Hechos 9:10 - Triqui de San Juan Copala

¹⁰ Dan me se chumanꞌ Damasco roꞌ, yáán ꞌo̱ síí tucuꞌyón snana̱ Jesús, ne̱ Ananías cuꞌna̱j soꞌ a. Ne̱ naquiꞌyaa Jesús Si̱j ꞌNi̱j Raꞌa man níꞌ rihaan soꞌ, ne̱ cataj soꞌ a: ―Cu̱nó so̱ꞌ caꞌmi̱j, Ananías ―taj Síí ꞌNi̱j Raꞌa man níꞌ rihaan soꞌ a. ―Nihánj né ꞌu̱nj unó ꞌu̱nj aꞌmii so̱ꞌ á ―taj Ananías rihaan Síí ꞌNi̱j Raꞌa man níꞌ a.

Hechos 9:10 Referans Kwoze

Hechos 22:12

’Dan me se chumanꞌ Damasco roꞌ, yáán ꞌo̱ síí cuꞌna̱j Ananías, ne̱ síí veꞌé noco̱ꞌ man Yaꞌanj me soꞌ, ne̱ síí quiꞌyaj nu̱ꞌ stucua̱nj Moisés me soꞌ, ne̱ cunuda̱nj nij yuvii̱ israelitá ya̱nj chumanꞌ Damasco taj se vaa si̱j sa̱ꞌ me soꞌ a.

Hechos 10:3

Dan me se agaꞌ vaꞌnu̱j rej caꞌanj güii ta̱ꞌ asuun me se curiha̱nj ranga̱ꞌ ꞌo̱ se‑mo̱zó Yaꞌanj rihaan soꞌ, ne̱ catúj se‑mo̱zó Yaꞌanj yoꞌ rej nicu̱nꞌ soꞌ, ne̱ cataj se‑mo̱zó Yaꞌanj a: ―Cornelio ―taj se‑mo̱zó Yaꞌanj rihaan soꞌ a.

Hechos 2:17

Ne̱ cataj maꞌa̱n Yaꞌanj a: “Asa̱ꞌ nichrunꞌ caꞌa̱nj niꞌya̱ chumii̱ nihánj, ne̱ rque̱ ndoꞌo ꞌu̱nj Nimán ꞌu̱nj man yuvii̱ ma̱n rihaan nu̱ꞌ chumii̱, ne̱ taꞌnij sno̱ꞌo soj do̱ꞌ, taꞌnij cha̱na̱ soj do̱ꞌ roꞌ, nata̱ꞌ nana̱ rque̱ ꞌu̱nj man maꞌa̱n nij soꞌ a. Ne̱ nij síí tachru̱u̱ roꞌ, naquiꞌya̱a ndoꞌo rasu̱u̱n rihaan nij soꞌ, qui̱ꞌyáj, ne̱ nij chii nga̱ roꞌ, caꞌmi̱i̱ ndoꞌo nej rihaan nij soꞌ, qui̱ꞌyáj ado̱nj.

Hechos 9:9

Ne̱ quisíj vaꞌnu̱j güii ne caꞌve̱e queneꞌe̱n soꞌ maꞌ. Ne̱ ne cha̱ soꞌ ne̱ ne coꞌo̱ soꞌ na a̱ maꞌ.

Hechos 11:5

―Chumanꞌ Jope va̱j ꞌu̱nj, ne̱ cachíín ni̱ꞌyáá ꞌu̱nj rihaan Yaꞌanj, ne̱ dan me se naquiꞌyaa ꞌo̱ rasu̱u̱n rihanj, quiꞌyaj Yaꞌanj a. Ne̱ dan me se nanij ꞌo̱ rasu̱u̱n, ne̱ ase vaa ꞌo̱ yatzíj mantá caxra̱ꞌ vaa rasu̱u̱n yoꞌ, ne̱ numi̱i caꞌa̱nj scúj yatzíj yoꞌ, ne̱ cavii yatzíj yoꞌ rej xta̱ꞌ, ne̱ nanij yoꞌ rej nicu̱nꞌ ꞌu̱nj a.

