San Juan 12:28 - Triqui de San Juan Copala

²⁸ Ga̱a ne̱ cachíín niꞌya̱j Jesús rihaan Yaꞌanj, cataj soꞌ a: ―Qui̱ꞌyáá so̱ꞌ se vaa sa̱ꞌ uxrá caꞌmi̱i̱ yuvii̱ cheꞌé so̱ꞌ, Ata̱j ―taj Jesús, cachíín niꞌya̱j soꞌ a. Ga̱a ne̱ cavii ꞌo̱ nana̱ rej xta̱ꞌ caꞌmii Yaꞌanj cuno nij soꞌ a: ―A̱j sa̱ꞌ uxrá caꞌmii yuvii̱ cheꞌé ꞌu̱nj, ne̱ sa̱ꞌ uxrá doj caꞌmi̱i̱ uún yuvii̱ cheꞌé ꞌu̱nj, qui̱ꞌyáj ado̱nj ―taj nana̱ cavii rej xta̱ꞌ caꞌmii Yaꞌanj cuno nij soꞌ a.

San Juan 12:28 Referans Kwoze

San Mateo 26:42

Ga̱a ne̱ caꞌanj uún soꞌ, ne̱ cachíín niꞌya̱j uún soꞌ rihaan Yaꞌanj, cataj soꞌ a: ―Sese se̱ caꞌvee nani̱i̱ ꞌu̱nj rihaan sayuun ase vaa, ne̱ qui̱ꞌyáá so̱ꞌ nda̱a vaa me rá so̱ꞌ, Ata̱j ―taj Jesús, cachíín niꞌya̱j soꞌ a.

San Mateo 17:5

Ataa quisi̱j caꞌmii Pedró, ne̱ caꞌnaꞌ ꞌo̱ ngaa chuguu̱n ndoꞌo, ne̱ caráán ngaa chuguu̱n yoꞌ man ta̱ranꞌ nij soꞌ a. Dan me se Yaꞌanj roꞌ, caꞌmii nana̱ cuno nij soꞌ rque ngaa yoꞌ, ne̱ cataj Yaꞌanj a: ―Síí nihánj me Taꞌníj ado̱nj. ꞌE̱e̱ raj niꞌya̱j man soꞌ, ne̱ aranꞌ rá nimanj niꞌya̱j ꞌu̱nj man soꞌ ado̱nj. Cuno̱ soj rihaan soꞌ á ―taj Yaꞌanj cuno nij soꞌ a.

San Mateo 3:17

Ga̱a ne̱ rej xta̱ꞌ caꞌmii Yaꞌanj, ne̱ cuno nij síí nicu̱nꞌ ga̱ Jesús nana̱ caꞌmii Yaꞌanj, ne̱ dan me se cataj Yaꞌanj a: ―Taꞌníí ꞌu̱nj síí ꞌe̱e̱ ndoꞌo raj man me síí nihánj, ne̱ aranꞌ ndoꞌo raj niꞌya̱j ꞌu̱nj man soꞌ ado̱nj ―taj nana̱ cavii rej xta̱ꞌ caꞌmii Yaꞌanj a.

2 Pedro 1:17

Niꞌndaj ya̱ sa̱ꞌ veꞌé cavii soꞌ ne̱ veꞌé uxrá caꞌmii cochro̱j Yaꞌanj cheꞌé soꞌ, ga̱a caꞌmii Yaꞌanj nana̱ nihánj rihaan soꞌ rque ngaa chuguu̱n a: “Taꞌníí ꞌu̱nj síí ꞌe̱e̱ ndoꞌo raj man me soꞌ, ne̱ aranꞌ rá nimanj niꞌya̱j ꞌu̱nj man soꞌ ado̱nj”, taj Yaꞌanj ado̱nj.

