Hechos 4:13 - Triqui de San Juan Copala

¹³ Dan me se queneꞌen nij soꞌ se vaa ne cuchuꞌvi̱ꞌ Pedró ga̱ Juan ne̱ sca̱ꞌ uxrá caꞌmii ro̱j soꞌ, ne̱ xcaj nij soꞌ cuentá se vaa né si̱j tucuꞌyón yanj me ro̱j soꞌ, tza̱j ne̱ sa̱ꞌ uxrá nariꞌ ro̱j soꞌ a. Cheꞌé dan caráyaꞌa̱nj nij soꞌ a. Ne̱ queneꞌen nij soꞌ se vaa ro̱j soꞌ me síí cachéé ga̱ Jesús a.

Hechos 4:13 Referans Kwoze

1 Corintios 1:27

Ma̱an se ina̱nj síí niꞌyo̱n ma̱n rihaan chumii̱ narii Yaꞌanj, ne̱ dan me se nacaj Yaꞌanj man nij síí niꞌyo̱n, cheꞌé rej gu̱un naꞌa̱j nij síí avii ndoꞌo raa̱ ma̱n rihaan chumii̱ na̱nj á. Ne̱ síí taj snucua̱j ma̱n rihaan chumii̱ narii Yaꞌanj, ne̱ dan me se nacaj Yaꞌanj man nij soꞌ, cheꞌé se me rá Yaꞌanj gu̱un naꞌa̱j nij síí vaa snucua̱j rihaan chumii̱ nihánj na̱nj ado̱nj.

San Juan 7:15

Cheꞌé dan caráyaꞌa̱nj nij síí uun chij rihaan nij yuvii̱ israelitá, ne̱ cataj nij soꞌ a: ―Né si̱j tucuꞌyón me síí nihánj maꞌ. Me rej nariꞌ soꞌ snana̱ Yaꞌanj ga̱ ―taj nij síí uun chij yoꞌ niꞌya̱j nij soꞌ man Jesús a.

San Mateo 11:25

Dan me se güii yoꞌ cachíín niꞌya̱j Jesús rihaan Yaꞌanj, cataj soꞌ a: ―Síí ꞌNi̱j Raꞌa xta̱ꞌ do̱ꞌ, Síí ꞌNi̱j Raꞌa chumii̱ do̱ꞌ, mé so̱ꞌ, Ata̱j. Ne̱ sa̱ꞌ uxrá quiꞌyáá so̱ꞌ caráán so̱ꞌ rihaan nij síí avii raa̱ do̱ꞌ, rihaan nij síí acaj cuentá do̱ꞌ, se vaa se̱ cuno nij soꞌ snana̱j maꞌ. Ma̱an nij síí vaa nica̱ꞌ nimán roꞌ, veꞌé cuno nij soꞌ, quiꞌyáá so̱ꞌ ado̱nj.

San Mateo 26:73

Ne̱ corá nii cuchiꞌ nij síí nicu̱nꞌ nichru̱nꞌ rihaan Pedró, ne̱ cataj nij soꞌ a: ―Ya̱ ya̱ ꞌo̱ síí cachéé ga̱ Jesús mé so̱ꞌ ado̱nj. ꞌO̱ se ase vaa aꞌmii nij síí cachéé ga̱ Jesús roꞌ, vaa aꞌmii so̱ꞌ chugua̱nj ―taj nij soꞌ rihaan Pedró a.

San Juan 7:49

Ne̱ xa̱ꞌ nij yuvii̱, tza̱j ne̱ ne neꞌen nij yuvii̱ stucua̱nj Moisés, ne̱ ina̱nj sayuun quira̱nꞌ nij yuvii̱ yoꞌ, quiꞌya̱j Yaꞌanj chugua̱nj ―taj nij síí fariseo rihaan nij tanuu yoꞌ a.

San Lucas 22:8

Dan me se caꞌnéé Jesús man Pedró ga̱ Juan, ne̱ cataj soꞌ rihaan ro̱j soꞌ a: ―Caꞌa̱nj ro̱j so̱j quiꞌya̱j chuvi̱i ro̱j so̱j cha̱ níꞌ ne̱ navi̱j rá níꞌ Chaꞌanj Pascuá á ―taj soꞌ rihaan ro̱j soꞌ a.

San Mateo 26:71

Ga̱a ne̱ curiha̱nj Pedró, ne̱ canicunꞌ soꞌ rej atúj yuvii̱ chingá a. Ga̱a ne̱ queneꞌen ꞌó mozó cha̱na̱ man soꞌ, ne̱ caꞌmii noꞌ rihaan nij yuvii̱ nicu̱nꞌ rihaan veꞌ ga̱ Pedró, cataj noꞌ a: ―Síí nihánj cachéé ga̱ Jesús síí cavii chumanꞌ Nazaret asânj ―taj chana̱ yoꞌ a.

