San Juan 1:42 - Triqui de San Juan Copala

⁴² Ne̱ caꞌanj nica̱j soꞌ man tinúú soꞌ rihaan Jesús, ga̱a ne̱ niꞌya̱j uxrá Jesús man Simón, ne̱ cataj soꞌ a: ―Síí cuꞌna̱j Simón mé so̱ꞌ, ne̱ taꞌníí síí cuꞌna̱j Jonás mé so̱ꞌ á. Tza̱j ne̱ rej rihaan níꞌ me se Cefas cuꞌna̱j so̱ꞌ á ―taj Jesús rihaan soꞌ a. Ne̱ nana̱ Cefas me raj cata̱a Pedró ꞌó xnaꞌánj a.

San Juan 1:42 Referans Kwoze

1 Corintios 15:5

Dan me se curuviꞌ soꞌ niꞌya̱j síí cuꞌna̱j Cefas, ne̱ gaa do̱j, ga̱a ne̱ curuviꞌ uún soꞌ niꞌya̱j nu̱ꞌ chuvi̱j nij síí cuneꞌ soꞌ caꞌa̱nj nata̱ꞌ snana̱ soꞌ a.

1 Corintios 3:22

Dan me se nana̱ aꞌmij do̱ꞌ, nana̱ aꞌmii Apolos do̱ꞌ, nana̱ aꞌmii Cefas do̱ꞌ, vaa yuꞌvee nó nana̱ yoꞌ rihaan soj, ne̱ rasu̱u̱n ma̱n rihaan chumii̱ nihánj roꞌ, vaa yuꞌvee nó yoꞌ rihaan soj á. Ne̱ sese vaa iꞌna̱ꞌ soj, ne̱ cavi̱i̱ sa̱ꞌ soj, cheꞌé se vaa iꞌna̱ꞌ soj a. Sese cavi̱ꞌ soj, ne̱ caꞌve̱e cavi̱i̱ sa̱ꞌ soj uún a. Ne̱ sese ranꞌ soj cuano̱ nihánj do̱ꞌ, sese quira̱nꞌ soj rej rihaan níꞌ do̱ꞌ, ne̱ nu̱ꞌ nij rasu̱u̱n yoꞌ me se vaa yuꞌvee nó rihaan soj á.

1 Corintios 1:12

Dan me se taꞌa̱j nij soj taj a: “ꞌU̱nj me síí noco̱ꞌ man síí cuꞌna̱j Pabló a.” ꞌÓ taꞌa̱j nij soj taj a: “ꞌU̱nj me síí noco̱ꞌ man síí cuꞌna̱j Apolos a.” ꞌÓ taꞌa̱j nij soj taj a: “ꞌU̱nj me síí noco̱ꞌ man síí cuꞌna̱j Cefas a.” ꞌÓ taꞌa̱j nij soj taj a: “ꞌU̱nj me síí noco̱ꞌ man Cristó a.” Dan me se da̱nj vaa ꞌo̱ ꞌo̱ taꞌa̱j soj a.

Gálatas 2:9

Ne̱ queneꞌen Jacobo do̱ꞌ, Cefas do̱ꞌ, Juan do̱ꞌ, se vaa quiꞌyaj ndoꞌo Yaꞌanj se lu̱j cheꞌé ꞌu̱nj do̱ꞌ, cheꞌé Bernabé do̱ꞌ, se vaa guun nu̱cuáá ꞌu̱nj nata̱ꞌ ꞌu̱nj nana̱ sa̱ꞌ cheꞌé Cristó rihaan yuvii̱, quiꞌyaj Yaꞌanj, ne̱ guun ya̱ nu̱ꞌ rá nij soꞌ se vaa Yaꞌanj me síí caꞌneꞌ suun rihaan núj a. Dan me se síí uun chij rihaan nij síí noco̱ꞌ man Cristó ma̱n Jerusalén me nij soꞌ, tza̱j ne̱ guun ya̱ rá nij soꞌ se vaa tuviꞌ maꞌa̱n nij soꞌ me núj, ne̱ ꞌo̱ cuya̱a̱n vaa suun vaa rihaan núj ga̱ suun vaa rihaan nij soꞌ, rá nij soꞌ a. Dan me se nata̱ꞌ nij soꞌ nana̱ sa̱ꞌ cheꞌé Cristó rihaan nij yuvii̱ israelitá, ne̱ da̱nj na̱nj núj uún, ne̱ nata̱ꞌ núj rihaan nij síí yaníj, cataj nij soꞌ a.

1 Corintios 9:5

No̱ xcúún núj xca̱j núj man ꞌo̱ raꞌvij núj níí noco̱ꞌ man Cristó, caꞌa̱nj noꞌ me rej maꞌa̱n caꞌa̱nj núj á. Neꞌen soj se vaa nij tinúú Jesucristó Si̱j ꞌNi̱j Raꞌa man níꞌ do̱ꞌ, Cefas do̱ꞌ, ꞌó nij síí ata̱ suun caꞌa̱nj nata̱ꞌ snana̱ Jesucristó do̱ꞌ, vaa nica̱ ꞌo̱ ꞌo̱ nij soꞌ a.