Efesios 3:21

Cheꞌé dan cata̱j xꞌneꞌ níꞌ si̱j noco̱ꞌ man Cristó se vaa niꞌndaj ya̱ sa̱ꞌ veꞌé vaa Yaꞌanj, ne̱ ꞌo̱ da̱nj caꞌmi̱i̱ níꞌ ga̱ taꞌníí níꞌ nu̱ꞌ cavii nu̱ꞌ caꞌanj cheꞌé Cristó Jesús a. Veé da̱nj ga̱a̱ ya̱ ado̱nj.

Efesios 3:10

Tza̱j ne̱ da̱j a̱ nij síí uun chij rej xta̱ꞌ do̱ꞌ, da̱j a̱ nij síí nica̱j suun rej xta̱ꞌ do̱ꞌ roꞌ, me rá Yaꞌanj xca̱j nij soꞌ cuentá cuano̱ se vaa ina̱nj nana̱ cu̱u sa̱ꞌ ndoꞌo avii raa̱ Yaꞌanj, ne̱ queneꞌe̱n nij soꞌ man xꞌneꞌ ta̱ranꞌ níꞌ si̱j noco̱ꞌ man Cristó, ne̱ xca̱j nij soꞌ cuentá se vaa avii ndoꞌo raa̱ Yaꞌanj ado̱nj.

Efesios 2:7

Nda̱a síj, ga̱a ne̱ nu̱ꞌ cavii nu̱ꞌ caꞌanj ti̱haa̱n Yaꞌanj man nij yuvii̱ se vaa quiꞌyaj ndoꞌo Yaꞌanj se lu̱j cheꞌé níꞌ, ne̱ dan me se queneꞌe̱n nij yuvii̱ se vaa cunuu ꞌe̱e̱ ndoꞌo rá Yaꞌanj man níꞌ cheꞌé se síí noco̱ꞌ man Cristó Jesús me níꞌ na̱nj ado̱nj.

San Juan 18:11

Dan me se cataj Jesús rihaan Pedró a: ―Naꞌne̱j sa̱ꞌ so̱ꞌ taneê so̱ꞌ rque nuj á. Dan me se ase vaa ꞌo̱ tazá nu̱u̱ na vinó rqué Réj Yaꞌanj manj coꞌo̱j roꞌ, da̱nj vaa sayuun nihánj rihanj a. Me cheꞌé naꞌvej rá so̱ꞌ coꞌo̱j man yoꞌ ga̱ ―taj Jesús, xnáꞌanj soꞌ man Pedró a.

San Juan 11:4

Dan me se cuchiꞌ nana̱ yoꞌ rihaan Jesús, ga̱a ne̱ cataj soꞌ a: ―Né cheꞌe̱ rej ꞌo̱ cavi̱ꞌ Lázaro me quiranꞌ soꞌ a̱ maꞌ. ꞌO̱ se quiranꞌ soꞌ cheꞌé rej veꞌé doj xca̱j yuvii̱ cuentá cheꞌé Yaꞌanj ado̱nj. Dan me se veꞌé doj xca̱j yuvii̱ cuentá cheꞌé ma̱ꞌanj Taꞌni̱j Yaꞌanj, cheꞌé se vaa quiranꞌ Lázaro na̱nj ado̱nj ―taj Jesús a.

San Juan 9:3

Ga̱a ne̱ cataj Jesús a: ―Né maꞌa̱n soꞌ do̱ꞌ, né re̱j soꞌ ga̱ nii soꞌ do̱ꞌ, me síí tumé cacunꞌ maꞌ. Ma̱an se Yaꞌanj me rá queneꞌe̱n níꞌ da̱j quiꞌya̱j Yaꞌanj cheꞌé soꞌ ado̱nj.

San Lucas 9:35

Ga̱a ne̱ Yaꞌanj roꞌ, caꞌmii nana̱ cuno nij soꞌ rque ngaa yoꞌ a. ―Síí nihánj me Taꞌníj síí narij man na̱nj ado̱nj. Cuno̱ soj rihaan soꞌ á ―taj Yaꞌanj cuno nij soꞌ a.

