San Juan 13:1 - Triqui de San Juan Copala

¹ Dan me se ga̱a ataa ca̱nuû Chaꞌanj Pascuá, ne̱ queneꞌen Jesús se vaa nichrunꞌ quisi̱j orá ta̱náj soꞌ chumii̱ nihánj ne̱ quina̱nꞌ soꞌ rihaan Rej soꞌ Yaꞌanj a. Dan me se ꞌe̱e̱ rá soꞌ man nij síí cachéé ga̱ soꞌ rihaan chumii̱ nihánj, ne̱ ꞌo̱ ꞌe̱e̱ rá soꞌ man nij soꞌ nda̱a se caviꞌ soꞌ a.

San Juan 13:1 Referans Kwoze

San Juan 12:23

Ga̱a ne̱ cataj Jesús rihaan nij soꞌ a: ―ꞌU̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, cuano̱ nihánj me se quisíj güii quina̱nꞌ ꞌu̱nj rej xta̱ꞌ ne̱ niꞌndaj ya̱ sa̱ꞌ veꞌé gu̱un chij ꞌu̱nj, quiꞌya̱j Yaꞌanj ado̱nj.

1 Juan 4:19

Dan me se ꞌe̱e̱ rá níꞌ man tuviꞌ níꞌ cheꞌé se asino cunuu ꞌe̱e̱ rá maꞌa̱n Yaꞌanj man níꞌ a.

San Juan 13:34

Ne̱ nihánj me suun naca̱ aꞌnéꞌ ꞌu̱nj rihaan soj, se vaa ꞌo̱ ga̱a̱ ꞌe̱e̱ rá soj man tuviꞌ soj á. Dan me se da̱j se cunuu ꞌe̱e̱ raj niꞌya̱j man soj roꞌ, da̱nj ga̱a̱ quiꞌya̱j soj, ga̱a̱ ꞌe̱e̱ rá soj man tuviꞌ soj a.

San Juan 16:28

Dan me se cavii ꞌu̱nj rihaan Réj Yaꞌanj, ne̱ caꞌnáꞌ ꞌu̱nj rihaan chumii̱ nihánj a. Ga̱a ne̱ cavi̱i̱ uún ꞌu̱nj rihaan chumii̱ nihánj, ne̱ nucui̱ꞌ uún ꞌu̱nj rihaan Réj Yaꞌanj ado̱nj ―taj Jesús rihaan nij síí tucuꞌyón snana̱ soꞌ a.

San Juan 13:3

Ne̱ a̱j queneꞌen Jesús se vaa quisíj guun chij maꞌa̱n soꞌ rihaan cunuda̱nj rasu̱u̱n, quiꞌyaj Yaꞌanj, ne̱ a̱j queneꞌen soꞌ se vaa si̱j cavii rej ya̱nj Yaꞌanj me soꞌ ne̱ quina̱nꞌ uún soꞌ rihaan Yaꞌanj a.

San Juan 18:4

Dan me se queneꞌen Jesús nu̱ꞌ se vaa quira̱nꞌ soꞌ, tza̱j ne̱ curiha̱nj soꞌ, ne̱ cataj soꞌ rihaan nij soꞌ a: ―Me síí nanoꞌ soj ga̱ ―taj soꞌ, xnáꞌanj soꞌ man nij soꞌ a.

1 Corintios 1:8

Ne̱ soꞌ me síí ra̱cuíj ndoꞌo man soj, ne̱ gu̱un nucua̱j soj canoco̱ꞌ xraan soj man soꞌ nda̱a güii caꞌne̱ꞌ Jesucristó Si̱j ꞌNi̱j Raꞌa man níꞌ cacunꞌ cheꞌé yuvii̱, ne̱ se̱ tumé soj cacunꞌ, quiꞌya̱j soꞌ a̱ maꞌ.

