San Juan 19:4 - Triqui de San Juan Copala

⁴ Ga̱a ne̱ curiha̱nj uún Pilató xeꞌ, ne̱ cataj soꞌ rihaan nij yuvii̱ a: ―Ni̱ꞌyaj soj á. Cu̱riha̱nj uún soꞌ rihaan soj, qui̱ꞌyáj, cheꞌé rej xca̱j soj cuentá se vaa taj va̱j cacunꞌ tumé soꞌ naríꞌ ꞌu̱nj a̱ maan chugua̱nj ―taj Pilató rihaan nij yuvii̱ a.

San Juan 19:4 Referans Kwoze

San Juan 19:6

Dan me se ga̱a queneꞌen nij xrej ata̱ suun noco̱o do̱ꞌ, nij tanuu nu̱u̱ rihaan nij soꞌ do̱ꞌ, man Jesús, ne̱ caguáj nij soꞌ, cataj nij soꞌ a: ―Cavi̱ꞌ soꞌ rihaan rcutze̱, qui̱ꞌyáá so̱ꞌ á. Cavi̱ꞌ soꞌ rihaan rcutze̱, qui̱ꞌyáá so̱ꞌ á ―taj nij soꞌ, caguáj nij soꞌ a. Ga̱a ne̱ cataj Pilató rihaan nij soꞌ a: ―Ni̱caj maꞌa̱n soj man soꞌ cachro̱n soj man soꞌ rihaan rcutze̱, sese me rá soj na̱nj á. Xa̱ꞌ ꞌu̱nj, tza̱j ne̱ taj va̱j a̱ doj cacunꞌ tumé soꞌ naríꞌ ꞌu̱nj a̱ maꞌ ―taj Pilató rihaan nij soꞌ a.

San Juan 18:38

Ne̱ cataj Pilató rihaan soꞌ a: ―A̱ me nana̱ cuꞌna̱j nana̱ ya̱ ga̱ ―taj Pilató, xnáꞌanj Pilató man Jesús a. Ne̱ ga̱a quisíj caꞌmii síí cuꞌna̱j Pilató nana̱ vaa da̱nj ga̱ Jesús, ne̱ curiha̱nj uún soꞌ rej nicu̱nꞌ nij síí uun chij rihaan nij yuvii̱ israelitá, ne̱ cataj soꞌ rihaan nij soꞌ a: ―Taj va̱j a̱ doj cacunꞌ tumé soꞌ naríꞌ ꞌu̱nj a̱ maꞌ.

San Lucas 23:4

Ga̱a ne̱ cataj Pilató rihaan nij xrej ata̱ suun noco̱o do̱ꞌ, rihaan nij yuvii̱ do̱ꞌ a: ―Nuviꞌ cacunꞌ tumé síí nihánj narij maꞌ ―taj soꞌ a.

San Lucas 23:47

Dan me se queneꞌen tanuu capitán romanó ꞌni̱j raꞌa cientó tanuu se vaa guun, ga̱a ne̱ veꞌé uxrá caꞌmii soꞌ cheꞌé Yaꞌanj, ne̱ cataj soꞌ a: ―Xa̱ꞌ síí nihánj, tza̱j ne̱ ya̱ ya̱ si̱j sa̱ꞌ me soꞌ na̱nj á ―taj tanuu capitán yoꞌ niꞌya̱j soꞌ man Jesús a.

1 Juan 3:5

Ne̱ neꞌen nij soj se vaa caꞌnaꞌ Cristó rihaan chumii̱ nihánj, cheꞌé rej caꞌve̱e tinavi̱j soꞌ cacunꞌ tumé yuvii̱, ne̱ a̱ doj cacunꞌ taj tumé soꞌ maꞌ.

1 Pedro 3:18

Tza̱j ne̱ Cristó me se nda̱ꞌ se taj cacunꞌ tumé soꞌ, tza̱j ne̱ ga̱a cachéé soꞌ rihaan chumii̱ nihánj, ne̱ quiranꞌ ndoꞌo soꞌ sayuun cheꞌé cacunꞌ tumé níꞌ si̱j tumé cacunꞌ, cheꞌé rej caꞌve̱e cuchi̱ꞌ níꞌ rihaan Yaꞌanj chugua̱nj. Dan me se caviꞌ nee̱ man Cristó, tza̱j ne̱ cunuu iꞌna̱ꞌ nimán soꞌ ado̱nj.

1 Pedro 2:22

Ne̱ Cristó me se a̱ ꞌó cacunꞌ ne quiꞌya̱j soꞌ ne̱ a̱ doj nana̱ ne̱ ne nari̱ꞌ níꞌ tuꞌva soꞌ a̱ maꞌ.

1 Pedro 1:19

Tana̱nj caꞌnéé Yaꞌanj man Cristó cavi̱ꞌ ya̱ soꞌ caya̱nj ton man soꞌ cheꞌé níꞌ ado̱nj. Ase vaa aviꞌ matzinj leꞌe̱j sa̱ꞌ ina̱nj ꞌyaj nij síí israelitá cheꞌé cacunꞌ tumé nij soꞌ roꞌ, da̱nj vaa caviꞌ Cristó cheꞌé níꞌ, ne̱ soꞌ roꞌ, vaa yuꞌvee ndoꞌo nó soꞌ cheꞌé se taj cacunꞌ tumé soꞌ maan chugua̱nj.

