San Juan 15:24 - Triqui de San Juan Copala

²⁴ Ne̱ suun sa̱ꞌ noco̱o quiꞌyáj queneꞌen nij soꞌ me se ne quiꞌya̱j a̱ ꞌó yuvii̱ suun sa̱ꞌ noco̱o vaa da̱nj maꞌ. Ne̱ sese ne qui̱ꞌyáj suun sa̱ꞌ noco̱o yoꞌ queneꞌe̱n nij soꞌ, ne̱ ne tumé nij soꞌ cacunꞌ tza̱j maꞌ. Tza̱j ne̱ ya̱j me se a̱j queneꞌen nij soꞌ nij suun sa̱ꞌ noco̱o quiꞌyáj, ne̱ quitáá riꞌyunj nij soꞌ mán ꞌu̱nj do̱ꞌ, man Réj Yaꞌanj do̱ꞌ na̱nj ado̱nj.

San Juan 15:24 Referans Kwoze

San Juan 14:9

Ga̱a ne̱ cataj Jesús rihaan Felipé a: ―Felipe, síj queꞌe̱e̱ ndoꞌo güii cachéé ꞌu̱nj ga̱ nij soj, ne̱ me cheꞌé ne que̱neꞌén so̱ꞌ manj ga̱. Xa̱ꞌ síí neꞌen manj, tza̱j ne̱ soꞌ me síí neꞌen Réj Yaꞌanj ado̱nj. Asa̱ꞌ caꞌvee cataj so̱ꞌ se vaa me rá so̱ꞌ ti̱haán ꞌu̱nj man Réj Yaꞌanj rihaan so̱ꞌ ga̱.

San Juan 5:36

’Ne̱ xa̱ꞌ ꞌu̱nj nihánj, tza̱j ne̱ sa̱ꞌ doj vaa síí taj xnaꞌanj cheꞌé ꞌu̱nj rihaan síí cuꞌna̱j Juan a. Dan me se vaa suun caꞌneꞌ Réj rihanj se vaa ya̱ quisi̱j suun sa̱ꞌ yoꞌ qui̱ꞌyáj, ne̱ cheꞌé dan me ꞌyáá ꞌu̱nj nij suun sa̱ꞌ yoꞌ a. Cheꞌé maꞌa̱n suun sa̱ꞌ yoꞌ caꞌve̱e xca̱j soj cuentá se vaa si̱j caꞌnéé Réj Yaꞌanj mej ado̱nj.

San Juan 10:37

ꞌO̱ se sese ne ꞌyáá ꞌu̱nj se‑su̱u̱n Réj Yaꞌanj, ne̱ caꞌve̱e caꞌne̱ꞌ rá soj ga̱ suun amán rá niꞌya̱j manj chugua̱nj.

San Juan 10:32

Ga̱a ne̱ cataj Jesús rihaan nij soꞌ a: ―Quisíj quiꞌyaj uxraj suun sa̱ꞌ noco̱o queneꞌen nij soj, ne̱ guun nu̱cuáj quiꞌyáj da̱nj, quiꞌyaj Réj Yaꞌanj a. Me suun sa̱ꞌ noco̱o cheꞌe̱ me rá soj go̱ꞌ soj yahij manj ga̱ ―taj Jesús, xnáꞌanj soꞌ man nij soꞌ a.

San Juan 9:32

Dan me se síí tuchri̱i mej ga̱a caꞌngaj, ne̱ nu̱ꞌ caꞌnaꞌ me se ne caꞌna̱ꞌ nana̱ rihaan níꞌ se vaa nacuchraꞌ ꞌo̱ soꞌ rihaan síí vaa da̱nj a̱ maꞌ.

