Hebreos 8:9 - Triqui de San Juan Copala

⁹ Ne̱ ino̱ doj ga̱a̱ nana̱ naca̱ yoꞌ ga̱ nana̱ cataj xnaꞌanj ꞌu̱nj rihaan xi̱i nij soꞌ si̱j cumán ga̱a naá, ga̱a taꞌaa ꞌu̱nj raꞌa nij soꞌ, ne̱ quirii ꞌu̱nj man nij soꞌ yoꞌóó noco̱o cuꞌna̱j Egiptó a. Tza̱j ne̱ tanáj xco̱ nij soꞌ nana̱ yoꞌ, ga̱a ne̱ naꞌnéj raꞌa nij soꞌ na̱nj ado̱nj, taj Síí ꞌNi̱j Raꞌa man níꞌ a.

Hebreos 8:9 Referans Kwoze

Gálatas 4:24

Ro̱j chana̱ nihánj roꞌ, da̱j se vaa ro̱j tucuáán uun ya̱ ataꞌ tuꞌva Yaꞌanj ga̱ níꞌ vaa ro̱j noꞌ a. ꞌO̱ se ꞌo̱ tucuáán me se avii quij Sinaí, ne̱ nij síí noco̱ꞌ tucuáán yoꞌ roꞌ, mozó u̱u̱n me nij soꞌ ado̱nj. Da̱j se vaa chana̱ cuꞌna̱j Agar vaa nij soꞌ a.

San Marcos 8:23

Ga̱a ne̱ taꞌaa Jesús raꞌa síí tuchri̱i yoꞌ, ne̱ curiha̱nj soꞌ rej tuꞌva chumanꞌ ga̱ síí tuchri̱i, ne̱ quirii talúj Jesús rlij rihaan síí tuchri̱i yoꞌ, ne̱ cutaꞌ raꞌa Jesús xráá soꞌ, ga̱a ne̱ xnáꞌanj Jesús man soꞌ a: ―Ruviꞌ rihaan so̱ꞌ naꞌ ―taj Jesús a.

Hechos 13:11

Ne̱ cuano̱ nihánj me se quiꞌya̱j Síí ꞌNi̱j Raꞌa man níꞌ sayuun mán so̱ꞌ, ne̱ ca̱ráán rihaan so̱ꞌ do̱j güii, quiꞌya̱j soꞌ, ne̱ nda̱a naán güii se̱ curuviꞌ rihaan so̱ꞌ maꞌ ―taj Pabló rihaan Elimas yoꞌ a. Ne̱ ta̱j niꞌyo̱n caráán rihaan Elimas, ne̱ adi̱ꞌ se ranꞌ síí chéé rque ngaa rej rmi̱ꞌ roꞌ, da̱nj quiranꞌ soꞌ, va̱j soꞌ, nanoꞌ soꞌ man síí co̱ro̱ꞌ raꞌa soꞌ ra̱cuíj man soꞌ cache̱e̱ soꞌ a.

Hechos 9:8

Ne̱ Saulo me se naxuma̱a̱n soꞌ, ne̱ nuxraꞌ soꞌ rihaan soꞌ, tza̱j ne̱ taj se quiꞌyáꞌ queneꞌe̱n soꞌ maꞌ. Dan ga̱a ne̱ taꞌaa ꞌó nij soꞌ raꞌa soꞌ, ne̱ racuíj nij soꞌ man Saulo chéé Saulo, ne̱ caꞌanj nij soꞌ catúj nij soꞌ chumanꞌ Damasco a.

Hechos 7:36

Dan me se curiha̱nj nij yuvii̱ israelitá yoꞌóó Egiptó, quiꞌyaj Moisés, ne̱ quiꞌyaj ndoꞌo soꞌ da̱j a̱ suun sa̱ꞌ noco̱o quiꞌyaj caráyaꞌa̱nj nij yuvii̱ rej yoꞌóó Egiptó do̱ꞌ, rej na̱j na yaꞌa̱nj cuꞌna̱j Na Yaꞌa̱nj Veꞌe̱j do̱ꞌ, rej tacaan va̱j nij soꞌ vi̱j chiha̱a̱ (40) ya̱ yoꞌ do̱ꞌ a.