Hechos 19:4 - Triqui de San Juan Copala

⁴ Ga̱a ne̱ cataj Pabló rihaan nij soꞌ a: ―Xa̱ꞌ Juan, tza̱j ne̱ cutaꞌ ne soꞌ man yuvii̱ cheꞌé se canica̱j nimán nij yuvii̱ canocoꞌ nij yuvii̱ tucuáán sa̱ꞌ a. Ne̱ cataj Juan rihaan nij yuvii̱ se vaa síí caꞌna̱ꞌ rej xco̱ Juan roꞌ, me síí no̱ xcúún nij yuvii̱ cuchuma̱n rá nij soꞌ ni̱ꞌyaj nij soꞌ man, ne̱ síí caꞌnaꞌ rej xco̱ Juan roꞌ, me Jesús a ―taj Pabló rihaan nij yuvii̱ yoꞌ a.

Hechos 19:4 Referans Kwoze

Hechos 1:5

ꞌO̱ se Juan roꞌ, me síí cutaꞌ ne man yuvii̱ na u̱u̱n, tza̱j ne̱ soj me se cata̱ꞌ ne nimán soj ga̱ maꞌa̱n Nimán Yaꞌanj rque do̱j güii ado̱nj ―taj Jesús rihaan nij síí cuneꞌ soꞌ a.

Hechos 11:16

Ga̱a ne̱ ninuj rá ꞌu̱nj snana̱ Síí ꞌNi̱j Raꞌa man níꞌ ga̱a cataj soꞌ a: “Juan roꞌ, na u̱u̱n cutaꞌ ne soꞌ man yuvii̱, tza̱j ne̱ xa̱ꞌ soj, tza̱j ne̱ Yaꞌanj cuta̱ꞌ ne nimán soj ga̱ maꞌa̱n Nimán Yaꞌanj na̱nj ado̱nj”, taj Síí ꞌNi̱j Raꞌa man níꞌ a.

San Juan 1:27

Ne̱ soꞌ me síí ꞌnaꞌ rej xco̱j, ne̱ a̱j ne nó xcúnj na̱chej nuj correá ꞌni̱j tacanj soꞌ maꞌ ―taj Juan rihaan nij síí fariseo yoꞌ a.

San Juan 1:7

Ne̱ caꞌnaꞌ soꞌ cata̱j xnaꞌanj soꞌ cheꞌé yaꞌan chuguu̱n yoꞌ, ne̱ me rá soꞌ cuchuma̱n rá cunuda̱nj yuvii̱ ni̱ꞌyaj nij yuvii̱ man yaꞌan chuguu̱n yoꞌ a.

San Juan 1:15

Ne̱ síí cuꞌna̱j Juan me síí cataj xnaꞌanj rihaan yuvii̱ cheꞌé Jesús, ne̱ nucua̱j caꞌmii soꞌ, cataj soꞌ a: ―Síí nihánj roꞌ, a̱j cataj xnaꞌanj ꞌu̱nj rihaan soj cheꞌé soꞌ ga̱a rque̱ á. ꞌO̱ se cataj xnaꞌanj ꞌu̱nj rihaan soj se vaa nda̱ꞌ se síí caꞌna̱ꞌ rej rihanj me soꞌ, tza̱j ne̱ ꞌo̱ se si̱j noco̱o doj me soꞌ rihanj na̱nj á. ꞌO̱ se asi̱j ataa caꞌnga̱a̱ ꞌu̱nj, ne̱ a̱j nicunꞌ soꞌ na̱nj ado̱nj ―taj Juan a.

San Juan 1:26

Ne̱ cataj xnaꞌanj Juan rihaan nij soꞌ, cataj soꞌ a: ―ꞌU̱nj me se na u̱u̱n utaꞌ ne ꞌu̱nj man yuvii̱ a. Tza̱j ne̱ vaa ꞌó síí nicu̱nꞌ scaꞌnúj soj, ne̱ ne neꞌen soj man soꞌ maꞌ.