San Juan 10:27 - Triqui de San Juan Copala

²⁷ Xa̱ꞌ daán ꞌu̱nj matzinj, tza̱j ne̱ uno nij xoꞌ snana̱j, ne̱ neꞌenj man nij xoꞌ, ne̱ nocoꞌ nij xoꞌ manj a.

San Juan 10:27 Referans Kwoze

San Juan 10:16

Ne̱ vaa doj daán ꞌu̱nj matzinj uún, tza̱j ne̱ nuviꞌ nij xoꞌ rej nu̱u̱ nij matzinj nihánj maꞌ. Ne̱ vaa cheꞌé caꞌna̱ꞌ ꞌó matzinj yoꞌ uún, qui̱ꞌyáj, ne̱ cuno̱ nij xoꞌ snana̱ ꞌu̱nj a. Ga̱a ne̱ cunu̱u chre̱ꞌ nij xoꞌ ga̱ matzinj nihánj, ga̱a ne̱ tu̱mé ꞌu̱nj man cunuda̱nj nij xoꞌ ado̱nj.

San Juan 10:14

’Ne̱ xa̱ꞌ ꞌu̱nj, tza̱j ne̱ si̱j tumé sa̱ꞌ man nij matzinj mej, ne̱ neꞌenj man nij matzinj noco̱ꞌ manj, ne̱ neꞌen nij xoꞌ manj na̱nj á.

Apocalipsis 3:20

Nihánj me se ase vaa ꞌo̱ síí nicu̱nꞌ taꞌyaa ne̱ ticaꞌmii taꞌyaa roꞌ, vaa ꞌu̱nj a. Ne̱ sese vaa ꞌo̱ soꞌ cuno̱ snana̱j, ne̱ sese caꞌnu̱u̱ soꞌ taꞌyaa, ne̱ catu̱u̱ ꞌu̱nj rihaan soꞌ, ne̱ cha̱j ga̱ soꞌ, ne̱ soꞌ cha̱ ga̱ ꞌu̱nj a.

1 Corintios 8:3

Tza̱j ne̱ sese ya̱ aráj cochro̱j ꞌo̱ soꞌ rihaan Yaꞌanj, ne̱ ya̱ neꞌen Yaꞌanj man soꞌ uún ado̱nj.

Hebreos 3:7

Cheꞌé dan cuno̱ níꞌ nana̱ nihánj nana̱ caꞌmii Nimán Yaꞌanj á: Cuanꞌ roꞌ, sese ya̱ cuno soj nana̱ caꞌmii Yaꞌanj,

San Juan 5:25

Ya̱ ya̱ cata̱j xnaꞌanj ꞌu̱nj rihaan soj cuano̱ se vaa vaa güii, ne̱ nij síí caviꞌ roꞌ, caꞌmi̱j si̱j Taꞌni̱j Yaꞌanj rihaan nij soꞌ, ne̱ nu̱ꞌ nij síí cuno̱ nana̱ caꞌmi̱j roꞌ, cunu̱u iꞌna̱ꞌ nij soꞌ a. Ne̱ cuano̱ nihánj me güii aꞌmij rihaan nij soꞌ, sese me rá nij soꞌ cuno̱ nij soꞌ ado̱nj.

San Juan 8:12

Ga̱a ne̱ cataj uún Jesús rihaan nij xrej ata̱ suun noco̱o do̱ꞌ, rihaan nij síí fariseo do̱ꞌ a: ―Ase vaa yaꞌan chuguu̱n vaa ꞌu̱nj rihaan soj si̱j ma̱n rihaan chumii̱ nihánj ado̱nj. Dan me se síí noco̱ꞌ manj roꞌ, se̱ cachéé soꞌ rej rmi̱ꞌ maꞌ. ꞌU̱nj roꞌ, me yaꞌan chuguu̱n cache̱e̱ ga̱ soꞌ, ne̱ xca̱j soꞌ cuentá me rej vaj soꞌ, qui̱ꞌyáj, ne̱ cheꞌé dan ga̱a̱ iꞌna̱ꞌ ya̱ nimán soꞌ nu̱ꞌ cavii nu̱ꞌ caꞌanj ado̱nj ―taj Jesús rihaan nij soꞌ a.

Gálatas 4:9

Tza̱j ne̱ cuano̱ nihánj me se neꞌen nij soj man maꞌa̱n ya̱ Yaꞌanj ado̱nj. Tza̱j ne̱ sa̱ꞌ doj cata̱j ꞌu̱nj se vaa neꞌen Yaꞌanj man nij soj chugua̱nj. Sese a̱j neꞌen soj man maꞌa̱n ya̱ Yaꞌanj, ga̱a ne̱ me cheꞌé ca̱nica̱j uún soj canoco̱ꞌ soj man nij yaꞌanj uun chij rihaan rasu̱u̱n ma̱n rihaan chumii̱ nihánj ga̱. Neꞌen soj se vaa se̱ guun nucua̱j nij soꞌ ra̱cuíj nij soꞌ man soj maꞌ. Taj yuꞌvee a̱ ꞌó xcoꞌ nó maꞌa̱n nij soꞌ a̱ maꞌ. Me cheꞌé me rá uún soj gu̱un soj mozó rihaan nij soꞌ ga̱.

