San Juan 15:22 - Triqui de San Juan Copala

²² ’Sese ne caꞌna̱ꞌ ꞌu̱nj, ne̱ sese ne caꞌmi̱j ga̱ nij soꞌ, ne̱ taj va̱j cacunꞌ tumé nij soꞌ tza̱j maꞌ. Tza̱j ne̱ cuano̱ nihánj me se natáꞌ ꞌu̱nj snana̱ Yaꞌanj rihaan nij soꞌ, ne̱ se̱ caꞌvee cata̱j nij soꞌ se vaa né si̱j ta̱j riꞌyunj man Yaꞌanj me nij soꞌ maꞌ.

San Juan 15:22 Referans Kwoze

San Juan 9:41

Ga̱a ne̱ cataj Jesús rihaan nij soꞌ a: ―Sese si̱j ne neꞌen me soj, ne̱ taj va̱j cacunꞌ tumé soj maꞌ. Tza̱j ne̱ cuano̱ nihánj me se taj soj se vaa a̱j neꞌen soj a. Cheꞌé dan ꞌo̱ tumé soj cacunꞌ ado̱nj ―taj Jesús rihaan nij síí fariseo yoꞌ a.

Santiago 4:17

Tza̱j ne̱ sese neꞌen níꞌ da̱j me rá Yaꞌanj quiꞌya̱j níꞌ, ne̱ ne ꞌyaj níꞌ da̱nj, ga̱a ne̱ gu̱un níꞌ síí tumé ndoꞌo cacunꞌ na̱nj ado̱nj.

Hechos 17:30

’Dan me se asi̱j rque̱ me se ne quiꞌya̱j Yaꞌanj sayuun man nij síí aráj gue̱e̱ rihaan agaꞌ do̱ꞌ, rihaan yahij do̱ꞌ maꞌ. ꞌO̱ se ne caꞌve̱e xca̱j nij yuvii̱ cuentá maꞌ. Tza̱j ne̱ ya̱j me se cataj xnaꞌanj Yaꞌanj rihaan nij yuvii̱ ma̱n cunuda̱nj nij chumanꞌ na̱j rihaan chumii̱ se vaa ca̱nica̱j nimán nij yuvii̱ canoco̱ꞌ nij yuvii̱ tucuáán sa̱ꞌ ado̱nj.

Romanos 1:20

Dan me se ga̱a quiꞌyaj Yaꞌanj chumii̱, ne̱ curuviꞌ nu̱ꞌ rasu̱u̱n quiꞌyaj Yaꞌanj niꞌya̱j yuvii̱, ne̱ nuviꞌ maꞌa̱n Yaꞌanj niꞌya̱j yuvii̱, tza̱j ne̱ neꞌen yuvii̱ nij rasu̱u̱n quiꞌyaj Yaꞌanj a. Ne̱ me rá Yaꞌanj xca̱j nij yuvii̱ cuentá se vaa síí uun chij ndoꞌo me Yaꞌanj, ne̱ dan me se xca̱j nij yuvii̱ cuentá se vaa ya̱ o̱rúnꞌ soꞌ me Yaꞌanj, ne̱ xca̱j nij yuvii̱ cuentá se vaa ga̱a̱ nucua̱j ndoꞌo Yaꞌanj nu̱ꞌ caꞌnaꞌ nu̱ꞌ caꞌanj a. Cheꞌé dan sese cata̱j nij yuvii̱ se vaa ne neꞌen nij yuvii̱ da̱j vaa Yaꞌanj, ne̱ síí ne̱ me nij yuvii̱ na̱nj ado̱nj.

San Juan 12:48

Dan me se síí tanáj xco̱ manj ne̱ naꞌvej rá cuno̱ snana̱j me se quita̱j cacunꞌ xráá soꞌ na̱nj ado̱nj. ꞌO̱ se cheꞌé se ne cuno̱ soꞌ nana̱ caꞌmij rihaan soꞌ roꞌ, cheꞌé dan quita̱j cacunꞌ xráá soꞌ asa̱ꞌ quisíj güii caꞌa̱nj niꞌya̱ chumii̱ nihánj chugua̱nj.

