San Juan 12:30 - Triqui de San Juan Copala

³⁰ Ga̱a ne̱ cataj Jesús rihaan nij yuvii̱ a: ―Né cheꞌe̱ ꞌu̱nj me caꞌmii Yaꞌanj nana̱ yoꞌ maꞌ. ꞌO̱ se caꞌmii Yaꞌanj nana̱ yoꞌ cheꞌé rej xca̱j soj cuentá ado̱nj.

San Juan 12:30 Referans Kwoze

San Juan 11:42

A̱j neꞌenj se vaa niga̱nj unó so̱ꞌ snana̱j, tza̱j ne̱ aꞌmij nana̱ nihánj cheꞌé rej cuno̱ nij yuvii̱ nicu̱nꞌ nihánj ga̱j a. ꞌO̱ se me raj cuchuma̱n rá nij yuvii̱ se vaa so̱ꞌ me síí caꞌnéé manj rihaan chumii̱ nihánj na̱nj ado̱nj ―taj Jesús, cachíín niꞌya̱j soꞌ rihaan Yaꞌanj a.

2 Corintios 8:9

ꞌO̱ se a̱j neꞌen soj se vaa quiꞌyaj ndoꞌo Jesucristó Si̱j ꞌNi̱j Raꞌa man níꞌ se lu̱j ga̱ níꞌ á. Dan me se ruꞌve̱e̱ ndoꞌo soꞌ ga̱a cayáán soꞌ rej xta̱ꞌ, tza̱j ne̱ naquiꞌyaj nique̱ soꞌ man soꞌ ne̱ caꞌnaꞌ soꞌ rihaan chumii̱ nihánj cheꞌé níꞌ, ga̱a ne̱ cheꞌé se da̱nj quiꞌyaj soꞌ roꞌ, cheꞌé dan cavi̱i̱ sa̱ꞌ níꞌ doj na̱nj ado̱nj.

San Juan 11:15

Ne̱ guun niha̱ꞌ rá ꞌu̱nj se vaa nuvíꞌ ꞌu̱nj yáán ga̱ soꞌ ga̱a caviꞌ soꞌ a. ꞌO̱ se cheꞌé se caviꞌ soꞌ roꞌ, cheꞌé dan cuchuma̱n doj rá soj ni̱ꞌyaj soj manj ado̱nj. Tza̱j ne̱ cavi̱i̱ níꞌ caꞌa̱nj níꞌ rej na̱j soꞌ á ―taj Jesús rihaan nij soꞌ a.

San Juan 5:34

(Dan me se caꞌve̱e se caꞌmi̱i̱ veꞌé yuvii̱ cheꞌej caꞌve̱e se se̱ caꞌmii veꞌé yuvii̱ cheꞌej, taj se ꞌyaj maꞌ. Ma̱an se na̱nj taj ꞌu̱nj rihaan soj cheꞌé se me raj nani̱i̱ soj rihaan sayuun na̱nj ado̱nj.)

San Juan 12:31

Cheꞌé se vaa qui̱ranj cuano̱ caꞌne̱ꞌ Yaꞌanj cacunꞌ cheꞌé nij yuvii̱ ma̱n rihaan chumii̱ nihánj, ne̱ quiri̱i̱ yaníj Yaꞌanj man Síí Chre̱e síí uun chij rihaan chumii̱ nihánj chugua̱nj.