San Juan 11:51 - Triqui de San Juan Copala

⁵¹ Dan me se né ina̱nj nana̱ cavii raa̱ maꞌa̱n síí cuꞌna̱j Caifás me nana̱ nihánj maꞌ. ꞌO̱ se xrej ata̱ suun noco̱o doj me soꞌ ma̱an yoꞌ dan, ne̱ cheꞌé dan maꞌa̱n Yaꞌanj me síí rqué nana̱ caꞌmii soꞌ, ne̱ cheꞌé dan me ya̱ vaa snana̱ soꞌ ga̱a cataj soꞌ se vaa cavi̱ꞌ Jesús cheꞌé ta̱ranꞌ nij yuvii̱ israelitá yoꞌ a.

San Juan 11:51 Referans Kwoze

2 Corintios 5:21

A̱ ꞌó cacunꞌ ne tumé Cristó maꞌ. Tza̱j ne̱ naraa Yaꞌanj nu̱ꞌ cacunꞌ tumé níꞌ xráá maꞌa̱n Cristó, ne̱ quiranꞌ Cristó sayuun cheꞌé cacunꞌ yoꞌ, ne̱ cheꞌé dan caꞌve̱e cunu̱u sa̱ꞌ ya̱ níꞌ rihaan Yaꞌanj cheꞌé se si̱j noco̱ꞌ man Cristó me níꞌ ado̱nj.

Gálatas 3:13

Ga̱a naá cataj Yaꞌanj se vaa cano̱ uxrá sayuun xráá nij síí ne uno nu̱ꞌ stucua̱nj Moisés, tza̱j ne̱ tinanii Cristó man níꞌ rihaan sayuun yoꞌ cheꞌé se cata̱ soꞌ cacunꞌ tumé níꞌ do̱ꞌ, sayuun no̱ xráá níꞌ do̱ꞌ, ga̱a caviꞌ soꞌ rihaan rcutze̱ a. No̱ nana̱ nihánj rihaan Danj Yaꞌanj a: “Daj a̱ yuvii̱ noco̱ꞌ va̱j rihaan ꞌo̱ chruun me síí quiriꞌ nimán rihaan Yaꞌanj a.”

1 Corintios 13:2

Caꞌve̱e se veꞌé ndoꞌo natáꞌ ꞌu̱nj nana̱ rqué Yaꞌanj manj do̱ꞌ, caꞌve̱e se neꞌenj nu̱ꞌ nana̱ sa̱ꞌ yuve̱ tihaa̱n Yaꞌanj rihaan yuvii̱ do̱ꞌ, caꞌve̱e se sa̱ꞌ uxrá avii raj do̱ꞌ, caꞌve̱e se amán uxrá raj niꞌya̱j ꞌu̱nj man Yaꞌanj do̱ꞌ, caꞌve̱e se gu̱un nu̱cuáj natuna̱ ꞌu̱nj rej nicu̱nꞌ ꞌo̱ quij xca̱a̱n cheꞌé se amán uxrá raj niꞌya̱j ꞌu̱nj man Yaꞌanj do̱ꞌ, tza̱j ne̱ sese ne ꞌe̱e̱ raj tuvij, ne̱ taj se gúnꞌ mán ꞌu̱nj ga̱a a̱ maꞌ.

San Juan 10:15

Dan me se neꞌen Réj Yaꞌanj manj, ne̱ neꞌenj man Réj, ne̱ ase vaa ꞌu̱nj ga̱ Réj roꞌ, da̱nj vaa daán ꞌu̱nj matzinj ga̱ ꞌu̱nj chugua̱nj. Ne̱ aꞌnéé nimanj cavi̱j cheꞌé nij xoꞌ ado̱nj.

San Mateo 20:28

Dan me se nda̱ꞌ se Si̱j Caꞌnéé Yaꞌanj Ni̱caj Yuꞌunj man Yuvii̱ mej, tza̱j ne̱ ne caꞌna̱ꞌ ꞌu̱nj ne̱ gu̱un nij yuvii̱ mozó rihanj maꞌ. ꞌO̱ se caꞌnáꞌ ꞌu̱nj ra̱cuíj man nij yuvii̱ na̱nj ado̱nj. Ne̱ caꞌnáꞌ ꞌu̱nj nayo̱n ma̱ꞌanj rihaan yuvii̱ ne̱ cavi̱ꞌ ꞌu̱nj cheꞌé cacunꞌ ata̱ nij soꞌ, ga̱a ne̱ nani̱i̱ nij soꞌ rihaan sayuun, qui̱ꞌyáj na̱nj ado̱nj ―taj Jesús a.

1 Pedro 3:18

Tza̱j ne̱ Cristó me se nda̱ꞌ se taj cacunꞌ tumé soꞌ, tza̱j ne̱ ga̱a cachéé soꞌ rihaan chumii̱ nihánj, ne̱ quiranꞌ ndoꞌo soꞌ sayuun cheꞌé cacunꞌ tumé níꞌ si̱j tumé cacunꞌ, cheꞌé rej caꞌve̱e cuchi̱ꞌ níꞌ rihaan Yaꞌanj chugua̱nj. Dan me se caviꞌ nee̱ man Cristó, tza̱j ne̱ cunuu iꞌna̱ꞌ nimán soꞌ ado̱nj.

1 Pedro 2:24

Cacunꞌ tumé níꞌ roꞌ, nataꞌ xráá Cristó ga̱a caviꞌ soꞌ rihaan rcutze̱, cheꞌé rej caꞌne̱ꞌ rá níꞌ ga̱ suun ꞌyaj cacunꞌ ne̱ ina̱nj tucuáán sa̱ꞌ canoco̱ꞌ níꞌ a. Ne̱ cheꞌé se goꞌ nii cuartá xráá soꞌ roꞌ, cheꞌé dan nahuun sa̱ꞌ nimán soj a.

San Juan 11:49

Ga̱a ne̱ caꞌmii ꞌó nij soꞌ, síí cuꞌna̱j Caifás, ne̱ soꞌ me xrej ata̱ suun noco̱o doj yoꞌ yoꞌ a. Dan me se cataj soꞌ rihaan nij soꞌ a: ―Ne neꞌen uxrá nij soj a̱ maꞌ.

San Juan 18:13

Ne̱ asino ya̱a̱n caꞌanj nica̱j nij soꞌ man soꞌ rihaan síí cuꞌna̱j Anás a. Dan me se síí cuꞌna̱j Anás yoꞌ me se rej che̱j síí cuꞌna̱j Caifás me soꞌ, ne̱ Caifás me síí guun xrej ata̱ suun noco̱o doj yoꞌ yoꞌ a.

1 Juan 2:2

Ne̱ soꞌ me síí caviꞌ cheꞌé rej caꞌve̱e navi̱j cacunꞌ tumé níꞌ ado̱nj. Tza̱j ne̱ né cheꞌe̱ ma̱an do̱j se‑cacu̱nꞌ níꞌ me caviꞌ soꞌ maꞌ. Caviꞌ soꞌ cheꞌé cacunꞌ tumé cunuda̱nj nij yuvii̱ ma̱n rihaan chumii̱ ado̱nj.