1 Pedro 2:16

Neꞌen níꞌ se vaa si̱j chéé u̱u̱n me níꞌ, tza̱j ne̱ se̱ guun cata̱j níꞌ se vaa cheꞌé dan me caꞌve̱e quiꞌya̱j níꞌ me maꞌa̱n se chiꞌi̱i̱ maꞌ. Tana̱nj gu̱un níꞌ síí nu̱u̱ rihaan Yaꞌanj ado̱nj.

Romanos 2:1

Me cheꞌé taj so̱ꞌ se vaa ina̱nj maꞌa̱n tuvíꞌ so̱ꞌ tumé cacunꞌ ga̱. ꞌO̱ se ꞌo̱ cuya̱a̱n vaa cacunꞌ ꞌyaj ma̱ꞌán so̱ꞌ ga̱ cacunꞌ ꞌyaj tuvíꞌ so̱ꞌ, ne̱ sese cuta̱ꞌ so̱ꞌ cacunꞌ xráá tuvíꞌ so̱ꞌ, ne̱ cuta̱ꞌ nii cacunꞌ xráá ma̱ꞌán so̱ꞌ uún ado̱nj.

San Lucas 12:46

Dan me se ne neꞌen soꞌ aman nama̱n se‑ruꞌve̱e̱ soꞌ a. Ne naꞌvi̱j soꞌ caꞌna̱ꞌ ruꞌvee a. Tza̱j ne̱ síj güii síj orá síj, ne̱ caꞌna̱ꞌ maꞌa̱n se‑ruꞌve̱e̱ mozó yoꞌ, ga̱a ne̱ quira̱nꞌ uxrá mozó yoꞌ sayuun, quiꞌya̱j se‑ruꞌve̱e̱ soꞌ, ne̱ caꞌne̱j ruꞌvee man soꞌ rej ma̱n nij síí ne amán rá niꞌya̱j man Yaꞌanj a.

San Juan 19:11

Ga̱a ne̱ cataj Jesús rihaan soꞌ a: ―Sese né Yaꞌa̱nj me síí cuneꞌ mán so̱ꞌ ca̱tá so̱ꞌ suun nihánj, ne̱ ne gu̱un nu̱cuáá so̱ꞌ qui̱ꞌyáá so̱ꞌ a̱ doj rasu̱u̱n asuun tza̱j maꞌ. Cheꞌé dan síí tacuachén manj rihaan so̱ꞌ me síí tumé doj cacunꞌ rihaan so̱ꞌ ado̱nj ―taj Jesús rihaan Pilató yoꞌ a.

San Juan 15:23

ꞌO̱ se síí ta̱j riꞌyunj manj roꞌ, soꞌ me síí ta̱j riꞌyunj man Réj Yaꞌanj na̱nj ado̱nj.

San Juan 15:24

Ne̱ suun sa̱ꞌ noco̱o quiꞌyáj queneꞌen nij soꞌ me se ne quiꞌya̱j a̱ ꞌó yuvii̱ suun sa̱ꞌ noco̱o vaa da̱nj maꞌ. Ne̱ sese ne qui̱ꞌyáj suun sa̱ꞌ noco̱o yoꞌ queneꞌe̱n nij soꞌ, ne̱ ne tumé nij soꞌ cacunꞌ tza̱j maꞌ. Tza̱j ne̱ ya̱j me se a̱j queneꞌen nij soꞌ nij suun sa̱ꞌ noco̱o quiꞌyáj, ne̱ quitáá riꞌyunj nij soꞌ mán ꞌu̱nj do̱ꞌ, man Réj Yaꞌanj do̱ꞌ na̱nj ado̱nj.

San Juan 16:9

Dan me se cheꞌé se ne cuchuma̱n rá nij yuvii̱ ni̱ꞌyaj nij soꞌ manj roꞌ, cheꞌé dan cata̱j Nimán Yaꞌanj se vaa tumé nij soꞌ cacunꞌ a.