Hechos 12:9

Dan me se canocoꞌ Pedró man se‑mo̱zó Yaꞌanj, ne̱ curiha̱nj soꞌ tagaꞌ, tza̱j ne̱ ne queneꞌe̱n soꞌ sese ya̱ curiha̱nj soꞌ tagaꞌ quiꞌyaj se‑mo̱zó Yaꞌanj yoꞌ maꞌ. ꞌO̱ se ma̱an se quiꞌyaj maꞌa̱n rihaan soꞌ quiꞌyaj Yaꞌanj nu̱ꞌ se vaa quiꞌyaj se‑mo̱zó Yaꞌanj yoꞌ, rá soꞌ a.

Hechos 16:9

Ne̱ dan me se rej nii̱ naquiꞌyaa ꞌo̱ rasu̱u̱n rihaan Pabló, quiꞌyaj Yaꞌanj a. Ne̱ dan me se nicu̱nꞌ ꞌo̱ síí ya̱nj estadó Macedonia niꞌya̱j Pabló, ne̱ canacúún snóꞌo yoꞌ man Pabló, cataj soꞌ a: “Caꞌna̱ꞌ so̱ꞌ nda̱a estadó Macedonia nihánj, ne̱ ra̱cuíj so̱ꞌ man núj á”, taj soꞌ rquee̱ soꞌ man Pabló a.

Hechos 16:10

Ga̱a ne̱ nu̱ꞌ naquiꞌyaa rasu̱u̱n yoꞌ rihaan Pabló, ne̱ nu̱ꞌ quiꞌyaj chuvi̱i núj caꞌa̱nj núj estadó Macedonia a. ꞌO̱ se cachríj rá ya̱ núj se vaa Yaꞌanj me síí caꞌneꞌ suun rihaan núj nata̱ꞌ núj nana̱ sa̱ꞌ cheꞌé Jesucristó rihaan nij síí ya̱nj estadó Macedonia yoꞌ a.

Hechos 18:9

Ne̱ rej nii̱ me se naquiꞌyaa Síí ꞌNi̱j Raꞌa man níꞌ rihaan Pabló, ne̱ cataj soꞌ a: ―Se̱ cuchuꞌvíꞌ so̱ꞌ maꞌ. ꞌO̱ caꞌmi̱i̱ so̱ꞌ snana̱j, ne̱ se̱ gaa dínj tuꞌvá so̱ꞌ maꞌ.

2 Corintios 11:32

Ga̱a cunuu ꞌu̱nj chumanꞌ Damasco roꞌ, ne̱ síí nica̱j suun ꞌyaj suun cheꞌé rey cuꞌna̱j Aretas roꞌ, caráán soꞌ rej atúj yuvii̱ chumanꞌ, cheꞌé se guun rá soꞌ ta̱ꞌaa soꞌ manj,

Gálatas 1:17

Dan me se chumanꞌ Jerusalén roꞌ, ya̱nj nij síí cuneꞌ Jesucristó asino ya̱a̱n caꞌa̱nj nata̱ꞌ snana̱ soꞌ, tza̱j ne̱ ne cuchi̱ꞌ ꞌu̱nj rihaan nij soꞌ xna̱ꞌanj ꞌu̱nj man nij soꞌ da̱j qui̱ꞌyáj maꞌ. Ma̱an se caꞌanj ꞌu̱nj cuaj estadó Arabia, ne̱ canica̱j ꞌu̱nj caꞌnaj chumanꞌ Damasco ado̱nj.

Hechos 9:12

ne̱ dan me se ga̱a cachíín niꞌya̱j soꞌ ne̱ naquiꞌyaa ꞌo̱ snóꞌo cuꞌna̱j Ananías rihaan soꞌ, quiꞌyáj ado̱nj. Ne̱ catúj Ananías yoꞌ rihaan soꞌ, ne̱ cutaꞌ raꞌa soꞌ raa̱ Saulo, cheꞌé rej caꞌve̱e curuvi̱ꞌ uún rihaan soꞌ qui̱ꞌyáj a ―taj Síí ꞌNi̱j Raꞌa man níꞌ rihaan Ananías a.