Hebreos 8:13 - Triqui de San Juan Copala

¹³ Veé da̱nj caꞌmii Yaꞌanj cheꞌé nana̱ naca̱ yoꞌ, ne̱ cheꞌé dan neꞌen níꞌ se vaa guun nga̱ nana̱ cataj xnaꞌanj soꞌ rihaan síí cuꞌna̱j Moisés, ne̱ nichrunꞌ güii navi̱j nana̱ nga̱ yoꞌ na̱nj ado̱nj.

Hebreos 8:13 Referans Kwoze

2 Corintios 5:17

Me maꞌa̱n yuvii̱ amán rá niꞌya̱j man Cristó roꞌ, nuu sa̱ꞌ nimán soꞌ ꞌyaj Yaꞌanj a. Ne̱ síí amán rá roꞌ, se̱ guun rá uún soꞌ quiꞌya̱j soꞌ nda̱a vaa quiꞌyaj soꞌ ga̱a rque̱ maꞌ. ꞌO̱ se síí acaj naca̱ cuentá me soꞌ ado̱nj.

Hebreos 9:15

Dan me se Cristó me se caviꞌ soꞌ cheꞌé se queneꞌen soꞌ se vaa ne gu̱un nucua̱j yuvii̱ canoco̱ꞌ nij yuvii̱ nu̱ꞌ tucuáán cuchruj Yaꞌanj asino ya̱a̱n rihaan síí cuꞌna̱j Moisés maꞌ. Cheꞌé dan Cristó me síí narqué tucuáán naca̱ cheꞌé níꞌ da̱j quiꞌya̱j níꞌ cavi̱i̱ sa̱ꞌ níꞌ rihaan Yaꞌanj a. Cheꞌé dan níꞌ si̱j canacúún Yaꞌanj man roꞌ, naca̱j níꞌ nu̱ꞌ se sa̱ꞌ cataꞌ tuꞌva Yaꞌanj se vaa rque̱ soꞌ rihaan níꞌ nu̱ꞌ cavii nu̱ꞌ caꞌanj ado̱nj.

1 Corintios 13:8

Xa̱ꞌ suun ꞌe̱e̱ rá tuviꞌ, tza̱j ne̱ ꞌo̱ ga̱a̱ yoꞌ nu̱ꞌ cavii nu̱ꞌ caꞌanj na̱nj á. Cuano̱ nihánj me se ma̱n síí nataꞌ nana̱ rqué Yaꞌanj rihaan nij soꞌ, tza̱j ne̱ vaa güii navi̱j suun yoꞌ na̱nj ado̱nj. Ne̱ cuano̱ nihánj me se ma̱n yuvii̱ aꞌmii xnaꞌánj naca̱ xnaꞌánj ne neꞌen maꞌa̱n yuvii̱, tza̱j ne̱ vaa güii navi̱j suun yoꞌ na̱nj ado̱nj. Ne̱ cuano̱ nihánj me se ma̱n síí avii ndoꞌo raa̱, ꞌyaj Nimán Yaꞌanj, tza̱j ne̱ vaa güii navi̱j suun yoꞌ na̱nj ado̱nj.

San Mateo 24:35

Vaa güii caꞌa̱nj niꞌya̱ chumii̱ ga̱ xta̱ꞌ, tza̱j ne̱ snana̱j me se daj chiha̱a̱ míj se̱ caꞌanj niꞌya̱ yoꞌ maꞌ.

San Lucas 22:20

Ga̱a ne̱ ase vaa quiꞌyaj soꞌ ga̱ rachrúún roꞌ, da̱nj quiꞌyaj uún soꞌ ga̱ agaꞌ nu̱u̱ na vinó ga̱a quisíj chá xtiꞌno̱ nij soꞌ, ne̱ cataj soꞌ a: ―Na vinó nihánj roꞌ, me ton manj a. Cheꞌé ton manj roꞌ, cataꞌ tuꞌva Yaꞌanj rihaan soj da̱j quiꞌya̱j Yaꞌanj ga̱ soj a. Dan me se cheꞌé se caya̱nj ton manj roꞌ, cheꞌé dan me tinavi̱j Yaꞌanj cacunꞌ tumé yuvii̱ na̱nj ado̱nj ―taj Jesús rihaan nij soꞌ a.