San Juan 7:31

Ne̱ queꞌe̱e̱ nij yuvii̱ cuchumán rá niꞌya̱j man soꞌ, ne̱ cataj nij soꞌ a: ―Caꞌve̱e se caꞌna̱ꞌ ꞌó soꞌ cata̱j soꞌ se vaa Síí Caꞌnéé Yaꞌanj Ti̱nanii man Yuvii̱ rihaan Sayuun me soꞌ, tza̱j ne̱ daj chiha̱a̱ míj se̱ quisíj soꞌ quiꞌya̱j soꞌ doj suun sa̱ꞌ noco̱o rihaan suun sa̱ꞌ noco̱o quiꞌyaj síí nihánj a̱ maꞌ ―taj nij yuvii̱ niꞌya̱j nij soꞌ man Jesús a.

San Juan 3:2

Dan me se rej nii̱ caꞌnaꞌ soꞌ rihaan Jesús, ne̱ cataj soꞌ a: ―Neꞌen núj se vaa si̱j caꞌnéé Yaꞌanj tu̱cuꞌyón man yuvii̱ mé so̱ꞌ, maestro. ꞌO̱ se sese nuviꞌ Yaꞌanj racuíj mán so̱ꞌ, ne̱ se̱ guun nu̱cuáá so̱ꞌ qui̱ꞌyáá so̱ꞌ nij suun sa̱ꞌ noco̱o nda̱a vaa ꞌyáá so̱ꞌ nihánj cuano̱ asuun maꞌ ―taj soꞌ rihaan Jesús a.

San Mateo 9:33

Dan me se quirii Jesús man nana̱ chre̱e yoꞌ nimán soꞌ, ga̱a ne̱ guun cheꞌe̱ síí yaꞌmi̱i caꞌmii soꞌ na̱nj ado̱nj. Queneꞌen nij yuvii̱, ne̱ caráyaꞌa̱nj uxrá nij yuvii̱, ne̱ cataj nij soꞌ a: ―Xa̱ꞌ níꞌ si̱j israelitá, tza̱j ne̱ a̱ ꞌó síí ꞌyaj da̱nj ne queneꞌe̱n níꞌ a̱ maꞌ ―taj nij yuvii̱ cheꞌé Jesús a.

Santiago 4:4

Ne̱ ase vaa chana̱ otoj ga̱ ꞌó snóꞌo roꞌ, da̱nj vaa soj, ne̱ ne nocoꞌ ya̱ nimán soj man Yaꞌanj a̱ maꞌ. Xca̱j soj cuentá se vaa síí me rá cavi̱i̱ sa̱ꞌ ina̱nj rihaan chumii̱ nihánj roꞌ, soꞌ me síí ta̱j riꞌyunj man Yaꞌanj ado̱nj. Ya̱ uxrá á.

2 Timoteo 3:4

Ne̱ ina̱nj síí tihaꞌ yuꞌunj tuviꞌ gu̱un uún nij soꞌ na̱nj ado̱nj. Ne̱ ina̱nj caꞌne̱j nimán nij soꞌ quiꞌya̱j nij soꞌ chrej chiꞌi̱i̱ na̱nj ado̱nj. Ne̱ ꞌo̱ nda̱a xraan rmaꞌa̱n cuma̱n se nucuiꞌ rá nimán nij soꞌ, ne̱ ina̱nj nano̱ꞌ nij soꞌ rasu̱u̱n me rá maꞌa̱n nij soꞌ a. Se̱ nanoꞌ nij soꞌ a̱ doj man Yaꞌanj a̱ maꞌ.

Romanos 1:30

nanó nij soꞌ cuentó ne̱ do̱ꞌ, nachriꞌ nij soꞌ man Yaꞌanj do̱ꞌ, aꞌmii nij nij soꞌ do̱ꞌ, xta̱ꞌ nimán nij soꞌ do̱ꞌ, aꞌmii xta̱ꞌ nij soꞌ do̱ꞌ a. Nanoꞌ nij soꞌ rej quiꞌya̱j nij soꞌ se chiꞌi̱i̱ a. Ne uno nij soꞌ rihaan rej nij soꞌ do̱ꞌ, rihaan nii nij soꞌ do̱ꞌ maꞌ.

