San Juan 14:20 - Triqui de San Juan Copala

²⁰ ’Asa̱ꞌ queneꞌen soj manj ne̱ queneꞌe̱n soj se vaa cuya̱a̱n vaa rá ꞌu̱nj ga̱ Réj, ne̱ cuya̱a̱n ga̱a̱ rá soj ga̱ ꞌu̱nj, ne̱ cuya̱a̱n ga̱a̱ rá ꞌu̱nj ga̱ soj na̱nj ado̱nj.

San Juan 14:20 Referans Kwoze

San Juan 17:26

Ne̱ cataj xnaꞌanj ꞌu̱nj rihaan nij soꞌ da̱j si̱j mé so̱ꞌ, ne̱ cata̱j ꞌu̱nj doj rihaan nij soꞌ, cheꞌé rej ga̱a̱ chrej ga̱a̱ ꞌe̱e̱ rá man tuviꞌ nimán nij soꞌ nda̱a vaa ꞌe̱e̱ rá so̱ꞌ manj, ne̱ ca̱yáán ꞌu̱nj ga̱ nij soꞌ a ―taj Jesús, cachíín niꞌya̱j soꞌ rihaan Yaꞌanj a.

Gálatas 2:20

Canó rcuaꞌa̱a̱n ꞌu̱nj rihaan rcutze̱ ga̱ Cristó vaa ga̱a na̱nj ado̱nj. Ya̱j me se né ꞌu̱nj me síí ya̱nj cuano̱ maꞌ. ꞌO̱ se Cristó me síí ya̱nj nimanj, ne̱ cheꞌé dan vaa iꞌna̱ꞌ ꞌu̱nj cuano̱ ado̱nj. Cheꞌé se amán rá ꞌu̱nj niꞌya̱j ꞌu̱nj man Taꞌníí Yaꞌanj roꞌ, cheꞌé dan ina̱nj nocóꞌ ꞌu̱nj man soꞌ ga̱a chéé ꞌu̱nj rihaan chumii̱ nihánj ado̱nj. Ne̱ dan me se ma̱an cheꞌé se cunuu ꞌe̱e̱ uxrá rá soꞌ mán ꞌu̱nj roꞌ, cheꞌé dan caꞌneꞌ gue̱e̱ rá soꞌ caviꞌ soꞌ rihaan rcutze̱ cheꞌé ꞌu̱nj na̱nj ado̱nj.

1 Juan 4:12

A̱ doj yuvii̱ ne queneꞌe̱n rihaan man maꞌa̱n Yaꞌanj nu̱ꞌ cavii nu̱ꞌ caꞌnaꞌ maꞌ. Tza̱j ne̱ sese ga̱a̱ ꞌe̱e̱ rá níꞌ man tuviꞌ níꞌ, ne̱ ya̱ ya̱nj Yaꞌanj nimán níꞌ, ne̱ a̱j cunuu sa̱ꞌ nimán níꞌ nda̱a vaa guun rá Yaꞌanj ga̱a cunuu ꞌe̱e̱ rá Yaꞌanj man níꞌ a.

San Juan 14:10

Ne amán rá so̱ꞌ se vaa yáán ꞌu̱nj ga̱ Yaꞌanj, ne̱ Yaꞌanj roꞌ, yáán soꞌ ga̱ ꞌu̱nj naꞌ. ꞌO̱ se xa̱ꞌ nana̱ aꞌmij, tza̱j ne̱ né na̱na̱ avii raa̱ ma̱ꞌanj me nana̱ yoꞌ maꞌ. ꞌO̱ se nu̱u̱ Réj Yaꞌanj nimanj, ne̱ soꞌ me síí ꞌyaj nu̱ꞌ suun sa̱ꞌ noco̱o ꞌyáá ꞌu̱nj ado̱nj.

Romanos 8:1

Ya̱j me se daj chiha̱a̱ míj se̱ cutaꞌ Yaꞌanj cacunꞌ xráá níꞌ si̱j uun rcuaꞌa̱a̱n ga̱ Cristó Jesús maꞌ.

San Juan 10:38

Tza̱j ne̱ sese ya̱ ꞌyáá ꞌu̱nj se‑su̱u̱n Réj Yaꞌanj, ne̱ caꞌve̱e se ne amán rá soj niꞌya̱j soj man ma̱ꞌanj, tza̱j ne̱ vaa cheꞌé cuchuma̱n rá soj ni̱ꞌyaj soj man nij suun sa̱ꞌ noco̱o quiꞌyáj á. Nda̱a síj, ga̱a ne̱ xca̱j soj cuentá, ga̱a ne̱ ꞌo̱ queneꞌe̱n soj se vaa ya̱nj Réj Yaꞌanj ga̱j, ne̱ ya̱nj ꞌu̱nj ga̱ Réj Yaꞌanj uún ado̱nj ―taj Jesús a.