2 Corintios 3:6

Ne̱ Yaꞌanj me síí quiꞌyaj guun nucua̱j núj cataj xnaꞌanj núj cheꞌé tucuáán naca̱ cuchruj Yaꞌanj cheꞌé yuvii̱ ado̱nj. Ne̱ xa̱ꞌ tucuáán naca̱ yoꞌ, tza̱j ne̱ né ina̱nj tucuáán no̱ rihaan yanj da̱j vaa no̱ xcúún níꞌ canoco̱ꞌ níꞌ me tucuáán naca̱ yoꞌ maꞌ. ꞌO̱ se se̱ guun nucua̱j níꞌ canoco̱ꞌ níꞌ tucuáán no̱ rihaan yanj maꞌ. Xa̱ꞌ tucuáán no̱ rihaan yanj, tza̱j ne̱ cavi̱ꞌ nimán níꞌ, quiꞌya̱j tucuáán vaa da̱nj na̱nj á. Dan me se xa̱ꞌ tucuáán naca̱ cuchruj Yaꞌanj cheꞌé níꞌ, tza̱j ne̱ tana̱nj a̱ cunu̱u iꞌna̱ꞌ nimán níꞌ quiꞌya̱j Nimán Yaꞌanj cheꞌé tucuáán naca̱ yoꞌ na̱nj ado̱nj.

Hebreos 1:11

Ne̱ vaa güii, ne̱ navi̱j nu̱ꞌ nihánj, tza̱j ne̱ daj chiha̱a̱ míj se̱ navíí so̱ꞌ maꞌ. Dan me se ase vaa yatzíj nga̱ roꞌ, da̱nj ga̱a̱ nu̱ꞌ chumii̱ nihánj do̱ꞌ, nu̱ꞌ rej xta̱ꞌ do̱ꞌ na̱nj á.

Hebreos 7:22

cheꞌé dan neꞌen níꞌ se vaa Jesús roꞌ, me ya̱ síí ataꞌ tuꞌva se vaa sa̱ꞌ doj vaa tucuáán naca̱ ado̱nj.

Hebreos 8:6

Tza̱j ne̱ cuano̱ roꞌ, sa̱ꞌ uxrá doj vaa suun ꞌyaj Jesús rihaan suun ꞌyaj nij xrej ma̱n rque nuvií noco̱o, cheꞌé se suun ꞌyaj Jesús me nicunꞌ soꞌ tanu̱u̱ Yaꞌanj ga̱ níꞌ ado̱nj. ꞌO̱ se sa̱ꞌ uxrá doj vaa tucuáán naca̱ nihánj rihaan tucuáán nga̱ cheꞌé se sa̱ꞌ doj vaa nana̱ cataꞌ tuꞌva Yaꞌanj rihaan níꞌ ga̱a cuchruj soꞌ tucuáán naca̱ chugua̱nj.

Hebreos 8:8

Dan me se cutaꞌ Yaꞌanj cacunꞌ xráá nij síí ma̱n ga̱a naá, cataj Yaꞌanj se vaa vaa ꞌó nana̱ achiin uún rihaan nij soꞌ, cataj Yaꞌanj a: Ni̱ꞌyaj so̱ꞌ á. ꞌNaꞌ güii, taj Síí ꞌNi̱j Raꞌa man níꞌ, ne̱ cata̱j xnaꞌanj naca̱ ꞌu̱nj rihaan nij taꞌníí taꞌnij siꞌno̱ síí cuꞌna̱j Israel do̱ꞌ, rihaan nij taꞌníí taꞌnij siꞌno̱ síí cuꞌna̱j Judá do̱ꞌ, da̱j quiꞌya̱j nij soꞌ, ne̱ cavi̱i̱ sa̱ꞌ nij soꞌ rihanj ado̱nj.

Hebreos 12:24

Ne̱ caꞌve̱e gu̱un tuvi̱ꞌ soj ga̱ Jesús, ne̱ soꞌ roꞌ, me síí cuchruj tucuáán naca̱ cheꞌé níꞌ da̱j quiꞌya̱j níꞌ canoco̱ꞌ níꞌ man Yaꞌanj ado̱nj. Dan me se sa̱ꞌ a̱ doj aꞌmii ton cayanj man Jesús rihaan ton cayanj man síí cuꞌna̱j Abel quiꞌyaj tinúú soꞌ Caín na̱nj ado̱nj.