Hechos 1:12 - Triqui de San Juan Copala

¹² Dan me se tanáj nij síí cuneꞌ Jesús caꞌa̱nj nata̱ꞌ snana̱ soꞌ tacaan cuꞌna̱j Tacaan ma̱n Chruun Olivó, ne̱ caꞌanj nij soꞌ, ne̱ namán uún nij soꞌ chumanꞌ Jerusalén a. Dan me se ꞌo̱ kilómetro caꞌanj nij soꞌ a.

Hechos 1:12 Referans Kwoze

San Lucas 24:52

Dan me se caráj gue̱e̱ nij soꞌ rihaan soꞌ, ga̱a ne̱ canica̱j nij soꞌ caꞌanj uún nij soꞌ nda̱a chumanꞌ Jerusalén, ne̱ guun niha̱ꞌ uxrá rá nimán nij soꞌ,

San Mateo 21:1

Ga̱a ne̱ cuchiꞌ Jesús cuchiꞌ nij síí tucuꞌyón snana̱ soꞌ cuchiꞌ tuꞌva chumanꞌ cuꞌna̱j Betfagé a. Na̱j chumanꞌ yoꞌ tacóó tacaan cuꞌna̱j Tacaan ma̱n Chruun Olivó, ne̱ nichru̱nꞌ naj chumanꞌ Jerusalén ga̱ chumanꞌ cuꞌna̱j Betfagé yoꞌ a. Ga̱a ne̱ caꞌnéé Jesús man vi̱j nij síí tucuꞌyón snana̱ soꞌ caꞌa̱nj ro̱j soꞌ rque chumanꞌ yoꞌ,

San Lucas 24:50

Ga̱a ne̱ nica̱j Jesús man nij soꞌ, caꞌanj soꞌ nda̱a tuꞌva chumanꞌ Betania a. Ga̱a ne̱ naxca̱j soꞌ raꞌa soꞌ, ne̱ cachíín niꞌya̱j soꞌ rihaan Yaꞌanj se vaa veꞌé ra̱cuíj Yaꞌanj man nij soꞌ, ne̱ cavi̱i̱ sa̱ꞌ nij soꞌ a.

San Juan 11:18

Dan me se nichru̱nꞌ naj chumanꞌ Betania ga̱ chumanꞌ Jerusalén, ne̱ o̱rúnꞌ vaꞌnu̱j kilómetro naj chumanꞌ Jerusalén yoꞌ a.

San Lucas 21:37

Dan me se rej ranga̱ꞌ roꞌ, tucuꞌyón Jesús man nij yuvii̱ rej ya̱nj nuvií noco̱o, ne̱ rej tiꞌnuu me se curiha̱nj soꞌ rque chumanꞌ, ne̱ rej cuꞌna̱j Tacaan ma̱n Chruun Olivó aranꞌ soꞌ a.

San Mateo 26:30

Ga̱a ne̱ cachráá ta̱ranꞌ nij soꞌ chraꞌ rihaan Yaꞌanj, ne̱ cavii nij soꞌ, caꞌanj nij soꞌ tacaan cuꞌna̱j Tacaan ma̱n Chruun Olivó a.

San Mateo 24:3

Dan me se caꞌanj ca̱yáán Jesús raa̱ tacaan cuꞌna̱j Tacaan ma̱n Chruun Olivó, ne̱ cuchiꞌ o̱rúnꞌ nij síí tucuꞌyón snana̱ soꞌ rihaan soꞌ, ne̱ cataj nij soꞌ a: ―Cata̱j xnaꞌanj so̱ꞌ rihaan núj aman cane̱e̱ nu̱ꞌ nuvií noco̱o yoꞌ do̱ꞌ, a̱ me suun noco̱o caꞌna̱ꞌ qui̱ꞌyáá so̱ꞌ asa̱ꞌ quisíj caꞌna̱ꞌ so̱ꞌ queneꞌe̱n núj ne̱ navi̱j nu̱ꞌ chumii̱ nihánj do̱ꞌ, ga̱a maestro̱ꞌ ―taj nij soꞌ, xnáꞌanj nij soꞌ man Jesús a.

San Lucas 19:29

Dan me se nichrunꞌ Jesús ro̱j chumanꞌ cuꞌna̱j Betfagé ga̱ Betania a. Na̱j ro̱j chumanꞌ yoꞌ tacóó tacaan cuꞌna̱j Tacaan ma̱n Chruun Olivó a. Ga̱a ne̱ caꞌnéé Jesús man vi̱j nij síí tucuꞌyón snana̱ soꞌ caꞌa̱nj ro̱j soꞌ rque chumanꞌ na̱j rej rihaan nij soꞌ,

San Mateo 24:20

Cachi̱nj niꞌya̱j soj rihaan Yaꞌanj se vaa se̱ caꞌnaꞌ sayuun yoꞌ tiempó acoj ndoꞌo do̱ꞌ, güii no̱ xcúún yuvii̱ nara̱a̱n rá yuvii̱ do̱ꞌ maꞌ.