Hechos 17:11 - Triqui de San Juan Copala

¹¹ Ne̱ nij síí israelitá ya̱nj chumanꞌ Berea me se sa̱ꞌ doj vaa nimán nij soꞌ rihaan nij síí israelitá ya̱nj chumanꞌ Tesalónica a. ꞌO̱ se aranꞌ rá nij soꞌ cuno̱ nij soꞌ snana̱ Yaꞌanj, ne̱ da̱j a̱ nij güii ya̱nj ndoꞌo nayaa nij soꞌ Danj Yaꞌanj, cheꞌé se guun rá nij soꞌ xca̱j nij soꞌ cuentá sese ya̱ ya̱ cuya̱a̱n vaa snana̱ Pabló ga̱ nana̱ no̱ rihaan Danj Yaꞌanj a.

Hechos 17:11 Referans Kwoze

San Juan 5:39

Dan me se ya̱nj uxrá nayaa soj Danj Yaꞌanj, cheꞌé se me rá soj xca̱j soj cuentá da̱j quiꞌya̱j soj ne̱ caꞌve̱e ca̱yáán soj ga̱ Yaꞌanj nu̱ꞌ cavii nu̱ꞌ caꞌanj na̱nj á. Ne̱ veé maꞌa̱n Danj Yaꞌanj taj xnaꞌanj cheꞌé ꞌu̱nj a.

1 Tesalonicenses 2:13

Niga̱nj taj núj guun niꞌya̱j níꞌ rihaan Yaꞌanj cheꞌé soj na̱nj á. Dan me se ga̱a cuno soj snana̱ Yaꞌanj nana̱ caꞌmii natáj núj rihaan soj, ne̱ ne cata̱j soj se vaa snana̱ yuvii̱ u̱u̱n me nana̱ yoꞌ maꞌ. Ya̱ cataj soj se vaa snana̱ Yaꞌanj me nana̱ nataꞌ núj, ne̱ veé ya̱ snana̱ Yaꞌanj me yoꞌ ado̱nj. Ne̱ nuu sa̱ꞌ nimán soj, ꞌyaj nana̱ yoꞌ, cheꞌé se amán rá soj uno soj nana̱ yoꞌ ado̱nj.

San Mateo 13:23

Ne̱ ꞌnúú trigó cayuu rihaan yoꞌóó sa̱ꞌ roꞌ, ase vaa síí uno snana̱ Yaꞌanj vaa yoꞌ, ne̱ xcaj sa̱ꞌ soꞌ cuentá, ne̱ nuu sa̱ꞌ nimán soꞌ rihaan Yaꞌanj a. Ne̱ sa̱ꞌ uxrá ꞌyaj taꞌa̱j nij soꞌ, ne̱ sa̱ꞌ do̱j ꞌyaj ꞌó taꞌa̱j nij soꞌ, ne̱ sa̱ꞌ do̱j tzínꞌ ꞌyaj ꞌó taꞌa̱j nij soꞌ na̱nj ado̱nj ―taj Jesús, caꞌmii soꞌ cheꞌé cuentó yoꞌ a.

1 Tesalonicenses 1:6

Ne̱ ase quiꞌyaj gue̱e̱ núj do̱ꞌ, ase ꞌyaj gue̱e̱ Síí ꞌNi̱j Raꞌa man níꞌ do̱ꞌ, da̱nj quiꞌyaj gue̱e̱ soj chugua̱nj. Dan me se nda̱ꞌ se quiranꞌ soj sayuun quiꞌyaj nij yuvii̱ ne nocoꞌ man Cristó, tza̱j ne̱ ꞌo̱ canocoꞌ soj snana̱ Yaꞌanj, ne̱ guun niha̱ꞌ rá soj, quiꞌyaj Nimán Yaꞌanj ado̱nj.

San Juan 3:21

Tza̱j ne̱ nij síí noco̱ꞌ nana̱ ya̱ roꞌ, ꞌnaꞌ nij soꞌ rihaan yaꞌan chuguu̱n yoꞌ, ne̱ ga̱a ꞌyaj nij soꞌ da̱nj, ne̱ ruviꞌ se vaa Yaꞌanj racuíj man nij soꞌ nu̱ꞌ se vaa ꞌyaj nij soꞌ a.

2 Tesalonicenses 2:10

Ne̱ nu̱ꞌ se chiꞌi̱i̱ ndoꞌo quiꞌya̱j soꞌ, tiha̱ꞌ yuꞌunj soꞌ man nij yuvii̱ caꞌa̱nj caca̱a̱ nu̱ꞌ cavii nu̱ꞌ caꞌanj a. Ne̱ nij yuvii̱ yoꞌ me se né yuvi̱i̱ aranꞌ rá cuno̱ nana̱ ya̱ nana̱ quiꞌya̱j nani̱i̱ nij soꞌ rihaan sayuun me nij soꞌ maꞌ.

