San Juan 2:12 - Triqui de San Juan Copala

¹² Ga̱a quisíj canuû chaꞌanj naraꞌa̱a yoꞌ, ga̱a ne̱ caꞌanj Jesús do̱ꞌ, nii soꞌ do̱ꞌ, nij tinúú soꞌ do̱ꞌ, nij síí tucuꞌyón snana̱ soꞌ do̱ꞌ, nanij nij soꞌ nda̱a chumanꞌ Capernaum, ne̱ do̱j güii cayáán nij soꞌ chumanꞌ yoꞌ a.

San Juan 2:12 Referans Kwoze

San Mateo 12:46

Ataa quisi̱j caꞌmii Jesús rihaan nij yuvii̱, ne̱ dan me se cuchiꞌ nii Jesús do̱ꞌ, tinúú Jesús do̱ꞌ, rihaan veꞌ a. Nanoꞌ nij soꞌ da̱j quiꞌya̱j nij soꞌ caꞌmi̱i̱ nij soꞌ ga̱ Jesús a.

Gálatas 1:19

Ne̱ dan me se ga̱a caránꞌ ꞌu̱nj veꞌ tucuá soꞌ me se queneꞌenj man síí cuꞌna̱j Jacobo tinúú Jesucristó Si̱j ꞌNi̱j Raꞌa man níꞌ uún a. Tza̱j ne̱ ne que̱neꞌén ꞌu̱nj man ꞌó nij síí cuneꞌ Jesucristó maꞌ.

1 Corintios 9:5

No̱ xcúún núj xca̱j núj man ꞌo̱ raꞌvij núj níí noco̱ꞌ man Cristó, caꞌa̱nj noꞌ me rej maꞌa̱n caꞌa̱nj núj á. Neꞌen soj se vaa nij tinúú Jesucristó Si̱j ꞌNi̱j Raꞌa man níꞌ do̱ꞌ, Cefas do̱ꞌ, ꞌó nij síí ata̱ suun caꞌa̱nj nata̱ꞌ snana̱ Jesucristó do̱ꞌ, vaa nica̱ ꞌo̱ ꞌo̱ nij soꞌ a.

San Marcos 6:3

Né si̱j acój chruun me soꞌ naꞌ. Ne̱ taꞌníí Mariá me soꞌ á. Ne̱ tinúú síí cuꞌna̱j Jacobo do̱ꞌ, José do̱ꞌ, Judas do̱ꞌ, Simón do̱ꞌ, me soꞌ á. Ne̱ nij raꞌvij soꞌ me chana̱ ya̱nj chiháán níꞌ á ―taj nij síí ma̱n chiháán Jesús rihaan tuviꞌ nij soꞌ, ne̱ guun naco̱o̱ rá nij soꞌ niꞌya̱j nij soꞌ man Jesús a.

San Mateo 4:13

tza̱j ne̱ ne ca̱yáán soꞌ chumanꞌ Nazaret maꞌ. Cavii soꞌ chumanꞌ Nazaret yoꞌ, ne̱ caꞌanj soꞌ cayáán soꞌ chumanꞌ Capernaum chumanꞌ na̱j tuꞌva na laguaná a. Chumanꞌ yoꞌ naj rihaan toꞌóó nij taꞌníí taꞌnij siꞌno̱ síí cuꞌna̱j Zabulón do̱ꞌ, síí cuꞌna̱j Neftalí do̱ꞌ, síí ma̱n ga̱a naá a.

San Juan 6:17

ga̱a ne̱ catúj nij soꞌ rihoo, ga̱a ne̱ cavii nij soꞌ caꞌanj nij soꞌ chumanꞌ Capernaum a. Dan me se a̱j guun rmi̱ꞌ rihaan na laguaná yoꞌ, ne̱ ataa nama̱n Jesús rihaan nij soꞌ a.

San Mateo 11:23

’Ne̱ vaa soj si̱j ma̱n chumanꞌ Capernaum uún á. Síí sa̱ꞌ ina̱nj me maꞌa̱n soj, rá soj naꞌ. Taj maꞌ. Ta̱güéj Yaꞌanj man soj nda̱a rej ma̱n nimán nij síí caviꞌ ado̱nj. Dan me se nij síí ma̱n chumanꞌ Sodoma roꞌ, me síí chiꞌi̱i̱ nimán a. Tza̱j ne̱ sese caꞌanj ꞌu̱nj chiháán nij soꞌ quiꞌyáj nij suun sa̱ꞌ noco̱o niꞌya̱j nij soꞌ, ne̱ cuno nij soꞌ snana̱j, ne̱ guun ya̱ rá nij soꞌ se vaa tumé nij soꞌ cacunꞌ, ne̱ nuchranꞌ nimán nij soꞌ, ne̱ ne caca̱a̱ chiháán nij soꞌ tza̱j maꞌ. Ne̱ na̱j chiháán nij soꞌ nda̱a cuano̱ asuun tza̱j a.

San Juan 2:2

Dan me se nacúún nii man Jesús do̱ꞌ, man nij síí tucuꞌyón snana̱ soꞌ do̱ꞌ, caꞌna̱ꞌ nij soꞌ chaꞌanj yoꞌ a.

San Juan 4:46

Dan me se caꞌanj uún Jesús chumanꞌ Caná chumanꞌ na̱j estadó Galilea a. Chumanꞌ yoꞌ me chumanꞌ naquiꞌyaj soꞌ na vinó man na u̱u̱n ga̱a rque̱ a. Ne̱ chumanꞌ Capernaum roꞌ, yáán ꞌo̱ síí nica̱j suun rihaan rey a. Ne̱ canó chiꞌii̱ man taꞌníí soꞌ ꞌo̱ snóꞌo cunii a.