San Juan 10:8

Dan me se xa̱ꞌ ta̱ranꞌ nij síí caꞌnaꞌ ga̱a rque̱ doj, tza̱j ne̱ ase vaa síí itu̱u̱ vaa nij soꞌ a. Tza̱j ne̱ ne cuno̱ nij matzinj rihaan nij soꞌ a̱ maꞌ.

San Juan 12:26

Cheꞌé dan me sese vaa ꞌo̱ soꞌ nu̱u̱ rihanj, ne̱ canoco̱ꞌ soꞌ manj á. Ne̱ me rej maꞌa̱n canicu̱nꞌ ma̱ꞌanj roꞌ, ma̱an dan canicu̱nꞌ síí nu̱u̱ rihaan ꞌu̱nj uún na̱nj ado̱nj. Ga̱a ne̱ cara̱a̱ cochro̱j Réj rihaan síí nu̱u̱ rihanj ado̱nj.

San Juan 8:43

’Cheꞌé se naꞌvej rá soj cuno̱ soj snana̱j roꞌ, cheꞌé dan sayu̱u̱n uxrá vaa nana̱ aꞌmij rihaan soj ado̱nj.

San Lucas 9:23

Ga̱a ne̱ cataj soꞌ rihaan cunuda̱nj nij yuvii̱ a: ―Sese me rá ꞌo̱ soꞌ canoco̱ꞌ soꞌ manj, ne̱ se̱ guun rá soꞌ quiꞌya̱j soꞌ se vaa me rá maꞌa̱n soꞌ quiꞌya̱j soꞌ maꞌ. Ne̱ caꞌve̱e se quira̱nꞌ uxrá soꞌ sayuun do̱ꞌ, caꞌve̱e se nda̱a cachro̱n nii man soꞌ rihaan rcutze̱ do̱ꞌ, tza̱j ne̱ da̱j a̱ güii me se ꞌo̱ canoco̱ꞌ xraan soꞌ manj ado̱nj.

San Mateo 17:5

Ataa quisi̱j caꞌmii Pedró, ne̱ caꞌnaꞌ ꞌo̱ ngaa chuguu̱n ndoꞌo, ne̱ caráán ngaa chuguu̱n yoꞌ man ta̱ranꞌ nij soꞌ a. Dan me se Yaꞌanj roꞌ, caꞌmii nana̱ cuno nij soꞌ rque ngaa yoꞌ, ne̱ cataj Yaꞌanj a: ―Síí nihánj me Taꞌníj ado̱nj. ꞌE̱e̱ raj niꞌya̱j man soꞌ, ne̱ aranꞌ rá nimanj niꞌya̱j ꞌu̱nj man soꞌ ado̱nj. Cuno̱ soj rihaan soꞌ á ―taj Yaꞌanj cuno nij soꞌ a.

2 Timoteo 2:19

Tza̱j ne̱ a̱j cuchruj sca̱ꞌ Yaꞌanj tucuáán noco̱ꞌ níꞌ, ne̱ a̱j na̱j se‑se̱lló soꞌ, quiꞌyaj soꞌ a. Ne̱ nihánj me nana̱ no̱ rihaan se‑se̱lló soꞌ a: “Neꞌen Síí ꞌNi̱j Raꞌa man níꞌ man nij síí noco̱ꞌ man soꞌ a.” Ne̱ ꞌó nana̱ no̱ rihaan se‑se̱lló soꞌ taj a: “Nu̱ꞌ nij síí nataꞌ se vaa si̱j noco̱ꞌ man Síí ꞌNi̱j Raꞌa man níꞌ me nij soꞌ roꞌ, no̱ xcúún nij soꞌ ta̱náj nij soꞌ nu̱ꞌ chrej chiꞌi̱i̱ á.” Dan me ro̱j nana̱ noco̱ꞌ níꞌ ado̱nj.

San Juan 21:22

Ga̱a ne̱ cataj Jesús rihaan soꞌ a: ―Ne̱ sese me rá ꞌu̱nj ꞌo̱ ga̱a̱ iꞌna̱ꞌ soꞌ rihaan chumii̱ nda̱a se caꞌna̱ꞌ uún ꞌu̱nj rihaan chumii̱ nihánj, ne̱ né se‑su̱u̱n ma̱ꞌán so̱ꞌ me yoꞌ maꞌ. ꞌO̱ canoco̱ꞌ ma̱ꞌán so̱ꞌ manj á ―taj Jesús rihaan Pedró a.

San Lucas 13:27

Ga̱a ne̱ cata̱j uún soꞌ rihaan soj a: “Ne neꞌen uxraj me rej cavii cunuda̱nj soj si̱j ꞌyaj ina̱nj cacunꞌ a̱ maꞌ. Naxu̱u̱n soj man soj rihanj á”, cata̱j soꞌ rihaan soj a.