1 Pedro 2:2

Ase vaa me ndoꞌo rá leé no̱ cutzi̱i leé no̱ too roꞌ, da̱nj gu̱un ndoꞌo rá soj tu̱cuꞌyón soj snana̱ Yaꞌanj nana̱ ya̱ na̱nj á. Ase vaa racuíj too man leé no̱ achij leé no̱ roꞌ, da̱nj ga̱a̱ ra̱cuíj snana̱ Yaꞌanj man soj cunu̱u sca̱ꞌ nimán soj chugua̱nj. Dan, ga̱a ne̱ nani̱i̱ soj rihaan sayuun ne̱ cavi̱i̱ sa̱ꞌ ndoꞌo soj, quiꞌya̱j Yaꞌanj ado̱nj.

San Lucas 24:44

Ga̱a ne̱ cataj soꞌ rihaan nij soꞌ a: ―Nihánj me nana̱ caꞌmii ꞌu̱nj rihaan nij soj ga̱a va̱j ꞌu̱nj ga̱ soj, se vaa cataj ꞌu̱nj vaa cheꞌé quisi̱j ya̱ nu̱ꞌ nana̱ aꞌmii cheꞌé ꞌu̱nj nana̱ no̱ rihaan yanj no̱ stucua̱nj Moisés do̱ꞌ, yanj no̱ snana̱ nij síí nataꞌ snana̱ Yaꞌanj ga̱a naá do̱ꞌ, yanj no̱ nij chraꞌ salmó do̱ꞌ a ―taj soꞌ rihaan nij soꞌ a.

Santiago 1:21

Yu̱u̱n cheꞌe̱ caꞌne̱ꞌ rá soj ga̱ suun ꞌyaj da̱j a̱ se nij, ne̱ ga̱a̱ nica̱ꞌ nimán soj, ne̱ cuno̱ soj nana̱ caꞌnéé Yaꞌanj nimán soj, cheꞌé yan caꞌve̱e nani̱i̱ nimán soj rihaan sayuun ne̱ cavi̱i̱ sa̱ꞌ soj ado̱nj.

Hechos 10:33

Cheꞌé dan me raꞌya̱nj caꞌnéé ꞌu̱nj nana̱ rihaan so̱ꞌ, ne̱ so̱ꞌ roꞌ, quiꞌyaj ndoꞌo se lu̱j cheꞌé núj se vaa caꞌnáꞌ so̱ꞌ rihaan núj nihánj a. Cheꞌé dan me mán ta̱ranꞌ núj rihaan Yaꞌanj nihánj cuano̱, cheꞌé rej cuno̱ núj nu̱ꞌ nana̱ cataj xnaꞌanj Yaꞌanj Si̱j ꞌNi̱j Raꞌa man níꞌ rihaan so̱ꞌ ado̱nj ―taj Cornelió rihaan Pedró a.

Hechos 2:41

Cheꞌé dan me nij síí cuchumán rá snana̱ soꞌ roꞌ, cataꞌ ne nij soꞌ, ne̱ güii yoꞌ me se canocoꞌ naca̱ vaꞌnu̱j míj yuvii̱ man Jesús ta̱ꞌ asuun a.

Hechos 17:1

Dan me se cachén ro̱j soꞌ chumanꞌ Anfípolis do̱ꞌ, chumanꞌ Apolonia do̱ꞌ, ga̱a ne̱ catúj ro̱j soꞌ chumanꞌ Tesalónica a. Ne̱ chumanꞌ Tesalónica roꞌ, ne ꞌo̱ veꞌ tucuꞌyón nij yuvii̱ israelitá stucua̱nj Moisés a.

Hechos 11:1

Dan me se cuno nij síí cuneꞌ Jesús caꞌa̱nj nata̱ꞌ snana̱ soꞌ cuno ꞌó nij tinu̱j nij síí cuchumán rá niꞌya̱j man Jesús ya̱nj estadó Judea cuno nana̱ se vaa nda̱a nij síí yaníj canocoꞌ snana̱ Yaꞌanj a.

San Lucas 16:29

Ga̱a ne̱ cataj Abraham rihaan soꞌ a: “Vaa snana̱ síí cuꞌna̱j Moisés do̱ꞌ, snana̱ nij síí nataꞌ snana̱ Yaꞌanj ga̱a naá do̱ꞌ, rihaan nij soꞌ a. Caꞌve̱e cuno̱ nij soꞌ nana̱ yoꞌ ado̱nj”, taj Abraham rihaan ruꞌvee a.

San Lucas 1:2

Dan me se cachrón nij soꞌ nana̱ cataj xnaꞌanj nij síí queneꞌen cunuda̱nj se vaa guun asi̱j guun cheꞌe̱ Jesús cayáán soꞌ rihaan chumii̱ nihánj, ne̱ nij síí queneꞌen roꞌ, me síí ata̱ suun nata̱ꞌ nana̱ yoꞌ rihaan nu̱ꞌ yuvii̱ a.

San Lucas 11:3

Se chá achiin man núj ꞌo̱ ꞌo̱ güii roꞌ, rque̱ so̱ꞌ man núj cuanꞌ rugua̱nj.