Hechos 12:7 - Triqui de San Juan Copala

⁷ Ne̱ ta̱j niꞌyo̱n curiha̱nj ꞌo̱ se‑mo̱zó Yaꞌanj rá veꞌ na̱j Pedró, ne̱ chuguu̱n ndoꞌo rá tagaꞌ yoꞌ a. Ga̱a ne̱ tinasquiꞌ se‑mo̱zó Yaꞌanj xꞌnúú Pedró, tinanuû soꞌ man Pedró, ne̱ cataj soꞌ a: ―ꞌO̱ na̱xaga̱a̱ so̱ꞌ cuaj, Pedro ―taj soꞌ rihaan Pedró a. Dan me se naxaga̱a̱ Pedró, ne̱ agaꞌ ne̱ꞌ numi̱i raꞌa soꞌ roꞌ, naxraꞌ yoꞌ, ne̱ quinij yoꞌ rihaan yoꞌóó a.

Hechos 12:7 Referans Kwoze

Hechos 5:19

Tza̱j ne̱ rej nii̱ me se caꞌnaꞌ ꞌo̱ se‑mo̱zó Yaꞌanj Si̱j ꞌNi̱j Raꞌa man níꞌ, ne̱ caꞌnúj soꞌ taꞌyaa tagaꞌ yoꞌ, ne̱ caꞌanj nica̱j soꞌ man nij soꞌ xeꞌ a. Ga̱a ne̱ cataj se‑mo̱zó Yaꞌanj yoꞌ rihaan nij soꞌ a:

Hechos 16:26

Dan me se taj niꞌyo̱n cachén ndoꞌo yuún, ne̱ nda̱a nasquiꞌ ndoꞌo tacóó veꞌ tagaꞌ yoꞌ, ne̱ xꞌnúj nu̱ꞌ nij taꞌyaa ta̱j rihaan tagaꞌ yoꞌ, ne̱ nache nu̱ꞌ agaꞌ ne̱ꞌ nu̱u̱ chihá raꞌa cunuda̱nj nij síí ꞌni̱j tagaꞌ yoꞌ a.

Hechos 10:30

Ga̱a ne̱ cataj Cornelió rihaan soꞌ a: ―Cachén caꞌa̱nj güii ne̱ ma̱an orá nihánj me ta̱ꞌ asuun, ne̱ agaꞌ vaꞌnu̱j me yoꞌ, ne̱ cachíín ni̱ꞌyáá ꞌu̱nj rihaan Yaꞌanj rá veꞌ tucuaj a. Ne̱ ta̱j niꞌyo̱n curiha̱nj ꞌo̱ snóꞌo nicu̱nꞌ rihanj, ne̱ yatzéj catzi̱i̱ chuguu̱n maꞌa̱n nuû soꞌ,

Efesios 5:14

ꞌO̱ se yaꞌan chuguu̱n me se ya̱ ruviꞌ nu̱ꞌ nij rasu̱u̱n ꞌyaj yaꞌan ado̱nj. Cheꞌé dan taj nana̱ nihánj a: Nari̱i̱ soj nej, si̱j otoj scaꞌnúj nij xnangá, ne̱ na̱xagaa soj, canicu̱nꞌ caya̱ soj, ne̱ Cristó me síí chugu̱u̱n rihaan soj á, taj nana̱ yoꞌ a.

Hechos 2:24

Tza̱j ne̱ cunuu iꞌna̱ꞌ uún soꞌ, quiꞌyaj Yaꞌanj, ne̱ tinanii Yaꞌanj man soꞌ rihaan sayuun se vaa caviꞌ soꞌ a. ꞌO̱ se ne caꞌve̱e yu̱u̱n cheꞌe̱ cavi̱ꞌ soꞌ daj chiha̱a̱ míj a̱ maan ado̱nj.

San Lucas 24:4

Dan me se caráyaꞌa̱nj ndoꞌo nij chana̱, ne̱ ta̱j niꞌyo̱n canicunꞌ vi̱j snóꞌo xꞌnúú nij chana̱, ne̱ ro̱j snóꞌo yoꞌ me se yatzíj chuguu̱n uxrá nuû ro̱j soꞌ a.

San Lucas 2:9

Ga̱a ne̱ ta̱j niꞌyo̱n curuviꞌ ꞌo̱ se‑mo̱zó Yaꞌanj Si̱j ꞌNi̱j Raꞌa man níꞌ rihaan nij soꞌ, ne̱ cuchuguu̱n uxrá nu̱ꞌ anica̱j man nij soꞌ, quiꞌyaj Yaꞌanj Si̱j ꞌNi̱j Raꞌa man níꞌ, ga̱a ne̱ cuchuꞌviꞌ ndoꞌo nij soꞌ a.

