Hechos 2:41 - Triqui de San Juan Copala

⁴¹ Cheꞌé dan me nij síí cuchumán rá snana̱ soꞌ roꞌ, cataꞌ ne nij soꞌ, ne̱ güii yoꞌ me se canocoꞌ naca̱ vaꞌnu̱j míj yuvii̱ man Jesús ta̱ꞌ asuun a.

Hechos 2:41 Referans Kwoze

Hechos 4:4

Tza̱j ne̱ queꞌe̱e̱ ndoꞌo nij síí cuno snana̱ ro̱j soꞌ roꞌ, cuchumán rá nana̱ yoꞌ, ne̱ veé da̱nj quisíj ꞌu̱nꞌ míj snóꞌo canocoꞌ man Jesús ta̱ꞌ asuun a.

Hechos 2:47

Ne̱ cataj nij soꞌ se vaa sa̱ꞌ uxrá quiꞌyaj Yaꞌanj cheꞌé nij soꞌ, ne̱ caꞌmii sa̱ꞌ cunuda̱nj nij yuvii̱ ya̱nj chumanꞌ Jerusalén niꞌya̱j nij yuvii̱ man nij soꞌ a. Ne̱ da̱j a̱ güii cunuu chre̱ꞌ doj síí va̱j nani̱i̱ rihaan sayuun ga̱ nij soꞌ, quiꞌyaj Síí ꞌNi̱j Raꞌa man níꞌ a.

Hechos 2:37

Dan me se ga̱a cuno nij yuvii̱ nana̱ yoꞌ, ne̱ quinanó ndoꞌo rá nimán nij soꞌ, ne̱ xnáꞌanj nij soꞌ man Pedró ga̱ ꞌó nij síí ata̱ suun caꞌa̱nj nata̱ꞌ snana̱ Jesús, cataj nij soꞌ a: ―Ne̱ da̱j quiꞌya̱j núj, ga̱ tinu̱ꞌ ―taj nij soꞌ, xnáꞌanj nij soꞌ man nij tuvi̱ꞌ Pedró a.

San Juan 14:12

Ne̱ cuano̱ nihánj me se cata̱j yá ꞌu̱nj rihaan soj se vaa síí amán rá niꞌya̱j manj me se ase vaa suun sa̱ꞌ noco̱o ꞌyaj ma̱ꞌanj roꞌ, da̱nj ga̱a̱ quiꞌya̱j maꞌa̱n soꞌ uún na̱nj ado̱nj. Tza̱j ne̱ suun sa̱ꞌ noco̱o doj quiꞌya̱j soꞌ, cheꞌé se nucui̱ꞌ ꞌu̱nj rihaan Réj Yaꞌanj na̱nj á.

Hechos 13:48

Dan me se ga̱a cuno nij síí yaníj nana̱ yoꞌ, ne̱ guun niha̱ꞌ uxrá rá nij soꞌ, ne̱ veꞌé uxrá caꞌmii nij soꞌ cheꞌé snana̱ Yaꞌanj Si̱j ꞌNi̱j Raꞌa man níꞌ a. Ne̱ cunuda̱nj nij síí cuneꞌ Yaꞌanj ca̱yáán rihaan Yaꞌanj nu̱ꞌ cavii nu̱ꞌ caꞌanj roꞌ, cuchumán rá nij soꞌ nana̱ yoꞌ a.

Hechos 1:15

Ne̱ güii dan me se canicunꞌ Pedró tanu̱u̱ nij tinu̱j nij soꞌ a. Dan me se cientó táá ico̱ (120) yuvii̱ me nij yuvii̱ cunuu chre̱ꞌ rej ma̱n nij soꞌ ta̱ꞌ asuun a. Dan me se cataj Pedró rihaan nij soꞌ a:

1 Tesalonicenses 1:6

Ne̱ ase quiꞌyaj gue̱e̱ núj do̱ꞌ, ase ꞌyaj gue̱e̱ Síí ꞌNi̱j Raꞌa man níꞌ do̱ꞌ, da̱nj quiꞌyaj gue̱e̱ soj chugua̱nj. Dan me se nda̱ꞌ se quiranꞌ soj sayuun quiꞌyaj nij yuvii̱ ne nocoꞌ man Cristó, tza̱j ne̱ ꞌo̱ canocoꞌ soj snana̱ Yaꞌanj, ne̱ guun niha̱ꞌ rá soj, quiꞌyaj Nimán Yaꞌanj ado̱nj.

