San Juan 16:15 - Triqui de San Juan Copala

¹⁵ Nu̱ꞌ nana̱ ya̱ vaa rihaan Réj Yaꞌanj cheꞌé ꞌu̱nj roꞌ, snana̱ ꞌu̱nj me yoꞌ a. Cheꞌé dan cataj ꞌu̱nj se vaa ni̱caj Nimán Yaꞌanj nana̱ ya̱ cheꞌej, ne̱ ti̱haa̱n soꞌ rihaan soj a ―taj Jesús rihaan nij síí tucuꞌyón snana̱ soꞌ a.

San Juan 16:15 Referans Kwoze

San Juan 17:10

Ne̱ nij síí noco̱ꞌ manj me se noco̱ꞌ nij soꞌ mán so̱ꞌ, ne̱ nij síí noco̱ꞌ mán so̱ꞌ roꞌ, nocoꞌ manj, ne̱ a̱j sa̱ꞌ uxrá caꞌmii nij yuvii̱ cheꞌé ꞌu̱nj, quiꞌyaj nij soꞌ na̱nj á.

San Juan 3:35

ꞌE̱e̱ rá Rej soꞌ man soꞌ, ne̱ rqué Rej soꞌ cunuda̱nj rasu̱u̱n man soꞌ, cheꞌé rej gu̱un chij soꞌ rihaan cunuda̱nj nij rasu̱u̱n yoꞌ ado̱nj.

San Mateo 11:27

Canica̱j Jesús caꞌmii soꞌ rihaan nij yuvii̱, cataj soꞌ a: ―A̱j rqué Réé ꞌu̱nj Yaꞌanj cunuda̱nj rasu̱u̱n rihanj ado̱nj. Ne̱ a̱ ꞌó síí ne neꞌen da̱j vaa ꞌu̱nj; ma̱an o̱rúnꞌ Réj neꞌen a. ꞌO̱ se Taꞌníí soꞌ mej ado̱nj. Ne̱ a̱ ꞌó yuvii̱ ne neꞌen da̱j vaa Réj maꞌ. Ma̱an o̱rúnꞌ ꞌu̱nj neꞌen da̱j vaa soꞌ ado̱nj. Ne̱ sese me rá ꞌu̱nj cata̱j xnaꞌanj ꞌu̱nj rihaan ꞌó nij yuvii̱ da̱j vaa Réj, ne̱ queneꞌe̱n ꞌó nij soꞌ uún ado̱nj.

Colosenses 1:19

Ase vaa maꞌa̱n Yaꞌanj roꞌ, da̱nj vaa Cristó, quiꞌyaj Yaꞌanj, ne̱ soꞌ me síí nica̱j cunuda̱nj snucua̱j Yaꞌanj ado̱nj.

San Lucas 10:22

Canica̱j Jesús, cataj soꞌ rihaan nij yuvii̱ a: ―A̱j rqué Réé ꞌu̱nj Yaꞌanj cunuda̱nj rasu̱u̱n rihanj ado̱nj. A̱ ꞌó síí ne neꞌen da̱j vaa ꞌu̱nj Taꞌni̱j soꞌ, ma̱an se o̱rúnꞌ Réj neꞌen a. Ne̱ a̱ ꞌó síí ne neꞌen da̱j vaa Réj maꞌ. Ma̱an se o̱rúnꞌ ꞌu̱nj Taꞌni̱j soꞌ neꞌen da̱j vaa soꞌ ado̱nj. Ne̱ sese me rá ꞌu̱nj ti̱haán ꞌu̱nj rihaan ꞌó nij yuvii̱ da̱j vaa Réj, ne̱ queneꞌe̱n ꞌó nij soꞌ uún ado̱nj ―taj Jesús rihaan nij yuvii̱ a.

San Mateo 28:18

Ga̱a ne̱ cuchiꞌ Jesús rihaan nij soꞌ, ne̱ cataj soꞌ rihaan nij soꞌ a: ―Ya̱j me se ꞌu̱nj me síí uun chij xta̱ꞌ do̱ꞌ, nu̱ꞌ rihaan yoꞌóó do̱ꞌ, quiꞌyaj Yaꞌanj ado̱nj.

San Juan 13:3

Ne̱ a̱j queneꞌen Jesús se vaa quisíj guun chij maꞌa̱n soꞌ rihaan cunuda̱nj rasu̱u̱n, quiꞌyaj Yaꞌanj, ne̱ a̱j queneꞌen soꞌ se vaa si̱j cavii rej ya̱nj Yaꞌanj me soꞌ ne̱ quina̱nꞌ uún soꞌ rihaan Yaꞌanj a.

Colosenses 2:9

ꞌO̱ se ase vaa maꞌa̱n Yaꞌanj roꞌ, da̱nj vaa Cristó, tza̱j ne̱ vaa nee̱ man Cristó, ne̱ cheꞌé dan ruviꞌ Cristó rihaan níꞌ, ne̱ xcaj níꞌ cuentá da̱j vaa maꞌa̱n Yaꞌanj uún chugua̱nj.

San Juan 17:2

cheꞌé se uun chij ꞌu̱nj rihaan cunuda̱nj yuvii̱, quiꞌyáá so̱ꞌ a. Ne̱ cheꞌé dan nu̱ꞌ nij síí rqué so̱ꞌ manj me se ga̱a̱ iꞌna̱ꞌ nij soꞌ nu̱ꞌ cavii nu̱ꞌ caꞌanj, qui̱ꞌyáj a.

Colosenses 2:3

Dan me se rihaan Cristó me se ꞌni̱j yuve̱ cunuda̱nj nana̱ vaa yuꞌvee ndoꞌo ase vaa nana̱ cu̱u do̱ꞌ, nana̱ achiin queneꞌe̱n yuvii̱ do̱ꞌ, me yoꞌ ado̱nj.

San Juan 14:21

Síí nariꞌ nij suun caꞌnéꞌ ꞌu̱nj ne̱ uno nij suun yoꞌ roꞌ, me síí ya̱ ya̱ aráj cochro̱j rihanj chugua̱nj. Ne̱ cunu̱u ꞌe̱e̱ rá Réj Yaꞌanj man síí aráj cochro̱j rihanj, ne̱ ga̱a̱ ꞌe̱e̱ rá ma̱ꞌanj man soꞌ, ne̱ queneꞌe̱n soꞌ manj, qui̱ꞌyáj ado̱nj ―taj Jesús rihaan nij síí tucuꞌyón snana̱ soꞌ a.