San Juan 20:25 - Triqui de San Juan Copala

²⁵ Cheꞌé dan cataj xnaꞌanj ꞌó nij síí tucuꞌyón snana̱ Jesús rihaan Tomás se vaa queneꞌen nij soꞌ man Síí ꞌNi̱j Raꞌa man níꞌ a. Tza̱j ne̱ cataj Tomás rihaan nij soꞌ a: ―Sese se̱ queneꞌen ma̱ꞌanj rej catúj caquíí raꞌa soꞌ, ne̱ sese se̱ cutaj raꞌaj rej catúj caquíí raꞌa soꞌ do̱ꞌ, sese se̱ cutaj raꞌaj rej quiranꞌ chiꞌii̱ xꞌnúú soꞌ do̱ꞌ, ne̱ daj chiha̱a̱ míj se̱ cuchumán raj se vaa cunuu iꞌna̱ꞌ uún soꞌ maꞌ ―taj Tomás rihaan nij soꞌ a.

San Juan 20:25 Referans Kwoze

San Juan 6:30

Cheꞌé dan cataj nij yuvii̱ rihaan soꞌ a: ―Sese da̱nj vaa, ne̱ me suun sa̱ꞌ noco̱o qui̱ꞌyáá so̱ꞌ queneꞌe̱n núj, ga̱a ne̱ cuchuma̱n rá núj ni̱ꞌyaj núj mán so̱ꞌ ga̱.

Hebreos 3:18

Ne̱ me nij síí rihaan cataj Yaꞌanj se vaa daj chiha̱a̱ míj se̱ cachén nij soꞌ nara̱a̱n rá nij soꞌ ga̱ Yaꞌanj, rá soj ga̱. Rihaan nij síí ne caꞌve̱j rá cuno̱ rihaan soꞌ me yoꞌ naꞌ. Veé ya̱ nij soꞌ ado̱nj.

Hebreos 3:12

Dan me se tu̱mé uxrá soj man soj se̱ gaa na̱nj ga̱a̱ qui̱j nimán ꞌo̱ tuviꞌ soj, ne̱ se̱ caꞌvej rá soꞌ cuchuma̱n rá soꞌ ni̱ꞌyaj soꞌ Yaꞌanj, maan tinu̱j, maan nocoj. Ta̱dó soj se̱ gaa na̱nj ta̱náj xco̱ ꞌo̱ tuviꞌ soj man Yaꞌanj si̱j vaa iꞌna̱ꞌ ya̱ maꞌ.

San Juan 21:7

Cheꞌé dan caꞌmii ꞌo̱ síí tucuꞌyón snana̱ Jesús síí ꞌe̱e̱ rá Jesús man rihaan Pedró, cataj soꞌ a: ―Jesús Si̱j ꞌNi̱j Raꞌa man níꞌ me soꞌ chugua̱nj ―taj soꞌ a. Dan me se cuno Simón Pedró nana̱ se vaa Síí ꞌNi̱j Raꞌa man níꞌ me síí yoꞌ, ga̱a ne̱ cheꞌé se a̱j quirii soꞌ se‑co̱toó soꞌ, cheꞌé dan nanuû raꞌya̱nj soꞌ se‑co̱toó soꞌ, ga̱a ne̱ tagüéj soꞌ man soꞌ rihaan na yoꞌ a.

San Juan 1:41

Asino ya̱a̱n nariꞌ Andrés man tinúú soꞌ Simón, ne̱ cataj soꞌ rihaan tinúú soꞌ a: ―Nariꞌ núj man Mesías na̱nj á ―taj soꞌ rihaan tinúú soꞌ a. Ne̱ nana̱ Mesías me raj cata̱a Síí Caꞌnéé Yaꞌanj Ti̱nanii man Yuvii̱ rihaan Sayuun a.

San Lucas 24:25

Ga̱a ne̱ maꞌa̱n Jesús cataj rihaan ro̱j soꞌ a: ―Dan me se síí ne acaj cuentá me ro̱j so̱j, ne̱ síí ne niha̱ꞌ rá cuchuma̱n rá nu̱ꞌ snana̱ nij síí nataꞌ snana̱ Yaꞌanj ga̱a naá me ro̱j so̱j na̱nj á.

San Mateo 27:42

―Tinanii síí nihánj man ꞌó yuvii̱ rihaan sayuun, rá soꞌ, tza̱j ne̱ ne gu̱un nucua̱j soꞌ ti̱nanii soꞌ man maꞌa̱n soꞌ rihaan rcutze̱ a̱ maan asânj. Sese ya̱ ya̱ si̱j nica̱j suun rey uun chij rihaan níꞌ si̱j israelitá me soꞌ, ne̱ nani̱j soꞌ cuano̱ rihaan yoꞌóó, ne̱ cuchuma̱n rá níꞌ ni̱ꞌyaj níꞌ man soꞌ ado̱nj.

San Marcos 16:13

Ga̱a ne̱ cavii ro̱j soꞌ uún, nataꞌ ro̱j soꞌ rihaan ꞌó nij síí cuneꞌ soꞌ caꞌa̱nj nata̱ꞌ snana̱ Jesús, tza̱j ne̱ a̱ nij soꞌ ne cuchuma̱n rá snana̱ ro̱j soꞌ a̱ maꞌ.

San Marcos 16:14

Cachén do̱j, ga̱a ne̱ yáán xa̱a̱n nij síí tucuꞌyón snana̱ Jesús rihaan mesá, ne̱ curuviꞌ maꞌa̱n Jesús rihaan nij soꞌ, ne̱ caxríj yuva̱a̱ soꞌ man nij soꞌ se vaa guun nichra̱j rá nij soꞌ ne̱ ne cuchuma̱n rá nij soꞌ snana̱ nij síí queneꞌen se vaa a̱j cunuu iꞌna̱ꞌ uún soꞌ a.

San Juan 20:27

Ga̱a ne̱ cataj soꞌ rihaan Tomás a: ―Tu̱cuaꞌanj so̱ꞌ raꞌá so̱ꞌ nihánj, ga̱a ne̱ xca̱j so̱ꞌ cuentá da̱j vaa raꞌaj, ne̱ cuta̱ꞌ so̱ꞌ raꞌá so̱ꞌ xꞌnúú ꞌu̱nj nihánj rej catúj chruun lanzá, ga̱a ne̱ gu̱un ya̱ ya̱ rá so̱ꞌ se vaa cunuu iꞌna̱ꞌ uún ꞌu̱nj á. Cuchuma̱n rá so̱ꞌ, ni̱ꞌyaj so̱ꞌ manj á ―taj soꞌ rihaan Tomás a.