo̱ ꞌo̱ yuvii̱ ma̱n rihaan chumii̱ nihánj, ne̱ sese sa̱ꞌ vaa rá nimán ꞌo̱ soꞌ, ne̱ maꞌa̱n Yaꞌanj cata̱j se vaa sa̱ꞌ quiꞌyaj soꞌ ado̱nj.

Apocalipsis 3:11

’Xca̱j soj cuentá á. Da̱j doj cuchi̱j rihaan soj chugua̱nj. Ni̱caj xraan soj tucuáán nica̱j soj, ga̱a ne̱ se̱ caꞌvee caꞌne̱e̱ nii cachriin cu̱nuû raa̱ soj cachriin quiꞌyaj canaán soj maꞌ.

Santiago 5:7

Cheꞌé dan ga̱a̱ ina̱j nimán soj na̱ꞌvi̱j soj nda̱a se quisi̱j güii caꞌna̱ꞌ uún Síí ꞌNi̱j Raꞌa man níꞌ, tinu̱j, nocoj. Xca̱j soj cuentá da̱j ꞌyaj síí unô naa̱ á. Na̱j vaa nimán soꞌ naꞌvi̱j soꞌ maa̱n cheꞌé rej cachi̱j sa̱ꞌ veꞌé xnaa̱ soꞌ, ga̱a ne̱ quiri̱i̱ soꞌ xnaa̱ soꞌ ado̱nj.

1 Corintios 11:26

Dan me se me maꞌa̱n güii cha̱ soj rachrúún yoꞌ do̱ꞌ, coꞌo̱ nij soj na vinó yoꞌ do̱ꞌ, ne̱ ti̱haa̱n soj rihaan ꞌó yuvii̱ se vaa caviꞌ Síí ꞌNi̱j Raꞌa man níꞌ cheꞌé soj, ne̱ ina̱nj da̱nj quiꞌya̱j soj nda̱a se quisi̱j güii caꞌna̱ꞌ uún soꞌ rihaan chumii̱ nihánj a.

San Juan 21:19

Ne̱ nana̱ cataj Jesús rihaan Pedró roꞌ, taj xnaꞌanj se vaa ticavi̱ꞌ nii man soꞌ, ne̱ cheꞌé dan sa̱ꞌ uxrá caꞌmi̱i̱ yuvii̱ cheꞌé Yaꞌanj, quiꞌya̱j soꞌ a. Ga̱a ne̱ cataj uún Jesús rihaan Pedró a: ―ꞌO̱ ca̱nocóꞌ so̱ꞌ manj á ―taj Jesús rihaan soꞌ a.

San Mateo 24:44

Dan me se taꞌngaꞌ da̱nj vaa gue̱e̱ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, ne̱ ne neꞌen soj me orá caꞌna̱ꞌ uún ꞌu̱nj maan ado̱nj. Cheꞌé dan ꞌo̱ cuma̱n naꞌvi̱j soj á.

Apocalipsis 22:20

Dan me se Jesús si̱j nataꞌ ya̱ nana̱ nihánj me se taj soꞌ a: “Raꞌya̱nj cuchi̱j rihaan soj á”, taj soꞌ rihaan níꞌ a. Ne̱ cata̱j níꞌ á: “Veé da̱nj ga̱a̱ ya̱ ado̱nj. Caꞌna̱ꞌ so̱ꞌ Jesús Si̱j ꞌNi̱j Raꞌa man núj á”, cata̱j níꞌ rihaan Jesús ado̱nj.

Apocalipsis 22:7

Dan me se taj Jesucristó rihaan níꞌ a: ―Xca̱j soj cuentá á. Nichrunꞌ cuchi̱j rihaan soj á. Dan me se cavi̱i̱ sa̱ꞌ síí uno nu̱ꞌ nana̱ no̱ rihaan yanj nihánj nana̱ taj xnaꞌanj da̱j gu̱un rej rihaan níꞌ a ―taj Jesucristó a.

Apocalipsis 1:7

Ni̱ꞌyaj soj se vaa ꞌnaꞌ soꞌ xráá ngaa, ne̱ queneꞌe̱n cunuda̱nj nij yuvii̱ man soꞌ, ne̱ nda̱a nij síí choꞌoj chruun siha̱a̱ raa̱ xꞌnúú soꞌ queneꞌe̱n man soꞌ, ne̱ go̱ꞌ cunuda̱nj nij xꞌneꞌ yuvii̱ ma̱n rihaan chumii̱ cuxruꞌ nimán nij soꞌ, cheꞌé se nano̱ ndoꞌo rá nij soꞌ cheꞌé cacunꞌ tumé nij soꞌ ado̱nj. Veé da̱nj ga̱a̱ ya̱ ado̱nj.