2 Corintios 13:5

Xca̱j maꞌa̱n soj cuentá sese ya̱ ya̱ amán rá soj niꞌya̱j soj man Cristó á. Neꞌen soj se vaa ya̱nj Cristó ga̱ soj naꞌ. Ase ne neꞌen soj xa̱ꞌ. Ya̱ ne Cristó ga̱ soj, sese né si̱j tihaꞌ yuꞌunj me soj chugua̱nj.

Colosenses 1:27

Dan me se guun rá Yaꞌanj xca̱j cunuda̱nj níꞌ si̱j noco̱ꞌ man soꞌ cuentá cheꞌé nana̱ sa̱ꞌ yuve̱ nihánj nana̱ tihaa̱n naca̱ Yaꞌanj se vaa niꞌndaj ya̱ sa̱ꞌ quiꞌyaj Yaꞌanj cheꞌé soj si̱j yaníj na̱nj ado̱nj. Dan me se yuvii̱ yaníj me soj, tza̱j ne̱ ya̱nj Cristó nimán soj, ne̱ cheꞌé dan uun ya̱ rá níꞌ se vaa niꞌndaj ya̱ cavi̱i̱ sa̱ꞌ soj ga̱ Yaꞌanj vaa güii na̱nj ado̱nj.

San Juan 16:26

Ne̱ güii dan me se cachi̱nj niꞌya̱j soj rasu̱u̱n rihaan Réj Yaꞌanj cheꞌé se‑chu̱vij, ne̱ taj cheꞌé cata̱j ꞌu̱nj rihaan soj se vaa ma̱ꞌanj cachi̱nj niꞌya̱j rihaan Réj cheꞌé soj a̱ maꞌ.

Colosenses 2:9

ꞌO̱ se ase vaa maꞌa̱n Yaꞌanj roꞌ, da̱nj vaa Cristó, tza̱j ne̱ vaa nee̱ man Cristó, ne̱ cheꞌé dan ruviꞌ Cristó rihaan níꞌ, ne̱ xcaj níꞌ cuentá da̱j vaa maꞌa̱n Yaꞌanj uún chugua̱nj.

Colosenses 1:19

Ase vaa maꞌa̱n Yaꞌanj roꞌ, da̱nj vaa Cristó, quiꞌyaj Yaꞌanj, ne̱ soꞌ me síí nica̱j cunuda̱nj snucua̱j Yaꞌanj ado̱nj.

San Juan 6:56

Ne̱ síí chá nee̱ manj ne̱ coꞌo ton manj me se ꞌo̱ ca̱yáán soꞌ ga̱ ꞌu̱nj, ne̱ ꞌo̱ ca̱yáán ꞌu̱nj ga̱ soꞌ chugua̱nj.

2 Corintios 5:17

Me maꞌa̱n yuvii̱ amán rá niꞌya̱j man Cristó roꞌ, nuu sa̱ꞌ nimán soꞌ ꞌyaj Yaꞌanj a. Ne̱ síí amán rá roꞌ, se̱ guun rá uún soꞌ quiꞌya̱j soꞌ nda̱a vaa quiꞌyaj soꞌ ga̱a rque̱ maꞌ. ꞌO̱ se síí acaj naca̱ cuentá me soꞌ ado̱nj.

San Juan 17:11

’Ne̱ nihánj me se nuvíꞌ ꞌu̱nj yáán rihaan chumii̱ nihánj a̱ maꞌ. Tza̱j ne̱ nij síí nihánj yáán rihaan chumii̱ nihánj ado̱nj. ꞌU̱nj me se quina̱nꞌ ꞌu̱nj rej ya̱nj so̱ꞌ na̱nj ado̱nj. Dan me se nij síí rqué so̱ꞌ manj me se qui̱ꞌyáá so̱ꞌ se ndoꞌo, ne̱ tu̱mé so̱ꞌ man nij soꞌ cheꞌé se‑chu̱vií so̱ꞌ, cheꞌé rej ꞌo̱ cuno̱ nij soꞌ rihaan so̱ꞌ, Ata̱j Chij Síí Sa̱ꞌ Ina̱nj. Ne̱ cuya̱a̱n ga̱a̱ rá nimán nij soꞌ nda̱a vaa cuya̱a̱n vaa rá nimán ro̱ꞌ á.

San Juan 16:23

’Ne̱ güii dan me se se̱ xnáꞌanj soj a̱ doj nana̱ manj a̱ maꞌ. Ya̱ ya̱ cata̱j xnaꞌanj ꞌu̱nj rihaan soj cuano̱ se vaa me maꞌa̱n rasu̱u̱n cachi̱nj niꞌya̱j soj rihaan Réj Yaꞌanj cheꞌé se‑chu̱vií ꞌu̱nj, ne̱ rque̱ soꞌ nu̱ꞌ yoꞌ man soj ado̱nj.

