San Juan 14:3 - Triqui de San Juan Copala

³ Ne̱ cheꞌé se caꞌa̱nj ꞌu̱nj naquiꞌya̱j sa̱ꞌ ꞌu̱nj rej ca̱yáán soj, cheꞌé dan neꞌen soj se vaa caꞌna̱ꞌ uún ꞌu̱nj rihaan soj, ne̱ naca̱j ꞌu̱nj man soj a. Nda̱a síj, ga̱a ne̱ ca̱yáán rcuaꞌa̱a̱n ta̱ranꞌ níꞌ rej yoꞌ ado̱nj.

San Juan 14:3 Referans Kwoze

San Juan 12:26

Cheꞌé dan me sese vaa ꞌo̱ soꞌ nu̱u̱ rihanj, ne̱ canoco̱ꞌ soꞌ manj á. Ne̱ me rej maꞌa̱n canicu̱nꞌ ma̱ꞌanj roꞌ, ma̱an dan canicu̱nꞌ síí nu̱u̱ rihaan ꞌu̱nj uún na̱nj ado̱nj. Ga̱a ne̱ cara̱a̱ cochro̱j Réj rihaan síí nu̱u̱ rihanj ado̱nj.

2 Timoteo 2:12

Sese se̱ cunánj níꞌ rihaan sayuun, ga̱a ne̱ gu̱un chij níꞌ ga̱ soꞌ uún a. Sese cata̱j níꞌ se vaa né si̱j noco̱ꞌ man soꞌ me níꞌ, ne̱ cata̱j soꞌ se vaa né tuvi̱ꞌ soꞌ me níꞌ uún a.

Hechos 1:11

Ga̱a ne̱ cataj ro̱j snóꞌo yoꞌ a: ―Me cheꞌé ꞌo̱ nicunꞌ soj si̱j cavii estadó Galilea niꞌya̱j soj xta̱ꞌ ga̱. Jesús me se neꞌen soj se vaa cavii soꞌ quinanꞌ soꞌ xta̱ꞌ, quiꞌyaj Yaꞌanj a. Ne̱ ase vaa cavii soꞌ xta̱ꞌ roꞌ, da̱nj quiꞌya̱j uún soꞌ nani̱j soꞌ caꞌna̱ꞌ soꞌ rihaan chumii̱ nihánj ado̱nj ―taj ro̱j síí nu̱u̱ yatzéj catzi̱i̱ rihaan nij síí cuneꞌ Jesús a.

Hebreos 9:28

Ne̱ dan me se cheꞌé se o̱rúnꞌ yu̱u̱n caviꞌ Cristó, ne̱ tinavij soꞌ cacunꞌ tumé queꞌe̱e̱ uxrá yuvii̱ roꞌ, vaa güii caꞌna̱ꞌ uún soꞌ rihaan chumii̱ nihánj ado̱nj. Tza̱j ne̱ né cheꞌe̱ rej cavi̱ꞌ uún soꞌ cheꞌé cacunꞌ tumé yuvii̱ me caꞌna̱ꞌ soꞌ maꞌ. ꞌO̱ se caꞌna̱ꞌ soꞌ, ne̱ níꞌ si̱j naꞌvi̱j ndoꞌo man soꞌ roꞌ, nani̱i̱ níꞌ ne̱ cavi̱i̱ sa̱ꞌ níꞌ rihaan Yaꞌanj, quiꞌya̱j soꞌ ado̱nj.

Romanos 8:17

Cheꞌé dan vaa güii rque̱ ndoꞌo Yaꞌanj se sa̱ꞌ rihaan níꞌ ga̱ Cristó, ne̱ ꞌo̱ cuya̱a̱n ga̱a̱ se sa̱ꞌ rihaan Cristó ga̱ níꞌ a. Veé dan me cheꞌé se ranꞌ níꞌ sayuun nda̱a vaa quiranꞌ Cristó roꞌ, cheꞌé dan cavi̱i̱ sa̱ꞌ níꞌ ga̱ soꞌ, ne̱ niꞌndaj ya̱ veꞌé ga̱a̱ níꞌ ga̱ soꞌ vaa güii ado̱nj.