San Mateo 25:31

’Asa̱ꞌ caꞌnaꞌ uún ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan chumii̱ nihánj, ne̱ niꞌndaj ya̱ sa̱ꞌ veꞌé ga̱a̱ caꞌna̱ꞌ ꞌu̱nj, ne̱ caꞌna̱ꞌ cunuda̱nj nij se‑mo̱zó ꞌu̱nj nij síí gue̱e̱ a. Ne̱ asa̱ꞌ caꞌnáꞌ ꞌu̱nj, ne̱ quita̱j ꞌu̱nj rihaan xrúún ꞌu̱nj chruun xlá niꞌndaj ya̱ veꞌé vaa, ne̱ caꞌne̱ꞌ ꞌu̱nj cacunꞌ cheꞌé yuvii̱ ado̱nj.

San Mateo 24:27

Dan me se nda̱a rá se uun ga̱a raa̱n rej síj güii ne̱ ꞌo̱ chuguu̱n nu̱ꞌ xta̱ꞌ nda̱a rej ataꞌ güii roꞌ, ne̱ neꞌen cunuda̱nj yuvii̱ se vaa raa̱n rihaan chumii̱ a. Ne̱ ase uun rá soj neꞌen soj ga̱a raa̱n roꞌ, da̱nj gu̱un rá soj asa̱ꞌ caꞌnáꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ ado̱nj.

San Mateo 24:3

Dan me se caꞌanj ca̱yáán Jesús raa̱ tacaan cuꞌna̱j Tacaan ma̱n Chruun Olivó, ne̱ cuchiꞌ o̱rúnꞌ nij síí tucuꞌyón snana̱ soꞌ rihaan soꞌ, ne̱ cataj nij soꞌ a: ―Cata̱j xnaꞌanj so̱ꞌ rihaan núj aman cane̱e̱ nu̱ꞌ nuvií noco̱o yoꞌ do̱ꞌ, a̱ me suun noco̱o caꞌna̱ꞌ qui̱ꞌyáá so̱ꞌ asa̱ꞌ quisíj caꞌna̱ꞌ so̱ꞌ queneꞌe̱n núj ne̱ navi̱j nu̱ꞌ chumii̱ nihánj do̱ꞌ, ga̱a maestro̱ꞌ ―taj nij soꞌ, xnáꞌanj nij soꞌ man Jesús a.

San Mateo 8:22

Tza̱j ne̱ cataj Jesús rihaan soꞌ a: ―Caꞌne̱ꞌ rá so̱ꞌ cachi̱nꞌ maꞌa̱n nij síí caviꞌ nimán man tuviꞌ soꞌ xnangá á. Tza̱j ne̱ cuano̱ nihánj roꞌ, no̱ xcúún so̱ꞌ ꞌo̱ ca̱nocóꞌ so̱ꞌ manj ado̱nj ―taj Jesús rihaan ꞌó soꞌ a.

San Mateo 16:24

Ga̱a ne̱ cataj Jesús rihaan nij síí tucuꞌyón snana̱ soꞌ a: ―Sese me rá ꞌo̱ soꞌ canoco̱ꞌ soꞌ manj, ne̱ se̱ guun rá soꞌ quiꞌya̱j soꞌ se vaa me rá maꞌa̱n soꞌ quiꞌya̱j soꞌ maꞌ. Ne̱ caꞌve̱e se quira̱nꞌ uxrá soꞌ sayuun do̱ꞌ, caꞌve̱e se nda̱a cachro̱n nii man soꞌ rihaan rcutze̱ do̱ꞌ, tza̱j ne̱ ꞌo̱ canoco̱ꞌ xraan soꞌ manj ado̱nj.

San Juan 21:21

Dan me se ga̱a queneꞌen Pedró man síí ꞌe̱e̱ rá Jesús man yoꞌ, ne̱ xnáꞌanj soꞌ man Jesús, cataj soꞌ a: ―Señor, da̱j quira̱nꞌ síí nihánj ga̱ ―taj soꞌ rihaan Jesús a.

1 Tesalonicenses 2:19

Dan me se asa̱ꞌ caꞌnaꞌ uún Jesús Si̱j ꞌNi̱j Raꞌa man níꞌ rihaan chumii̱ nihánj ne̱ gu̱un niha̱ꞌ uxrá rá núj cheꞌé soj, ne̱ nata̱ꞌ núj rihaan Jesús se vaa veꞌé canocoꞌ soj man soꞌ quiꞌyaj núj, ne̱ cavi̱i̱ sa̱ꞌ núj rihaan soꞌ cheꞌé soj á. ꞌO̱ se o̱rúnꞌ ya̱ soj me síí ꞌyaj da̱nj ado̱nj.

Santiago 5:8

Da̱nj quiꞌya̱j gue̱e̱ soj, ne̱ ga̱a̱ ina̱j nimán soj, ne̱ caꞌne̱j nucua̱j soj nimán soj, cheꞌé se nichrunꞌ caꞌna̱ꞌ uún Síí ꞌNi̱j Raꞌa man níꞌ ado̱nj.