Hechos 10:34 - Triqui de San Juan Copala

³⁴ Ga̱a ne̱ guun cheꞌe̱ Pedró caꞌmii soꞌ rihaan nij soꞌ a: ―Nda̱a ya̱j me se xcaj ꞌu̱nj cuentá se vaa ya̱ ꞌo̱ cuya̱a̱n vaa cunuda̱nj yuvii̱ rihaan Yaꞌanj á.

Hechos 10:34 Referans Kwoze

Romanos 2:11

ꞌO̱ se ꞌo̱ cuya̱a̱n vaa cunuda̱nj níꞌ rihaan Yaꞌanj ado̱nj.

Colosenses 3:25

Ne̱ síí quiꞌyaj cacunꞌ roꞌ, ina̱nj sayuun quira̱nꞌ soꞌ, ne̱ ꞌo̱ cuya̱a̱n quiꞌya̱j Yaꞌanj caꞌne̱ꞌ Yaꞌanj cacunꞌ cheꞌé me maꞌa̱n yuvii̱ na̱nj ado̱nj. Xa̱ꞌ Yaꞌanj, tza̱j ne̱ cuya̱a̱n vaa cunuda̱nj yuvii̱ rihaan Yaꞌanj na̱nj ado̱nj.

1 Pedro 1:17

Yaꞌanj roꞌ, me síí nica̱ ina̱nj aꞌneꞌ cacunꞌ cheꞌé ꞌo̱ ꞌo̱ níꞌ nda̱a vaa ꞌyaj ꞌo̱ ꞌo̱ níꞌ, ne̱ cheꞌé se “Ata̱j Chij” taj soj rihaan Yaꞌanj ga̱a achíín niꞌya̱j soj rihaan soꞌ roꞌ, cheꞌé dan ꞌo̱ cara̱a̱ cochro̱j soj rihaan soꞌ do̱j nij güii ca̱yáán soj rihaan yoꞌóó nihánj á.

Efesios 6:9

Ne̱ soj si̱j ruꞌvee roꞌ, veꞌé quiꞌya̱j soj ga̱ se‑mo̱zó soj uún á. Caꞌne̱ꞌ rá soj ga̱ suun axríj yuva̱a̱ man mozó, ne̱ caꞌne̱ꞌ rá soj ga̱ suun tuchuꞌviꞌ man mozó uún á. ꞌO̱ se neꞌen soj se vaa nicu̱nꞌ Síí ꞌNi̱j Raꞌa man soj do̱ꞌ, man se‑mo̱zó soj do̱ꞌ, rej xta̱ꞌ, ne̱ ꞌo̱ cuya̱a̱n vaa ta̱ranꞌ níꞌ rihaan soꞌ ado̱nj.

San Lucas 20:21

Dan me se xnáꞌanj nij síí tihaꞌ yuꞌunj yoꞌ man Jesús a: ―Neꞌen núj se vaa nana̱ nica̱ ina̱nj aꞌmii so̱ꞌ ne̱ tucuꞌyón so̱ꞌ do̱ꞌ, maestro. Ne̱ ꞌo̱ cuya̱a̱n vaa cunuda̱nj yuvii̱ rihaan so̱ꞌ chugua̱nj. Ne̱ ya̱ tucuꞌyón so̱ꞌ rihaan yuvii̱ da̱j quiꞌya̱j yuvii̱ canoco̱ꞌ yuvii̱ man Yaꞌanj, maestro.

Santiago 2:9

Tza̱j ne̱ sese narii soj yuvii̱ ruꞌvee ina̱nj, ga̱a ne̱ tumé ndoꞌo soj cacunꞌ cheꞌé se ne ꞌyaj ya̱ soj stucua̱nj Yaꞌanj ado̱nj.

Colosenses 3:11

Ya̱j me se taj se ꞌyaj sese na̱j guun yuvii̱ me soj maꞌ. Caꞌve̱e se si̱j israelitá do̱ꞌ, caꞌve̱e se si̱j yaníj do̱ꞌ, caꞌve̱e se si̱j ta̱j taꞌngaꞌ man do̱ꞌ, caꞌve̱e se né si̱j ta̱j taꞌngaꞌ man do̱ꞌ, caꞌve̱e se si̱j ma̱n ꞌó chumanꞌ do̱ꞌ, caꞌve̱e se mozó siꞌyaj ꞌó yuvii̱ do̱ꞌ, caꞌve̱e se si̱j chéé maꞌa̱n do̱ꞌ, taj se ꞌyaj maꞌ. O̱rúnꞌ Cristó me se achiin man ꞌo̱ ꞌo̱ xꞌneꞌ yuvii̱, ne̱ ꞌo̱ cuya̱a̱n yáán soꞌ nimán ꞌo̱ ꞌo̱ nij soꞌ ado̱nj.