Hechos 3:23

Ne̱ dan me se a̱ me maꞌa̱n síí naꞌvej rá cuno̱ snana̱ síí nata̱ꞌ snana̱ Yaꞌanj yoꞌ, ne̱ nu̱ꞌ quiri̱i̱ yaníj nii man soꞌ scaꞌnúj níꞌ si̱j israelitá, ne̱ quiri̱ꞌ nu̱ꞌ soꞌ na̱nj ado̱nj”, taj Moisés ga̱a naá a.

Hechos 7:14

’Ga̱a ne̱ caꞌnéé José nana̱ rihaan rej soꞌ Jacob se vaa caꞌa̱nj nij tuvi̱ꞌ Jacob ca̱yáán nij soꞌ yoꞌóó Egiptó, ne̱ dan me se vaꞌnu̱j chiha̱a̱ xnu̱ꞌ (75) yuvii̱ me nij tuvi̱ꞌ Jacob yoꞌ a.

Hechos 27:37

Ne̱ cunuda̱nj núj si̱j va̱j rque rihoo yoꞌ roꞌ, me vi̱j cientó táá vaꞌnu̱j chiha̱a̱ xnu̱ꞌ ya̱a̱n (276) ya̱ yuvii̱ a.

Romanos 13:1

Cuno̱ cunuda̱nj nij soj rihaan nij síí nica̱j suun ma̱n tucuá suun chiháán soj á. ꞌO̱ se sese né Yaꞌa̱nj rá, ne̱ se̱ guun nucua̱j nij soꞌ quiri̱i̱ taꞌngaꞌ nij soꞌ maꞌ. Yaꞌanj me síí cuneꞌ man nij síí nica̱j suun ado̱nj.

1 Pedro 3:20

Ne̱ nij soꞌ me se ne caꞌve̱j rá nij soꞌ cuno̱ nij soꞌ rihaan Yaꞌanj ga̱a naá ga̱a cayáán síí cuꞌna̱j Noé maꞌ. Dan me se Noé me se ꞌyaj soꞌ rihoo xi̱j chéé rihaan na ne̱ aꞌmii natáj soꞌ snana̱ Yaꞌanj se vaa cama̱nꞌ uxrá, tza̱j ne̱ ne cuchuma̱n rá nij yuvii̱ maꞌ. Tza̱j ne̱ naj uxrá nimán Yaꞌanj naꞌvi̱j ndoꞌo soꞌ nuchra̱nꞌ nimán nij soꞌ, tza̱j ne̱ ne nuchra̱nꞌ nimán nij soꞌ, ne̱ canó xráá nij soꞌ ga̱a caꞌnaꞌ na yaꞌa̱nj a. Ne̱ da̱j ꞌó tu̱nj gue̱e̱ yuvii̱ catúj rque rihoo, ne̱ nanii nij soꞌ rihaan na yaꞌa̱nj, quiꞌyaj na yoꞌ na̱nj ado̱nj.

Apocalipsis 16:3

Ga̱a ne̱ se‑mo̱zó Yaꞌanj mozó vi̱j roꞌ, tucuayuu soꞌ se ma̱n rque se‑coꞌo̱o soꞌ rihaan na yaꞌa̱nj, ne̱ ase vaa ton man xnangá roꞌ, da̱nj vaa nuu nu̱ꞌ na yaꞌa̱nj a. Ga̱a ne̱ cunuda̱nj nij xcuu do̱ꞌ, xcuaj do̱ꞌ, ma̱n rque na yaꞌa̱nj caviꞌ a.

San Juan 21:11

Cheꞌé dan cavii Simón Pedró, ne̱ cuxuun soꞌ nanj yoꞌ rihaan yoꞌóó a. Ne̱ caraa ꞌo̱ cientó táá yavíj chiha̱a̱ chaꞌnu̱j (153) xcuaj rque nanj yoꞌ a. Ne̱ nda̱ꞌ se ꞌe̱e̱ ndoꞌo nij xcuaj, tza̱j ne̱ ne si̱nꞌ nanj maꞌ.