Efesios 2:10

ꞌO̱ se Yaꞌanj me síí quiꞌyaj man níꞌ, ne̱ quiꞌyaj Yaꞌanj man níꞌ cheꞌé rej canoco̱ꞌ níꞌ man Cristó Jesús ne̱ veꞌé quiꞌya̱j níꞌ suun sa̱ꞌ, rá Yaꞌanj, ne̱ cheꞌé maꞌa̱n Yaꞌanj me caꞌve̱e quiꞌya̱j níꞌ suun sa̱ꞌ yoꞌ na̱nj ado̱nj.

1 Corintios 1:30

Dan me se Yaꞌanj me síí ꞌyaj ꞌni̱j raꞌa Cristó Jesús man soj, ne̱ cheꞌé o̱rúnꞌ soꞌ avii raa̱ níꞌ do̱ꞌ, cunuu sa̱ꞌ nimán níꞌ rihaan Yaꞌanj do̱ꞌ, guun níꞌ síí sa̱ꞌ rihaan Yaꞌanj do̱ꞌ, nanii níꞌ rihaan sayuun do̱ꞌ, quiꞌyaj Yaꞌanj á.

San Juan 17:7

’Nihánj me se neꞌen nij soꞌ se vaa nij rasu̱u̱n nica̱j ꞌu̱nj me se ma̱ꞌán so̱ꞌ me síí rqué nu̱ꞌ rasu̱u̱n yoꞌ manj na̱nj ado̱nj.

2 Corintios 12:2

Dan me se neꞌenj man ꞌo̱ síí noco̱ꞌ man Cristó a. Ne̱ quisíj xcaꞌa̱nj yoꞌ nica̱j Yaꞌanj man soꞌ, cavii soꞌ caꞌanj soꞌ rej xta̱ꞌ doj nda̱a rej ya̱nj maꞌa̱n Yaꞌanj a. Dan me se ma̱ꞌanj me síí yoꞌ ado̱nj. Tza̱j ne̱ ne neꞌenj sese ina̱nj nimanj cavii caꞌanj niꞌ, ase nu̱ꞌ nee̱ manj cavii caꞌanj niꞌ, ne neꞌen uxraj maꞌ. O̱rúnꞌ Yaꞌanj me síí neꞌen da̱j vaa ꞌu̱nj ga̱a cavii ꞌu̱nj caꞌanj ꞌu̱nj a.

2 Corintios 5:19

Dan me se maꞌa̱n Yaꞌanj caꞌnéé man Cristó rihaan chumii̱ nihánj, ne̱ cheꞌé se vaa quiꞌyaj Cristó roꞌ, cheꞌé dan caꞌve̱e naꞌmi̱i̱ sa̱ꞌ yuvii̱ ga̱ Yaꞌanj, quiꞌya̱j Yaꞌanj, ne̱ tiri̱ꞌ Yaꞌanj cuentá cheꞌé cacunꞌ tumé nij yuvii̱ a. Ne̱ Cristó me síí rqué nana̱ nihánj man núj cata̱j xnaꞌanj núj nana̱ nihánj rihaan yuvii̱, quiꞌyaj uún Yaꞌanj na̱nj á.

Romanos 16:7

Ne̱ cata̱j soj rihaan síí cuꞌna̱j Andrónico do̱ꞌ, rihaan síí cuꞌna̱j Junias do̱ꞌ, se vaa veꞌé ca̱yáán ro̱j soꞌ, raj á. ꞌO̱ se veé da̱nj yuvii̱ israelitá me ro̱j soꞌ, ne̱ quiꞌnij ro̱j soꞌ tagaꞌ ga̱j a. Nij síí cuneꞌ Jesucristó caꞌa̱nj nata̱ꞌ snana̱ soꞌ roꞌ, neꞌen man ro̱j soꞌ, ne̱ ga̱a asi̱j ataa cuchuma̱n raj ni̱ꞌyaj ꞌu̱nj man Cristó, ne̱ a̱j cuchumán rá ro̱j soꞌ niꞌya̱j ro̱j soꞌ man Cristó a.

San Juan 14:11

’Cuchuma̱n rá soj se vaa cuya̱a̱n vaa rá ꞌu̱nj ga̱ Réj á. Caꞌve̱e se ne amán rá soj niꞌya̱j soj man ma̱ꞌanj, tza̱j ne̱ cuchuma̱n rá soj snana̱j cheꞌé suun sa̱ꞌ noco̱o ꞌyáá ꞌu̱nj á.