San Juan 19:26

Dan me se queneꞌen Jesús man nii soꞌ do̱ꞌ, man síí tucuꞌyón snana̱ soꞌ síí ꞌe̱e̱ rá soꞌ man do̱ꞌ, se vaa nicunꞌ rcuaꞌa̱a̱n ro̱j soꞌ rihaan soꞌ, ne̱ cataj soꞌ rihaan nii soꞌ a: ―Síí nihánj gu̱un taꞌníí so̱ꞌ, nahiin ―taj Jesús rihaan nii soꞌ a.

Hechos 4:14

Ne̱ queneꞌen nij soꞌ man síí nahuun sa̱ꞌ yoꞌ nicu̱nꞌ ga̱ ro̱j soꞌ a. Ga̱a ne̱ ne quiri̱ꞌ nij soꞌ nana̱ caꞌmi̱i̱ nij soꞌ maꞌ.

Hechos 4:19

Ga̱a ne̱ canica̱j Pedró ga̱ Juan cataj ro̱j soꞌ rihaan nij soꞌ a: ―Nuchru̱j ra̱a̱ nij soj sese gu̱un rá Yaꞌanj cuno̱ núj rihaan soj ne̱ ta̱náj xco̱ núj snana̱ Yaꞌanj na̱nj á.

Hechos 4:29

’Señor, nihánj me se xca̱j so̱ꞌ cuentá se vaa caꞌmii yuva̱a̱ ndoꞌo nij soꞌ rihaan núj, ne̱ ra̱cuíj so̱ꞌ man núj si̱j ꞌyaj se‑su̱u̱n so̱ꞌ se vaa se̱ cuchuꞌviꞌ núj caꞌmi̱i̱ núj snana̱ so̱ꞌ rihaan yuvii̱ maꞌ.

Hechos 4:31

Dan me se quisíj cachíín niꞌya̱j nij soꞌ rihaan Yaꞌanj, ga̱a ne̱ quinaa̱n nu̱ꞌ rej ma̱n nij soꞌ, ne̱ caraa ndoꞌo Nimán Yaꞌanj nimán cunuda̱nj nij soꞌ, ga̱a ne̱ ne cuchuꞌvi̱ꞌ nij soꞌ caꞌmi̱i̱ nij soꞌ snana̱ Yaꞌanj maꞌ.

Hechos 9:27

Cheꞌé dan nica̱j síí cuꞌna̱j Bernabé man soꞌ, caꞌanj soꞌ rihaan maꞌa̱n nij síí cuneꞌ Jesús caꞌa̱nj nata̱ꞌ snana̱ soꞌ a. Ne̱ nataꞌ Bernabé rihaan nij soꞌ da̱j guun ga̱a queneꞌen Saulo man Jesús Si̱j ꞌNi̱j Raꞌa man níꞌ ga̱a va̱j soꞌ chrej ne̱ caꞌmii Saulo ga̱ soꞌ a. Ne̱ nataꞌ uún Bernabé da̱j quiꞌyaj Saulo chumanꞌ Damasco ga̱a caꞌmii natáj soꞌ, ne̱ a̱ doj ne cuchuꞌvi̱ꞌ soꞌ caꞌmi̱i̱ natáj soꞌ rihaan nij yuvii̱ cheꞌé se‑chuvi̱i Jesús, taj Bernabé a.

Hechos 9:28

Dan me se guun tuvi̱ꞌ Saulo ga̱ nij síí noco̱ꞌ man Jesús ya̱nj chumanꞌ Jerusalén, ne̱ chéé ꞌanj ꞌnaꞌ soꞌ ga̱ nij soꞌ a. Ne̱ a̱ ꞌó xcoꞌ ne chuꞌviꞌ soꞌ aꞌmii soꞌ cheꞌé se‑chuvi̱i Jesús Si̱j ꞌNi̱j Raꞌa man níꞌ maꞌ.

1 Corintios 14:25

Cuno̱ nij soꞌ nana̱ caꞌmi̱i̱ ta̱ranꞌ soj, ga̱a ne̱ xca̱j nij soꞌ cuentá cheꞌé nu̱ꞌ se chiꞌi̱i̱ ma̱n nimán nij soꞌ, ne̱ caꞌa̱nj ca̱yáán ru̱j nij soꞌ, ga̱a ne̱ cara̱a̱ gue̱e̱ nij soꞌ rihaan Yaꞌanj, ne̱ cata̱j ya̱ nij soꞌ se vaa ya̱ Yaꞌanj nicunꞌ scaꞌnúj soj ado̱nj.

2 Corintios 3:12

Cheꞌé se uun ya̱ rá núj se vaa ga̱a̱ iꞌna̱ꞌ núj nu̱ꞌ cavii nu̱ꞌ caꞌanj, cheꞌé dan niha̱ꞌ rá núj, ne̱ ne naꞌa̱j núj a̱ maꞌ.