San Juan 17:16

Né si̱j noco̱ꞌ se‑chre̱j chumii̱ nihánj me nij soꞌ, da̱j se vaa né si̱j noco̱ꞌ se‑chre̱j chumii̱ nihánj mej maꞌ.

San Juan 17:1

Quisíj caꞌmii Jesús nana̱ dan rihaan nij síí tucuꞌyón snana̱ soꞌ, ga̱a ne̱ naxca̱j rihaan soꞌ, niꞌya̱j soꞌ rej xta̱ꞌ, ne̱ cataj soꞌ a: ―A̱j quisíj orá yoꞌ, Ata̱j. Qui̱ꞌyáá so̱ꞌ se vaa veꞌé uxrá caꞌmi̱i̱ yuvii̱ cheꞌé ꞌu̱nj si̱j Taꞌníí so̱ꞌ, ne̱ veꞌé uxrá caꞌmi̱i̱ yuvii̱ cheꞌé so̱ꞌ, qui̱ꞌyáj,

Hebreos 3:14

ꞌO̱ se ya̱j me se guun níꞌ síí cavi̱i̱ sa̱ꞌ ga̱ Cristó, ne̱ cavi̱i̱ sa̱ꞌ ya̱ níꞌ ga̱ soꞌ sese ꞌo̱ cuchuma̱n rá níꞌ cuno̱ níꞌ nana̱ ya̱, nda̱a vaa quiꞌyaj níꞌ ga̱a guun cheꞌe̱ níꞌ canocoꞌ níꞌ man Cristó chugua̱nj.

San Juan 17:5

Ne̱ cuano̱ nihánj me se qui̱ꞌyáá so̱ꞌ se vaa niꞌndaj ya̱ sa̱ꞌ veꞌé nucui̱ꞌ ꞌu̱nj rihaan so̱ꞌ, Ata̱j Chij, nda̱a vaa niꞌndaj ya̱ sa̱ꞌ veꞌé nicúnꞌ ꞌu̱nj rihaan so̱ꞌ asi̱j ataa gu̱un chumii̱ nihánj a.

San Mateo 26:45

Ga̱a ne̱ canica̱j uún soꞌ caꞌnaꞌ soꞌ rihaan vaꞌnu̱j nij síí tucuꞌyón snana̱ soꞌ, ne̱ cataj soꞌ a: ―Caꞌve̱e coto̱j soj caꞌve̱e nara̱a̱n rá soj á. Ni̱ꞌyaj soj á. Da̱j doj quisi̱j orá ta̱cuachén ꞌo̱ soꞌ mán ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan síí tumé ndoꞌo cacunꞌ ado̱nj.

1 Pedro 1:13

Cheꞌé dan ꞌo̱ caꞌne̱j nimán soj quiꞌya̱j soj nda̱a vaa me rá Yaꞌanj na̱nj á. Ga̱a̱ chij rá soj ga̱ tuviꞌ soj, ne̱ ꞌo̱ ga̱a̱ nucua̱j rá soj man Yaꞌanj se vaa quiꞌya̱j ndoꞌo soꞌ se lu̱j cheꞌé soj asa̱ꞌ curuviꞌ uún Jesucristó á.

Hebreos 6:11

Tza̱j ne̱ me uxrá rá ꞌu̱nj se vaa ꞌo̱ cuya̱a̱n gu̱un ya̱ rá ꞌo̱ ꞌo̱ nij tinu̱j soj se vaa cavi̱i̱ sa̱ꞌ ya̱ uxrá soj quiꞌya̱j Cristó, ne̱ gu̱un niha̱ꞌ rá soj canoco̱ꞌ xraan soj man soꞌ nda̱a se quisi̱j güii caꞌna̱ꞌ uún soꞌ á.