Gálatas 2:6

Dan me se ase vaa síí uun chij vaa taꞌa̱j nij síí ma̱n Jerusalén, rá nii, tza̱j ne̱ taj va̱j síí sa̱ꞌ doj rihaan tuviꞌ, rá ꞌu̱nj a̱ maꞌ. Ma̱an se ꞌo̱ cuya̱a̱n vaa cunuda̱nj yuvii̱ rihaan Yaꞌanj na̱nj ado̱nj. Dan me se nij síí uun chij yoꞌ roꞌ, taj ꞌó me cataj nij soꞌ rihaan ꞌu̱nj maꞌ. Ma̱an se cuna̱j vaa nana̱ caꞌmii natáj ꞌu̱nj, taj nij soꞌ a.

Santiago 2:4

Tza̱j ne̱ sese da̱nj quiꞌya̱j soj, ne̱ vaa se uun doj ruꞌvee rihaan síí nique̱, rá soj, ne̱ ase vaa cuese̱ chiꞌi̱i̱ nimán naꞌvej rá xca̱j sa̱ꞌ cuentá cheꞌé yuvii̱ vaa soj na̱nj chugua̱nj.

San Mateo 22:16

Ga̱a ne̱ caꞌnéé nij soꞌ man nij síí tucuꞌyón snana̱ maꞌa̱n nij soꞌ do̱ꞌ, man nij síí noco̱ꞌ man síí cuꞌna̱j Herodes do̱ꞌ, cuchi̱ꞌ nij soꞌ rihaan Jesús a. Ne̱ cataj nij soꞌ rihaan Jesús a: ―Neꞌen núj se vaa nana̱ ya̱ ina̱nj aꞌmii so̱ꞌ, ne̱ ya̱ tucuꞌyón so̱ꞌ rihaan yuvii̱ da̱j quiꞌya̱j yuvii̱ canoco̱ꞌ yuvii̱ man Yaꞌanj, maestro. Ne̱ ne chuꞌvíꞌ so̱ꞌ niꞌya̱j so̱ꞌ man yuvii̱ da̱j cata̱j yuvii̱ maꞌ. Ne̱ ꞌo̱ cuya̱a̱n vaa nu̱ꞌ yuvii̱ rihaan so̱ꞌ chugua̱nj.

San Mateo 5:2

Ga̱a ne̱ guun cheꞌe̱ Jesús tucuꞌyón Jesús rihaan nij soꞌ, cataj soꞌ a:

Hechos 8:35

Ga̱a ne̱ guun cheꞌe̱ Felipé cataj xnaꞌanj soꞌ da̱j taj maꞌa̱n nana̱ yoꞌ nana̱ nayaa síí “eunuco” yoꞌ, ga̱a ne̱ nataꞌ soꞌ nana̱ sa̱ꞌ cheꞌé Jesús rihaan síí “eunuco” yoꞌ a.

Hechos 10:33

Cheꞌé dan me raꞌya̱nj caꞌnéé ꞌu̱nj nana̱ rihaan so̱ꞌ, ne̱ so̱ꞌ roꞌ, quiꞌyaj ndoꞌo se lu̱j cheꞌé núj se vaa caꞌnáꞌ so̱ꞌ rihaan núj nihánj a. Cheꞌé dan me mán ta̱ranꞌ núj rihaan Yaꞌanj nihánj cuano̱, cheꞌé rej cuno̱ núj nu̱ꞌ nana̱ cataj xnaꞌanj Yaꞌanj Si̱j ꞌNi̱j Raꞌa man níꞌ rihaan so̱ꞌ ado̱nj ―taj Cornelió rihaan Pedró a.

Hechos 15:9

Dan me se cunuu sa̱ꞌ nimán nij síí yaníj rihaan Yaꞌanj cheꞌé se cuchumán rá nij soꞌ niꞌya̱j nij soꞌ man Jesucristó, ne̱ cuano̱ nihánj me se ꞌo̱ cuya̱a̱n vaa nij soꞌ ga̱ níꞌ rihaan Yaꞌanj na̱nj ado̱nj.

Romanos 3:29

Taꞌanj ina̱nj nij síí israelitá me Yaꞌanj naꞌ. Né Taꞌa̱nj nij síí yaníj me uún soꞌ naꞌ. Ya̱ uxrá Taꞌanj nij síí yaníj me uún soꞌ chugua̱nj.

Santiago 2:1

Amán rá soj niꞌya̱j soj man Jesucristó Si̱j ꞌNi̱j Raꞌa man níꞌ, síí niꞌndaj ya̱ veꞌé vaa, tinu̱j, nocoj. Cheꞌé dan se̱ guun cata̱j soj se vaa vaa se uun doj síí ruꞌvee rihaan síí nique̱ maꞌ.