San Lucas 3:22

Ga̱a ne̱ nanij Nimán Yaꞌanj xráá Jesús, ne̱ ase vaa ruviꞌ ꞌo̱ chaꞌaa̱n roꞌ, da̱nj vaa curuviꞌ Nimán Yaꞌanj a. Ga̱a ne̱ caꞌmii Yaꞌanj si̱j nicu̱nꞌ xta̱ꞌ, cataj Yaꞌanj a: ―Taꞌníí ꞌu̱nj síí ꞌe̱e̱ ndoꞌo raj man mé so̱ꞌ, ne̱ aranꞌ ndoꞌo raj niꞌya̱j ꞌu̱nj mán so̱ꞌ ado̱nj ―taj Yaꞌanj a.

San Marcos 14:36

Dan me se cataj soꞌ a: ―Caꞌve̱e qui̱ꞌyáá so̱ꞌ cunuda̱nj, Ata̱j. Ca̱ráán raꞌá so̱ꞌ xráj, se̱ gaa na̱nj quira̱nꞌ uxrá ꞌu̱nj sayuun, tza̱j ne̱ sese ma̱ꞌán so̱ꞌ me rá qui̱ránꞌ ꞌu̱nj sayuun, ne̱ qui̱ꞌyáá so̱ꞌ nda̱a vaa me rá ma̱ꞌán so̱ꞌ, ne̱ se̱ quiꞌyáá so̱ꞌ nda̱a vaa me rá ma̱ꞌanj maꞌ ―taj Jesús, cachíín niꞌya̱j soꞌ rihaan Yaꞌanj a.

San Marcos 9:7

Ga̱a ne̱ caꞌnaꞌ ꞌo̱ ngaa, ne̱ caráán ngaa man ta̱ranꞌ nij soꞌ a. Ga̱a ne̱ Yaꞌanj roꞌ, caꞌmii nana̱ cuno nij soꞌ rque ngaa yoꞌ, ne̱ cataj Yaꞌanj a: ―Síí nihánj me taꞌníj ado̱nj. ꞌE̱e̱ raj niꞌya̱j man soꞌ ado̱nj. Cuno̱ soj rihaan soꞌ na̱nj á ―taj Yaꞌanj cuno nij soꞌ a.

San Marcos 1:11

Ga̱a ne̱ rej xta̱ꞌ caꞌmii Yaꞌanj ga̱ Jesús ne̱ cataj soꞌ a: ―Taꞌníí ꞌu̱nj síí ꞌe̱e̱ ndoꞌo raj man mé so̱ꞌ, ne̱ aranꞌ ndoꞌo raj niꞌya̱j ꞌu̱nj mán so̱ꞌ ado̱nj ―taj nana̱ cavii rej xta̱ꞌ a.

San Mateo 11:25

Dan me se güii yoꞌ cachíín niꞌya̱j Jesús rihaan Yaꞌanj, cataj soꞌ a: ―Síí ꞌNi̱j Raꞌa xta̱ꞌ do̱ꞌ, Síí ꞌNi̱j Raꞌa chumii̱ do̱ꞌ, mé so̱ꞌ, Ata̱j. Ne̱ sa̱ꞌ uxrá quiꞌyáá so̱ꞌ caráán so̱ꞌ rihaan nij síí avii raa̱ do̱ꞌ, rihaan nij síí acaj cuentá do̱ꞌ, se vaa se̱ cuno nij soꞌ snana̱j maꞌ. Ma̱an nij síí vaa nica̱ꞌ nimán roꞌ, veꞌé cuno nij soꞌ, quiꞌyáá so̱ꞌ ado̱nj.

San Mateo 11:26

Da̱nj ina̱nj quiꞌyáá so̱ꞌ, cheꞌé yan da̱nj me rá so̱ꞌ qui̱ꞌyáá so̱ꞌ, Ata̱j ―taj Jesús rihaan Rej soꞌ Yaꞌanj a.