Hechos 10:38

Ne̱ nana̱ yoꞌ taj se vaa cuneꞌ Yaꞌanj man Jesús síí cavii chumanꞌ Nazaret, ne̱ rqué ndoꞌo Yaꞌanj Nimán Yaꞌanj man soꞌ, ne̱ rqué ndoꞌo Yaꞌanj rej nucua̱j man soꞌ a. Ne̱ dan me se cachéé Jesús, ne̱ quiꞌyaj ndoꞌo soꞌ suun sa̱ꞌ, ne̱ cunuda̱nj nij síí ranꞌ sayuun ꞌyaj Síí Chre̱e cheꞌé se quirii taꞌngaꞌ Síí Chre̱e rihaan nij soꞌ roꞌ, nahuun sa̱ꞌ nij soꞌ, quiꞌyaj Jesús a. ꞌO̱ se Yaꞌanj roꞌ, racuíj ndoꞌo man Jesús ꞌyaj soꞌ da̱nj ado̱nj.

Hechos 2:22

’Ne̱ cuano̱ nihánj me se cuno̱ soj si̱j israelitá nana̱ nihánj á. Dan me se a̱j queneꞌen nij soj da̱j quiꞌyaj Jesús síí cavii chumanꞌ Nazaret, se vaa guun nucua̱j soꞌ quiꞌyaj ndoꞌo soꞌ da̱j a̱ nij suun sa̱ꞌ noco̱o tihaa̱n se vaa ya̱ Síí Caꞌnéé Yaꞌanj me soꞌ ado̱nj.

San Juan 12:45

Ne̱ xa̱ꞌ síí acaj cuentá cheꞌej, tza̱j ne̱ soꞌ me síí acaj cuentá cheꞌé síí caꞌnéé manj rihaan chumii̱ nihánj ado̱nj.

San Juan 6:36

Tza̱j ne̱ a̱j cataj ꞌu̱nj rihaan soj se vaa nda̱ꞌ se queneꞌen soj manj, tza̱j ne̱ ne amán rá soj niꞌya̱j soj manj a̱ maꞌ.

San Lucas 24:19

Ga̱a ne̱ cataj Jesús a: ―Da̱j guun chumanꞌ Jerusalén ga̱ ―taj Jesús, xnáꞌanj soꞌ man ro̱j soꞌ a. Ga̱a ne̱ cataj ro̱j soꞌ rihaan Jesús a: ―Nu̱ꞌ se vaa quiranꞌ Jesús síí cavii chumanꞌ Nazaret a. Ne̱ soꞌ me síí guun síí nataꞌ snana̱ Yaꞌanj rihaan nij yuvii̱ a. Ne̱ síí uun nucua̱j ndoꞌo quiꞌyaj suun sa̱ꞌ noco̱o me soꞌ, ne̱ síí cavii ndoꞌo nana̱ sa̱ꞌ tuꞌva cheꞌé Yaꞌanj me soꞌ rihaan cunuda̱nj nij yuvii̱ a.

San Marcos 2:12

Ga̱a ne̱ cuaj naxaga̱a̱ soꞌ, ne̱ nacué soꞌ tuvéé soꞌ, ga̱a ne̱ curiha̱nj soꞌ rá veꞌ, niꞌya̱j ta̱ranꞌ nij yuvii̱ ma̱n rá veꞌ a. Nda̱a síj, ga̱a ne̱ caꞌanj rá nij yuvii̱, ne̱ cataj nij soꞌ se vaa veꞌé uxrá quiꞌyaj Yaꞌanj, ne̱ cataj uún nij soꞌ a: ―Daj chiha̱a̱ míj ne queneꞌe̱n níꞌ suun vaa da̱nj a̱ maan ado̱nj ―taj nij yuvii̱ a.

