Hechos 1:25 - Triqui de San Juan Copala

²⁵ se vaa ca̱ta̱ soꞌ suun nihánj ne̱ gu̱un soꞌ síí caꞌa̱nj nata̱ꞌ snana̱ Jesús rihaan yuvii̱ a. ꞌO̱ se caꞌanj yaníj Judas, tanáj xco̱ soꞌ suun nihánj, ne̱ caꞌanj soꞌ nda̱a rej no̱ xcúún soꞌ caꞌa̱nj soꞌ a ―taj nij yuvii̱, cachíín niꞌya̱j nij yuvii̱ rihaan Yaꞌanj a.

Hechos 1:25 Referans Kwoze

1 Corintios 9:2

Dan me se vaa yuvii̱ taj se vaa né ya̱ síí cuneꞌ Jesucristó mé ꞌu̱nj, tza̱j ne̱ ya̱ neꞌen soj se vaa cuneꞌ Jesucristó mán ꞌu̱nj caꞌa̱nj nata̱ꞌ ꞌu̱nj snana̱ soꞌ rihaan soj a. Dan me se cheꞌé se canocoꞌ soj man Síí ꞌNi̱j Raꞌa man níꞌ, cheꞌé dan xca̱j yuvii̱ cuentá se vaa ya̱ atá ꞌu̱nj suun caꞌa̱nj nata̱ꞌ ꞌu̱nj rihaan yuvii̱ cheꞌé soꞌ ado̱nj.

Romanos 1:5

Ina̱nj cheꞌé Jesucristó me quiꞌyaj Yaꞌanj se lu̱j cheꞌej se vaa cuneꞌ Yaꞌanj manj caꞌa̱nj ꞌu̱nj nata̱ꞌ ꞌu̱nj snana̱ soꞌ cheꞌé rej cuchuma̱n rá yuvii̱ yaníj ma̱n da̱j a̱ nij xꞌneꞌ yuvii̱ ino̱ vaa stucua̱nj nana̱ sa̱ꞌ yoꞌ, ga̱a ne̱ cuno̱ nij soꞌ rihaan Yaꞌanj ado̱nj. Da̱nj ꞌyáá ꞌu̱nj aráj co̱chróó ꞌu̱nj se‑chuvi̱i Jesucristó a.

San Juan 17:12

’Ga̱a cayáán ꞌu̱nj ga̱ nij soꞌ me se tumej man nij soꞌ cuno̱ nij soꞌ rihaan so̱ꞌ a. Cheꞌé se rqué so̱ꞌ man nij soꞌ rihanj roꞌ, cheꞌé dan veꞌé tumej man nij soꞌ a. Ne̱ a̱ ꞌó nij soꞌ ne caꞌa̱nj niꞌya̱, quiꞌyáj maꞌ. Tza̱j ne̱ queneꞌén so̱ꞌ se vaa caꞌa̱nj niꞌya̱ ꞌo̱ nij soꞌ, ne̱ o̱rúnꞌ soꞌ caꞌanj niꞌya̱, cheꞌé rej quisi̱j ya̱ nu̱ꞌ nana̱ no̱ rihaan dáán so̱ꞌ ado̱nj.

San Juan 13:27

Ne̱ ga̱a quisíj taꞌaa Judas rachrúún yoꞌ, ga̱a ne̱ catúj Síí Chre̱e nimán soꞌ a. Cheꞌé dan cataj Jesús rihaan soꞌ a: ―Cavi̱i̱ so̱ꞌ caꞌa̱nj so̱ꞌ cuaj qui̱ꞌyáá so̱ꞌ nda̱a vaa me rá so̱ꞌ á ―taj Jesús rihaan Judas yoꞌ a.

San Mateo 26:24

ꞌO̱ se taj Danj Yaꞌanj se vaa caꞌa̱nj ꞌu̱nj cavi̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ ne̱ ya̱ da̱nj qui̱ránꞌ ꞌu̱nj ado̱nj. Tza̱j ne̱ nique̱ ndoꞌo síí ta̱cuachén manj rihaan nij síí ta̱j riꞌyunj manj na̱nj á. Quira̱nꞌ uxrá soꞌ sayuun na̱nj á. Snóꞌo yoꞌ me se sese ne caꞌnga̱a̱ soꞌ, ne̱ cavii sa̱ꞌ soꞌ doj asuun tza̱j ado̱nj ―taj Jesús a.

San Mateo 25:46

’Ga̱a ne̱ caꞌa̱nj nij soꞌ rej quira̱nꞌ ndoꞌo nij soꞌ sayuun nu̱ꞌ cavii nu̱ꞌ caꞌanj, tza̱j ne̱ nij síí sa̱ꞌ roꞌ, veꞌé ca̱yáán nij soꞌ ga̱ Yaꞌanj nu̱ꞌ cavii nu̱ꞌ caꞌanj na̱nj ado̱nj ―taj Jesús rihaan nij síí tucuꞌyón snana̱ soꞌ a.

San Mateo 25:41

’Ga̱a ne̱ cata̱j ꞌu̱nj rihaan nij síí nicu̱nꞌ rej ni̱chruún ꞌu̱nj a: “Naxu̱u̱n soj man soj rihanj cuaj á. Ma̱an se cataj ya̱ Yaꞌanj se vaa ina̱nj sayuun quira̱nꞌ soj, caꞌa̱nj soj rihaan yaꞌan, caca̱a̱ soj nu̱ꞌ cavii nu̱ꞌ caꞌanj na̱nj á. Dan me se quiꞌyaj Yaꞌanj yaꞌan yoꞌ caca̱a̱ Síí Chre̱e caca̱a̱ nij nana̱ chre̱e caca̱a̱, ne̱ caca̱a̱ nij soj caca̱a̱ ga̱ soꞌ ado̱nj.