San Mateo 10:2

Ne̱ nihánj me se‑chuvi̱i chuvi̱j nij síí cuneꞌ Jesús caꞌa̱nj nata̱ꞌ snana̱ soꞌ a. ꞌO̱ soꞌ me síí cuꞌna̱j Simón síí tucuꞌnáj nii Pedró a. Ne̱ ꞌó soꞌ me tinúú Simón, síí cuꞌna̱j Andrés a. Ne̱ ꞌó soꞌ me síí cuꞌna̱j Jacobo, ne̱ taꞌníí síí cuꞌna̱j Zebedeo me soꞌ a. Ne̱ ꞌó soꞌ me tinúú Jacobo, síí cuꞌna̱j Juan a.

San Lucas 5:8

Dan me se queneꞌen Simón Pedró se vaa quiꞌyaj Jesús, ga̱a ne̱ caꞌanj ca̱yáán ru̱j soꞌ rihaan Jesús, cataj soꞌ a: ―Naxu̱u̱n so̱ꞌ mán so̱ꞌ rihanj cheꞌé se síí ata̱ ndoꞌo cacunꞌ mej na̱nj á ―taj Simón rihaan Jesús a.

San Juan 21:2

A̱j cunuu chre̱ꞌ síí cuꞌna̱j Simón Pedró do̱ꞌ, Tomás síí cuꞌna̱j cuaté do̱ꞌ, Natanael síí cavii chumanꞌ Caná chumanꞌ na̱j estadó Galilea do̱ꞌ, ro̱j taꞌníí síí cuꞌna̱j Zebedeo do̱ꞌ, yavíj síí tucuꞌyón snana̱ Jesús do̱ꞌ a.

San Marcos 3:16

Dan me se cuneꞌ Jesús man síí cuꞌna̱j Simón, ne̱ tucuꞌnáj soꞌ Pedró man Simón a.

San Juan 13:18

’Tza̱j ne̱ ne caꞌmi̱j nana̱ nihánj cheꞌé ta̱ranꞌ nij soj maꞌ. Dan me se a̱j neꞌenj man soj si̱j narii ꞌu̱nj canoco̱ꞌ manj a. Tza̱j ne̱ vaa cheꞌé quisi̱j gue̱e̱ nana̱ nihánj nana̱ no̱ rihaan Danj Yaꞌanj ado̱nj: “Síí chá rachrúún ga̱j roꞌ, me síí guun rá ti̱guíj cheꞌé manj ado̱nj”, taj nana̱ no̱ rihaan Danj Yaꞌanj a.

San Lucas 6:14

ꞌO̱ soꞌ me síí cuꞌna̱j Simón, ne̱ tucuꞌnáj Jesús Pedró man soꞌ a. ꞌÓ soꞌ me tinúú Pedró síí cuꞌna̱j Andrés a. ꞌÓ nij soꞌ me Jacobo do̱ꞌ, Juan do̱ꞌ, Felipé do̱ꞌ, Bartolomé do̱ꞌ,

Gálatas 1:18

Quisíj vaꞌnu̱j ya̱ yoꞌ nocoj man Cristó ta̱ꞌ asuun, ga̱a ne̱ cavii ꞌu̱nj nda̱a chumanꞌ Jerusalén, cheꞌé rej cunu̱u ya̱a̱n ꞌu̱nj man síí cuꞌna̱j Pedró a. Dan me se nanó ꞌu̱nj cuentó ga̱ soꞌ, ne̱ caránꞌ ꞌu̱nj tucuá soꞌ rque xnu̱ꞌ gue̱e̱ güii a.

Gálatas 2:11

Cachén do̱j güii, ga̱a ne̱ cuchiꞌ Pedró chumanꞌ cuꞌna̱j Antioquía a. Tza̱j ne̱ quiꞌyaj soꞌ do̱j se nij, ne̱ tumé soꞌ cacunꞌ cheꞌé se nij quiꞌyaj soꞌ, rá ꞌu̱nj, ne̱ cheꞌé dan caꞌmii riha̱a̱n yáj ga̱ soꞌ rihaan cunuda̱nj yuvii̱, ne̱ cataj ꞌu̱nj se vaa tumé soꞌ cacunꞌ cheꞌé se vaa quiꞌyaj soꞌ a.

San Juan 4:16

Ne̱ cataj Jesús rihaan noꞌ a: ―Caꞌa̱nj nacu̱nj so̱ꞌ man nica̱ so̱ꞌ, ne̱ caꞌna̱ꞌ so̱ꞌ nihánj á ―taj soꞌ rihaan noꞌ a.