San Juan 14:28

A̱j cuno soj nana̱ caꞌmij, se vaa cavi̱i̱ ꞌu̱nj quina̱nꞌ ꞌu̱nj, tza̱j ne̱ caꞌna̱ꞌ uún ꞌu̱nj rihaan soj ado̱nj. Sese si̱j aráj cochro̱j rihanj me soj, ne̱ guun niha̱ꞌ rá soj cuno soj nana̱ se vaa cavi̱i̱ ꞌu̱nj quina̱nꞌ ꞌu̱nj yan ya̱nj Réj Yaꞌanj asuun tza̱j á. ꞌO̱ se síí noco̱o doj mej Réj rihanj na̱nj ado̱nj.

San Juan 17:24

’Ne̱ xa̱ꞌ nij síí rqué so̱ꞌ manj, tza̱j ne̱ me rá ꞌu̱nj ca̱yáán nij soꞌ ga̱ ꞌu̱nj rej ca̱yáán ꞌu̱nj, Ata̱j. ꞌO̱ se me rá ꞌu̱nj queneꞌe̱n nij soꞌ se vaa niꞌndaj ya̱ cavii sa̱ꞌ ꞌu̱nj quiꞌyáá so̱ꞌ á. ꞌO̱ se asi̱j ataa qui̱ꞌyáá so̱ꞌ chumii̱ nihánj me se a̱j ꞌe̱e̱ rá so̱ꞌ manj ado̱nj.

2 Tesalonicenses 1:12

Dan me se nda̱a síj, ga̱a ne̱ cata̱j soj se vaa sa̱ꞌ uxrá ꞌyaj Jesús Si̱j ꞌNi̱j Raꞌa man níꞌ, ne̱ cata̱j soꞌ se vaa sa̱ꞌ quiꞌyaj soj a. Da̱nj ina̱nj me se lu̱j me rá Yaꞌanj si̱j noco̱ꞌ níꞌ man do̱ꞌ, Jesucristó Si̱j ꞌNi̱j Raꞌa man níꞌ do̱ꞌ, quiꞌya̱j ro̱j soꞌ cheꞌé soj ado̱nj.

Apocalipsis 3:21

Ne̱ síí quiꞌya̱j canaán roꞌ, ca̱yáán soꞌ rihaan xrúún ꞌu̱nj chruun xlá sa̱ꞌ ga̱ ꞌu̱nj, ne̱ gu̱un chij soꞌ ga̱j, qui̱ꞌyáj, nda̱a vaa quiꞌyaj Réj Yaꞌanj ga̱j ado̱nj. Dan me se ga̱a quiꞌyaj canaán ꞌu̱nj, ne̱ cayáán ꞌu̱nj rihaan xrúún Réj Yaꞌanj chruun xlá sa̱ꞌ ga̱ soꞌ, ne̱ uun chij ꞌu̱nj ga̱ soꞌ, quiꞌyaj soꞌ chugua̱nj.

Filipenses 1:23

ꞌO̱ se sa̱ꞌ cuya̱a̱n vaa ro̱j chrej chugua̱nj. Dan me se sese cavi̱ꞌ ꞌu̱nj, ne̱ quina̱nꞌ ꞌu̱nj rihaan Cristó, ne̱ sa̱ꞌ uxrá doj ga̱a̱ na̱nj ado̱nj.

San Juan 14:4

Ne̱ a̱j neꞌen soj chrej uchiꞌ nda̱a rej caꞌa̱nj ꞌu̱nj na̱nj ado̱nj ―taj Jesús rihaan nij síí tucuꞌyón snana̱ soꞌ a.