Hebreos 3:6

Tza̱j ne̱ Cristó me se né mo̱zó me soꞌ maꞌ. Tana̱nj taꞌníí síí tucua̱ ya̱ veꞌ me soꞌ ado̱nj. Ne̱ veé da̱nj ꞌyaj soꞌ nu̱ꞌ suun vaa rihaan soꞌ rá veꞌ, ne̱ dan me se maꞌa̱n ya̱ níꞌ me veꞌ yoꞌ, sese ꞌo̱ gu̱un ya̱ rá níꞌ se vaa cavi̱i̱ sa̱ꞌ níꞌ, quiꞌya̱j Yaꞌanj, ne̱ sese gu̱un niha̱ꞌ rá níꞌ cata̱j xnaꞌanj níꞌ cheꞌé yoꞌ rihaan tuviꞌ níꞌ, ne̱ sese se̱ cuchuꞌviꞌ níꞌ canoco̱ꞌ níꞌ man Yaꞌanj ado̱nj.

Romanos 8:37

Tza̱j ne̱ caꞌve̱e se da̱j a̱ sayuun ranꞌ níꞌ, tza̱j ne̱ Cristó me síí ꞌe̱e̱ rá man níꞌ, ne̱ cheꞌé dan quiꞌya̱j canaán uxrá níꞌ rihaan sayuun ado̱nj.

San Juan 17:26

Ne̱ cataj xnaꞌanj ꞌu̱nj rihaan nij soꞌ da̱j si̱j mé so̱ꞌ, ne̱ cata̱j ꞌu̱nj doj rihaan nij soꞌ, cheꞌé rej ga̱a̱ chrej ga̱a̱ ꞌe̱e̱ rá man tuviꞌ nimán nij soꞌ nda̱a vaa ꞌe̱e̱ rá so̱ꞌ manj, ne̱ ca̱yáán ꞌu̱nj ga̱ nij soꞌ a ―taj Jesús, cachíín niꞌya̱j soꞌ rihaan Yaꞌanj a.

San Juan 14:28

A̱j cuno soj nana̱ caꞌmij, se vaa cavi̱i̱ ꞌu̱nj quina̱nꞌ ꞌu̱nj, tza̱j ne̱ caꞌna̱ꞌ uún ꞌu̱nj rihaan soj ado̱nj. Sese si̱j aráj cochro̱j rihanj me soj, ne̱ guun niha̱ꞌ rá soj cuno soj nana̱ se vaa cavi̱i̱ ꞌu̱nj quina̱nꞌ ꞌu̱nj yan ya̱nj Réj Yaꞌanj asuun tza̱j á. ꞌO̱ se síí noco̱o doj mej Réj rihanj na̱nj ado̱nj.

San Juan 11:55

Dan me se da̱j doj quisi̱j Chaꞌanj Pascuá chaꞌanj navij rá nij yuvii̱ israelitá a. Cheꞌé dan cavii nij yuvii̱ ya̱nj chumanꞌ leꞌe̱j, ne̱ caꞌanj nij soꞌ chumanꞌ Jerusalén, cheꞌé rej cunu̱u gue̱e̱ nij soꞌ rihaan Yaꞌanj a.

San Juan 7:30

Cheꞌé dan nanoꞌ nij soꞌ da̱j quiꞌya̱j nij soꞌ ne̱ ta̱ꞌaa nij soꞌ man Jesús, tza̱j ne̱ a̱ ꞌó nij soꞌ ne ta̱ꞌaa man soꞌ a̱ maꞌ. ꞌO̱ se ataa quisi̱j güii caꞌve̱e quiꞌya̱j nij soꞌ da̱nj man soꞌ a.

San Juan 7:6

Cheꞌé dan cataj Jesús rihaan nij soꞌ a: ―Ataa quisi̱j güii no̱ xcúún ꞌu̱nj qui̱ꞌyáá ꞌu̱nj se‑su̱u̱n ꞌu̱nj á. Se‑su̱u̱n maꞌa̱n soj roꞌ, a̱ me maꞌa̱n güii caꞌve̱e quiꞌya̱j soj se‑su̱u̱n soj ado̱nj.