San Mateo 21:32

ꞌO̱ se cuchiꞌ Juan rihaan nij soj, ne̱ tucuꞌyón soꞌ rihaan nij soj da̱j quiꞌya̱j soj cuno̱ sa̱ꞌ soj rihaan Yaꞌanj, tza̱j ne̱ ne cuchuma̱n rá nij soj nana̱ caꞌmii soꞌ maꞌ. Tza̱j ne̱ nij síí tihaꞌ yuꞌunj man yuvii̱ cheꞌé impuestó do̱ꞌ, nij chana̱ niha̱ꞌ rá ga̱ chii do̱ꞌ, cuchumán rá nana̱ caꞌmii Juan na̱nj ado̱nj. Ne̱ queneꞌen soj se vaa cuchumán rá nij soꞌ, tza̱j ne̱ ne nuchra̱nꞌ nimán soj, ne̱ ne cuchuma̱n rá maꞌa̱n soj maꞌ.

San Mateo 11:5

Dan me se nij síí tuchri̱i roꞌ, naxraꞌ rihaan, ne̱ nij síí naꞌvee cache̱e̱ roꞌ, chéé nij soꞌ, ne̱ nij síí ranꞌ luj riꞌyuj roꞌ, nahuun sa̱ꞌ, ne̱ nij síí soꞌo̱ roꞌ, nachuguu̱n xréé nij soꞌ, ne̱ nij síí caviꞌ roꞌ, nuu iꞌna̱ꞌ uún, ne̱ nij síí nique̱ roꞌ, uno nij soꞌ snana̱ Yaꞌanj nana̱ sa̱ꞌ a. Nu̱ꞌ nihánj cata̱j xnaꞌanj ro̱j so̱j rihaan Juan á.

San Juan 12:10

Ga̱a ne̱ guun ꞌo̱ rá nij xrej ata̱ suun noco̱o se vaa cavi̱ꞌ Lázaro uún, quiꞌya̱j nij soꞌ a.

San Juan 9:41

Ga̱a ne̱ cataj Jesús rihaan nij soꞌ a: ―Sese si̱j ne neꞌen me soj, ne̱ taj va̱j cacunꞌ tumé soj maꞌ. Tza̱j ne̱ cuano̱ nihánj me se taj soj se vaa a̱j neꞌen soj a. Cheꞌé dan ꞌo̱ tumé soj cacunꞌ ado̱nj ―taj Jesús rihaan nij síí fariseo yoꞌ a.

San Juan 15:21

Dan me se quiꞌya̱j nij soꞌ nu̱ꞌ se nij yoꞌ man soj cheꞌé se‑chu̱vií ꞌu̱nj, cheꞌé se ne neꞌen nij soꞌ man síí caꞌnéé manj chugua̱nj.

San Juan 15:22

’Sese ne caꞌna̱ꞌ ꞌu̱nj, ne̱ sese ne caꞌmi̱j ga̱ nij soꞌ, ne̱ taj va̱j cacunꞌ tumé nij soꞌ tza̱j maꞌ. Tza̱j ne̱ cuano̱ nihánj me se natáꞌ ꞌu̱nj snana̱ Yaꞌanj rihaan nij soꞌ, ne̱ se̱ caꞌvee cata̱j nij soꞌ se vaa né si̱j ta̱j riꞌyunj man Yaꞌanj me nij soꞌ maꞌ.

San Juan 15:23

ꞌO̱ se síí ta̱j riꞌyunj manj roꞌ, soꞌ me síí ta̱j riꞌyunj man Réj Yaꞌanj na̱nj ado̱nj.

San Juan 16:9

Dan me se cheꞌé se ne cuchuma̱n rá nij yuvii̱ ni̱ꞌyaj nij soꞌ manj roꞌ, cheꞌé dan cata̱j Nimán Yaꞌanj se vaa tumé nij soꞌ cacunꞌ a.