2 Corintios 5:21

A̱ ꞌó cacunꞌ ne tumé Cristó maꞌ. Tza̱j ne̱ naraa Yaꞌanj nu̱ꞌ cacunꞌ tumé níꞌ xráá maꞌa̱n Cristó, ne̱ quiranꞌ Cristó sayuun cheꞌé cacunꞌ yoꞌ, ne̱ cheꞌé dan caꞌve̱e cunu̱u sa̱ꞌ ya̱ níꞌ rihaan Yaꞌanj cheꞌé se si̱j noco̱ꞌ man Cristó me níꞌ ado̱nj.

San Lucas 23:41

Dan me se xa̱ꞌ níꞌ, tza̱j ne̱ vaa cheꞌé cavi̱ꞌ níꞌ, ne̱ ranꞌ níꞌ sayuun cheꞌé cacunꞌ tumé níꞌ a. Tza̱j ne̱ síí nihánj me se taj va̱j a̱ doj se chiꞌi̱i̱ quiꞌyaj síí nihánj a̱ maꞌ ―taj ꞌó síí tumé cacunꞌ yoꞌ rihaan tuviꞌ soꞌ a.

San Mateo 27:54

Veé dan, ne̱ nicu̱nꞌ tanuu capitán romanó ꞌni̱j raꞌa cientó tanuu, ne̱ nicu̱nꞌ ꞌó nij tanuu tumé man Jesús a. Ne̱ queneꞌen nij soꞌ cachén yuún, ne̱ queneꞌen nij soꞌ nu̱ꞌ se vaa guun, ne̱ cuchuꞌviꞌ ndoꞌo nij soꞌ, ne̱ dan me se cataj nij soꞌ a: ―Ya̱ ya̱ Taꞌni̱j Yaꞌanj me síí nihánj asânj ―taj nij soꞌ a.

San Mateo 27:24

Dan me se queneꞌen Pilató se vaa taj se ꞌyáꞌ naꞌma̱a̱n rá nij yuvii̱, tana̱nj doj a̱ caꞌmaan rá nij yuvii̱, ne̱ doj a̱ quiꞌya̱j nij yuvii̱ sayuun rá Pilató a. Cheꞌé dan nica̱j soꞌ na, ne̱ naꞌyaꞌ soꞌ niꞌya̱j nij yuvii̱ a. Ne̱ cataj soꞌ a: ―Se̱ tumé ꞌu̱nj cacunꞌ sese cavi̱ꞌ síí nihánj a̱ maꞌ. ꞌO̱ se maꞌa̱n soj me síí quiꞌya̱j cavi̱ꞌ soꞌ ado̱nj ―taj Pilató a.

San Mateo 27:19

Ne̱ ga̱a yáán Pilató yoꞌ rihaan xrúún soꞌ chruun xlá, ne̱ caꞌnéé nica̱ soꞌ nana̱ cuchiꞌ rihaan soꞌ, taj noꞌ a: “Se̱ quiꞌyáá so̱ꞌ sayuun man síí sa̱ꞌ yoꞌ maꞌ. ꞌO̱ se asi̱j naꞌya̱a̱n me se nanó ndoꞌo raj cheꞌé yan tucuaꞌnuꞌ snóꞌo yoꞌ manj ado̱nj”, taj nica̱ Pilató rihaan soꞌ a.

San Mateo 27:4

ne̱ cataj soꞌ a: ―Tumé ꞌu̱nj cacunꞌ se vaa tacuachén ꞌu̱nj man ꞌo̱ síí sa̱ꞌ ina̱nj rihaan soj na̱nj ado̱nj ―taj Judas yoꞌ a. ―Né se‑cacu̱nꞌ núj me cacunꞌ tumé so̱ꞌ maꞌ. Xca̱j ma̱ꞌán so̱ꞌ cuentá da̱j ga̱a̱ qui̱ꞌyáá so̱ꞌ na̱nj á ―taj nij soꞌ rihaan Judas a.

Hebreos 7:26

Dan me se vaa cheꞌé ndoꞌo guun soꞌ xrej ata̱ suun noco̱o doj cheꞌé níꞌ ado̱nj. ꞌO̱ se síí gue̱e̱ ya̱ me soꞌ, ne̱ taj va̱j a̱ doj cacunꞌ tumé soꞌ maꞌ. ꞌO̱ se síí sa̱ꞌ ina̱nj nimán me soꞌ, ne̱ ga̱nꞌ uxrá yáán soꞌ ga̱ níꞌ si̱j tumé cacunꞌ na̱nj ado̱nj. Dan me se xta̱ꞌ doj yáán soꞌ rihaan nu̱ꞌ rej xta̱ꞌ na̱nj ado̱nj.

San Juan 18:33

Dan me se catúj uún Pilató tucuá suun, ne̱ canacúún soꞌ caꞌna̱ꞌ Jesús, ne̱ xnáꞌanj soꞌ man Jesús, cataj soꞌ a: ―Ma̱ꞌán so̱ꞌ me síí nica̱j suun rey uun chij rihaan nij yuvii̱ israelitá naꞌ ―taj Pilató rihaan Jesús a.