Hebreos 8:10 - Triqui de San Juan Copala

¹⁰ Dan me se ino̱ doj ga̱a̱ nana̱ naca̱ nana̱ tu̱cuꞌyonj rihaan nij taꞌníí taꞌnij siꞌno̱ síí cuꞌna̱j Israel asa̱ꞌ quisíj güii yoꞌ ado̱nj, taj Síí ꞌNi̱j Raꞌa man níꞌ a. ꞌO̱ se caꞌne̱j ꞌu̱nj snana̱j nimán nij soꞌ, ne̱ queneꞌe̱n maꞌa̱n nij soꞌ da̱j me rá ꞌu̱nj quiꞌya̱j nij soꞌ ado̱nj. Ne̱ guún ꞌu̱nj Taꞌanj nij soꞌ, ne̱ gu̱un nij soꞌ se‑chuma̱nꞌ ꞌu̱nj ado̱nj.

Hebreos 8:10 Referans Kwoze

2 Corintios 3:3

Dan me se neꞌen ya̱ ya̱ níꞌ adi̱ꞌ se vaa yanj cartá quiꞌyaj maꞌa̱n Cristó vaa soj chugua̱nj. Tza̱j ne̱ né ya̱nj cartá quiꞌyaj nii ga̱ tintá me yoꞌ maꞌ. Né le̱trá cachrón nii rihaan yahij me yoꞌ maꞌ. ꞌO̱ se letrá cachrón ya̱ maꞌa̱n Cristó nda̱a nimán soj me nana̱ yoꞌ ado̱nj. Ne̱ yoꞌ me quiꞌyaj Nimán Yaꞌanj, ne̱ cheꞌé Nimán Yaꞌanj me nuû nana̱ yoꞌ nda̱a rque nimán soj na̱nj á.

1 Pedro 2:9

Xa̱ꞌ soj, tza̱j ne̱ si̱j narii Yaꞌanj me soj, ne̱ xrej uun chij ya̱ nu̱u̱ rihaan Yaꞌanj me soj, ne̱ xꞌneꞌ nij síí cunuu sa̱ꞌ nimán uun chij Yaꞌanj rihaan me soj ado̱nj. Cheꞌé se me rá Yaꞌanj nata̱ꞌ soj cheꞌé se sa̱ꞌ uxrá quiꞌyaj soꞌ roꞌ, cheꞌé dan narii soꞌ man soj ado̱nj. Dan me se si̱j noco̱ꞌ tucuáán rmi̱ꞌ me soj ga̱a naá, tza̱j ne̱ canacúún Yaꞌanj man soj xca̱j soj cuentá, ne̱ cuna̱j uxrá vaa stucua̱nj Yaꞌanj tucuáán noco̱ꞌ soj cuano̱ na̱nj á.

Romanos 11:27

Da̱nj cataꞌ tuꞌvá ꞌu̱nj rihaan nij soꞌ cheꞌé güii ti̱navíí ꞌu̱nj cacunꞌ tumé nij soꞌ ado̱nj. Dan me nana̱ no̱ rihaan Danj Yaꞌanj a.

Santiago 1:21

Yu̱u̱n cheꞌe̱ caꞌne̱ꞌ rá soj ga̱ suun ꞌyaj da̱j a̱ se nij, ne̱ ga̱a̱ nica̱ꞌ nimán soj, ne̱ cuno̱ soj nana̱ caꞌnéé Yaꞌanj nimán soj, cheꞌé yan caꞌve̱e nani̱i̱ nimán soj rihaan sayuun ne̱ cavi̱i̱ sa̱ꞌ soj ado̱nj.

Tito 2:14

Ne̱ soꞌ me síí caꞌnéé nimán cavi̱ꞌ cheꞌé níꞌ, cheꞌé rej caꞌve̱e caꞌne̱ꞌ rá níꞌ ga̱ me maꞌa̱n tucuáán chiꞌi̱i̱ canocoꞌ níꞌ ga̱a rque̱, ne̱ caꞌve̱e cunu̱u sa̱ꞌ níꞌ, ne̱ gu̱un níꞌ yuvii̱ noco̱ꞌ man o̱rúnꞌ soꞌ, ne̱ gu̱un niha̱ꞌ ndoꞌo rá níꞌ quiꞌya̱j níꞌ suun sa̱ꞌ ado̱nj.

1 Pedro 1:23

ꞌO̱ se caꞌngaa naca̱ nimán soj, quiꞌyaj snana̱ Yaꞌanj, ne̱ né se cavi̱ꞌ me snana̱ Yaꞌanj maꞌ. Tana̱nj ase vaa ꞌo̱ rasu̱u̱n vaa iꞌna̱ꞌ vaa snana̱ Yaꞌanj, ne̱ daj chiha̱a̱ míj se̱ caꞌanj niꞌya̱ yoꞌ maꞌ.

Santiago 1:18

Guun rá soꞌ gu̱un taꞌni̱j soꞌ man níꞌ, ga̱a ne̱ cuno níꞌ snana̱ soꞌ nana̱ ya̱, quiꞌyaj soꞌ, ne̱ cheꞌé dan guun taꞌni̱j soꞌ man níꞌ ga̱a asino ya̱a̱n, ga̱a ne̱ vaa güii naquiꞌya̱j sa̱ꞌ soꞌ man cunuda̱nj nij rasu̱u̱n quiꞌyaj soꞌ a.

San Mateo 22:32

“Yaꞌanj noco̱ꞌ nij síí ma̱n ga̱a naá síí cuꞌna̱j Abraham do̱ꞌ, Isaac do̱ꞌ, Jacob do̱ꞌ, mej a.” Da̱nj caꞌmii Yaꞌanj cheꞌé nij síí ma̱n ga̱a naá yoꞌ a. Dan me se né Taꞌa̱nj nij xnangá me Yaꞌanj maꞌ. Ina̱nj nij síí vaa iꞌna̱ꞌ aꞌvee nocoꞌ man Yaꞌanj na̱nj ado̱nj. Cheꞌé dan, nda̱ꞌ se síí cayáán ga̱a naá me vaꞌnu̱j nij soꞌ, tza̱j ne̱ vaa iꞌna̱ꞌ nij soꞌ rihaan Yaꞌanj na̱nj ado̱nj ―taj Jesús a.

Hebreos 11:16

ꞌO̱ se guun ndoꞌo rá nij soꞌ ca̱yáán nij soꞌ chumanꞌ sa̱ꞌ doj chumanꞌ na̱j rej xta̱ꞌ na̱nj á. Ne̱ cheꞌé dan ne naꞌa̱j Yaꞌanj ga̱a taj nij yuvii̱ yoꞌ se vaa Taꞌanj nij soꞌ me Yaꞌanj, cheꞌé se a̱j quiꞌyaj Yaꞌanj ꞌo̱ chumanꞌ noco̱o ca̱yáán nij soꞌ maꞌ.

1 Corintios 6:16

Dan me se ne neꞌen soj se vaa síí otoj ga̱ chana̱ niha̱ꞌ rá ga̱ chii roꞌ, nuu ꞌo̱ nee̱ man soꞌ ga̱ chana̱ yoꞌ naꞌ. Dan me se ase vaa o̱rúnꞌ yuvii̱ vaa soꞌ ga̱ chana̱ yoꞌ na̱nj chugua̱nj. Danj Yaꞌanj taj a: “Ase vaa o̱rúnꞌ yuvii̱ roꞌ, da̱nj ga̱a̱ ro̱j soꞌ a.” Da̱nj aꞌmii Danj Yaꞌanj na̱nj á.