Hechos 12:23

Ga̱a ne̱ cuaj caxríj ꞌo̱ se‑mo̱zó Yaꞌanj chiꞌii̱ man Herodes, cheꞌé se ne cata̱j soꞌ se vaa o̱rúnꞌ Yaꞌanj me síí ꞌyaj avii raa̱ soꞌ a. Ma̱an se caꞌvej rá soꞌ cata̱j nij yuvii̱ se vaa yaꞌanj me maꞌa̱n soꞌ a. Dan me se cunu̱ꞌ nee̱ man soꞌ chá xlúú, ne̱ caviꞌ soꞌ, quiꞌyaj xlúú a.

Hechos 9:3

Dan me se nica̱j Saulo yanj, ne̱ va̱j soꞌ chrej, ne̱ nichrunꞌ soꞌ chumanꞌ Damasco yoꞌ, ne̱ ta̱j niꞌyo̱n cuchuguu̱n nu̱ꞌ xta̱ꞌ nu̱ꞌ anica̱j rej nicu̱nꞌ soꞌ a.

Apocalipsis 18:1

Veé dan, ga̱a ne̱ queneꞌén ꞌu̱nj ꞌó se‑mo̱zó Yaꞌanj cavii rej xta̱ꞌ nanij rihaan yoꞌóó, ne̱ síí nica̱j ndoꞌo se nucua̱j me soꞌ a. Niꞌndaj ya̱ veꞌé curuviꞌ soꞌ, ne̱ chuguu̱n rihaan yoꞌóó, quiꞌyaj soꞌ a.

Hebreos 1:14

Dan me se xa̱ꞌ nij se‑mo̱zó Yaꞌanj, tza̱j ne̱ nana̱ u̱u̱n me nij soꞌ a. Síí nu̱u̱ rihaan Yaꞌanj me nij soꞌ, ne̱ aꞌnéé Yaꞌanj man nij soꞌ ra̱cuíj nij soꞌ man níꞌ si̱j nani̱i̱ rihaan sayuun ne̱ cavi̱i̱ sa̱ꞌ na̱nj ado̱nj.

Hechos 12:6

Dan me se rej nii̱ me yoꞌ, ne̱ aꞌyuj me güii quiri̱i̱ Herodes man Pedró tagaꞌ rihaan nij yuvii̱ a. Dan me se otoj Pedró rá tagaꞌ, ne̱ na̱j soꞌ scaꞌnúj vi̱j tanuu, ne̱ vi̱j agaꞌ ne̱ꞌ numi̱i soꞌ a. Ne̱ nicu̱nꞌ yavíj tanuu tumé taꞌyaa tagaꞌ a.

San Mateo 2:13

Quisíj quinanꞌ nij síí tucuꞌyón ndoꞌo cheꞌé yatiꞌ, ga̱a ne̱ rej nii̱ caꞌmii nej rihaan síí cuꞌna̱j José a. Dan me se ta̱j niꞌyo̱n naquiꞌyaa ꞌo̱ se‑mo̱zó Yaꞌanj Si̱j ꞌNi̱j Raꞌa man níꞌ rihaan soꞌ, ne̱ cataj se‑mo̱zó Yaꞌanj rihaan soꞌ a: ―Na̱xaga̱a̱ so̱ꞌ, ne̱ ni̱caj so̱ꞌ man ro̱j ni̱i neꞌej, cuna̱nj so̱ꞌ caꞌa̱nj so̱ꞌ yoꞌóó noco̱o cuꞌna̱j Egiptó, ne̱ ca̱yáán so̱ꞌ yoꞌóó Egiptó nda̱a güii caꞌmi̱i̱ uún ꞌu̱nj rihaan so̱ꞌ á. ꞌO̱ se nano̱ꞌ ndoꞌo síí nica̱j suun rey cuꞌna̱j Herodes man neꞌej, ne̱ ticavi̱ꞌ soꞌ man neꞌej yoꞌ vaa taj soꞌ ado̱nj ―taj se‑mo̱zó Yaꞌanj Si̱j ꞌNi̱j Raꞌa man níꞌ rihaan José a.

Hechos 12:8

Ga̱a ne̱ cataj se‑mo̱zó Yaꞌanj rihaan Pedró a: ―Naquiꞌya̱j xraan so̱ꞌ catuún so̱ꞌ, ne̱ caxri̱i̱ so̱ꞌ canj tacóó so̱ꞌ á ―taj se‑mo̱zó Yaꞌanj rihaan soꞌ a. Ne̱ quiꞌyaj Pedró nda̱a vaa cataj se‑mo̱zó Yaꞌanj rihaan soꞌ a. Ga̱a ne̱ cataj uún se‑mo̱zó Yaꞌanj a: ―Ni̱quee so̱ꞌ roto̱ so̱ꞌ, ne̱ ca̱nocóꞌ so̱ꞌ manj á ―taj uún se‑mo̱zó Yaꞌanj rihaan soꞌ a.