San Marcos 8:34

Ga̱a ne̱ canacúún Jesús man nij yuvii̱ caꞌna̱ꞌ nij yuvii̱ rej nicu̱nꞌ soꞌ ga̱ nij síí tucuꞌyón snana̱ soꞌ, ga̱a ne̱ cataj soꞌ a: ―Sese me rá ꞌo̱ soꞌ canoco̱ꞌ soꞌ manj, ne̱ se̱ guun rá soꞌ quiꞌya̱j soꞌ se vaa me rá maꞌa̱n soꞌ quiꞌya̱j soꞌ maꞌ. Caꞌve̱e se quira̱nꞌ uxrá soꞌ sayuun do̱ꞌ, caꞌve̱e se nda̱a cachro̱n nii man soꞌ rihaan rcutze̱ do̱ꞌ, tza̱j ne̱ ꞌo̱ canoco̱ꞌ xraan soꞌ manj ado̱nj.

San Mateo 25:12

Ne̱ cataj síí naraꞌa̱a yoꞌ a: “Ya̱ ya̱ cata̱j xnaꞌanj ꞌu̱nj rihaan soj se vaa ne neꞌén ꞌu̱nj man soj maꞌ”, taj soꞌ rihaan nij chana̱ niꞌyo̱n yoꞌ a.

San Mateo 16:24

Ga̱a ne̱ cataj Jesús rihaan nij síí tucuꞌyón snana̱ soꞌ a: ―Sese me rá ꞌo̱ soꞌ canoco̱ꞌ soꞌ manj, ne̱ se̱ guun rá soꞌ quiꞌya̱j soꞌ se vaa me rá maꞌa̱n soꞌ quiꞌya̱j soꞌ maꞌ. Ne̱ caꞌve̱e se quira̱nꞌ uxrá soꞌ sayuun do̱ꞌ, caꞌve̱e se nda̱a cachro̱n nii man soꞌ rihaan rcutze̱ do̱ꞌ, tza̱j ne̱ ꞌo̱ canoco̱ꞌ xraan soꞌ manj ado̱nj.

San Mateo 7:23

Ga̱a ne̱ cata̱j yá ꞌu̱nj rihaan nij yuvii̱ a: “A̱ doj ne que̱neꞌén ꞌu̱nj man soj maꞌ. Ma̱an síí ꞌyaj ina̱nj cacunꞌ me soj na̱nj ado̱nj. Naxu̱u̱n soj man soj rihanj á.” Da̱nj cata̱j ꞌu̱nj rihaan nij síí ꞌyaj cacunꞌ vaa güii na̱nj ado̱nj.

Apocalipsis 14:4

Ne̱ ne quiꞌya̱j nij soꞌ cacunꞌ ga̱ chana̱ rihaan Yaꞌanj maꞌ. ꞌO̱ se síí vaa sa̱ꞌ ina̱nj me ta̱ranꞌ nij soꞌ na̱nj ado̱nj. Ne̱ síí canocoꞌ xcó Matzinj Leꞌe̱j me rej maꞌa̱n va̱j soꞌ me uún nij soꞌ a. Ne̱ nij soꞌ me nij síí táá ya̱a̱n rihaan ta̱ranꞌ ꞌó nij síí ma̱n rihaan chumii̱ síí cunuu sa̱ꞌ rihaan Yaꞌanj do̱ꞌ, rihaan Matzinj Leꞌe̱j do̱ꞌ, ga̱a caviꞌ Matzinj Leꞌe̱j yoꞌ a.

Hechos 3:23

Ne̱ dan me se a̱ me maꞌa̱n síí naꞌvej rá cuno̱ snana̱ síí nata̱ꞌ snana̱ Yaꞌanj yoꞌ, ne̱ nu̱ꞌ quiri̱i̱ yaníj nii man soꞌ scaꞌnúj níꞌ si̱j israelitá, ne̱ quiri̱ꞌ nu̱ꞌ soꞌ na̱nj ado̱nj”, taj Moisés ga̱a naá a.

San Marcos 10:21

Ga̱a ne̱ niꞌya̱j uxrá Jesús man soꞌ, ne̱ cunuu ꞌe̱e̱ rá Jesús man soꞌ, ne̱ cataj Jesús rihaan soꞌ a: ―Da̱j o̱rúnꞌ rasu̱u̱n achiin ya̱ mán so̱ꞌ na̱nj á. Cavi̱i̱ so̱ꞌ caꞌa̱nj so̱ꞌ, ne̱ cutuꞌve̱e̱ so̱ꞌ nu̱ꞌ siꞌyáá so̱ꞌ, ne̱ saꞌanj quiri̱ꞌ so̱ꞌ roꞌ, caxri̱i̱ so̱ꞌ ston nij síí nique̱, ne̱ cuma̱n ndoꞌo siꞌyáá so̱ꞌ rej xta̱ꞌ, quiꞌya̱j Yaꞌanj na̱nj ado̱nj. Ne̱ dan me se caꞌna̱ꞌ so̱ꞌ, ne̱ ca̱nocóꞌ so̱ꞌ manj, caꞌa̱nj níꞌ á ―taj Jesús a.