San Juan 6:4

Dan me se da̱j doj güii achiin ca̱nuû Chaꞌanj Pascuá chaꞌanj navij rá nij yuvii̱ israelitá a.

San Lucas 22:53

ꞌO̱ se da̱j a̱ güii yáán ꞌu̱nj ga̱ nij soj rihaan rej ya̱nj nuvií noco̱o, tza̱j ne̱ ne ta̱ꞌaa soj mán ꞌu̱nj maꞌ. Tza̱j ne̱ cuano̱ nihánj me orá ꞌyaj canaán soj, orá uun chij rej rmi̱ꞌ a ―taj Jesús rihaan nij soꞌ a.

San Lucas 9:51

Dan me se ga̱a nichrunꞌ güii quina̱nꞌ Jesús xta̱ꞌ, ga̱a ne̱ ꞌo̱ caꞌnéé nucua̱j nimán soꞌ caꞌa̱nj soꞌ chumanꞌ Jerusalén a.

San Mateo 28:20

Ne̱ tu̱cuꞌyón soj rihaan nij yuvii̱ se vaa quiꞌya̱j nij yuvii̱ nu̱ꞌ suun caꞌnéꞌ ꞌu̱nj rihaan soj á. Veé dan yu̱u̱n cheꞌe̱ cache̱e̱ ꞌu̱nj ga̱ soj da̱j a̱ güii, nda̱a se navi̱j nu̱ꞌ chumii̱ nihánj na̱nj ado̱nj ―taj Jesús rihaan nij soꞌ a.

San Juan 8:20

Nu̱ꞌ nihánj me nana̱ tucuꞌyón Jesús ga̱a canicunꞌ soꞌ rej ya̱nj nuvií noco̱o rej rqué nij yuvii̱ saꞌanj rihaan Yaꞌanj a. Ne̱ taj va̱j yuvii̱ taꞌaa man soꞌ a̱ maꞌ. ꞌO̱ se ataa quisi̱j güii caꞌve̱e quiꞌya̱j nii sayuun man Jesús na̱nj ado̱nj.

San Juan 2:13

Dan me se ataa doj quisi̱j Chaꞌanj Pascuá chaꞌanj navij rá nij yuvii̱ israelitá, ga̱a ne̱ cavii Jesús caꞌanj soꞌ chumanꞌ Jerusalén a.

San Juan 13:29

Dan me se cheꞌé se si̱j tumé saꞌanj me Judas, cheꞌé dan guun rá taꞌa̱j nij soꞌ se vaa caꞌneꞌ Jesús suun rihaan soꞌ quira̱a̱n soꞌ se vaa cachi̱in rihaan nij soꞌ cheꞌé chaꞌanj do̱ꞌ, ase rque̱ soꞌ do̱j saꞌanj rihaan nij síí nique̱ do̱ꞌ a.

San Juan 14:31

Tza̱j ne̱ me rá ꞌu̱nj queneꞌe̱n nij síí noco̱ꞌ se‑chre̱j chumii̱ nihánj se vaa aráj co̱chróó ꞌu̱nj rihaan Réj Yaꞌanj, ne̱ cheꞌé dan qui̱ꞌyáj nda̱a vaa caꞌneꞌ soꞌ suun rihanj ado̱nj. Canicu̱nꞌ caya̱ soj, ne̱ cavi̱i̱ níꞌ caꞌa̱nj níꞌ á ―taj Jesús rihaan nij síí tucuꞌyón snana̱ soꞌ a.

San Juan 19:28

Síj ga̱a ne̱ neꞌen Jesús se vaa a̱j quisíj nu̱ꞌ suun quiꞌyaj soꞌ, tza̱j ne̱ cheꞌé yan quisi̱j nana̱ no̱ rihaan Danj Yaꞌanj roꞌ, cataj soꞌ a: ―Nacoó ꞌu̱nj na na̱nj á ―taj soꞌ a.