Hebreos 9:2 - Triqui de San Juan Copala

² Dan me se cuneꞌ nij yuvii̱ israelitá nuvií mantá, ne̱ vaa vi̱j cuartó rque nuvií yoꞌ a. Ne̱ rque cuartó atúj xrej asino ya̱a̱n roꞌ, nuû agaꞌ ta̱j agaꞌ yaꞌan do̱ꞌ, chruun mesá cutaꞌ nii rachrúún rihaan Yaꞌanj do̱ꞌ, ne̱ cuartó cuꞌna̱j Rej Gue̱e̱ me cuartó yoꞌ a.

Hebreos 9:2 Referans Kwoze

San Mateo 5:15

Ne̱ ga̱a rmi̱ꞌ, ne̱ a̱ ꞌó yuvii̱ ne utaꞌ yaꞌan raa̱ agaꞌ yaꞌan ne̱ axríj yuve̱ nij soꞌ rque ꞌo̱ chrúún maꞌ. Tana̱nj achrón nii yaꞌan raa̱ agaꞌ yaꞌan ne̱ utaꞌ nii agaꞌ yoꞌ rej xta̱ꞌ, ne̱ da̱j a̱ nij yuvii̱ atúj rá veꞌ roꞌ, chuguu̱n niꞌya̱j nij soꞌ ado̱nj.

San Mateo 12:4

ga̱a ne̱ catúj nij tuvi̱ꞌ nij soꞌ rá tucuá Yaꞌanj, ne̱ chá nij soꞌ rachrúún ta̱j rihaan se‑mesa̱ Yaꞌanj a. Ne̱ ne nó xcúún nij soꞌ cha̱ nij soꞌ rachrúún yoꞌ; ma̱an se o̱rúnꞌ nij xrej nó xcúún cha̱ rachrúún yoꞌ a.

Hebreos 9:25

Tza̱j ne̱ se̱ quiꞌyaj soꞌ nda̱a vaa ꞌyaj nij xrej ata̱ suun noco̱o doj ma̱n rihaan chumii̱ nihánj maꞌ. Nij xrej me se nica̱j nij xrej ton man xcuu atúj nij xrej rá Rej Gue̱e̱ Doj yoꞌ da̱j a̱ yoꞌ ado̱nj. Tza̱j ne̱ ne cachi̱in niga̱nj rque̱ Cristó ton man maꞌa̱n soꞌ rihaan Yaꞌanj maan ado̱nj.