Hebreos 7:11 - Triqui de San Juan Copala

¹¹ Dan me se nij síí noco̱ꞌ xnaꞌanj tuvi̱ꞌ ga̱ Aarón me nij xrej, ne̱ taꞌa̱j nij taꞌníí taꞌnij siꞌno̱ Leví me nij soꞌ, ne̱ tucuꞌyón nij soꞌ stucua̱nj Moisés rihaan nij yuvii̱ israelitá, tza̱j ne̱ ne quisi̱j cunu̱u sa̱ꞌ ina̱nj nij yuvii̱ israelitá, quiꞌyaj nij soꞌ maꞌ. ꞌO̱ se Danj Yaꞌanj taj se vaa ase vaa síí cuꞌna̱j Melquisedec roꞌ, da̱nj ga̱a̱ ꞌó xrej cune̱ꞌ Yaꞌanj, tza̱j ne̱ né si̱j noco̱ꞌ xnaꞌanj tuviꞌ ga̱ Aarón me xrej naca̱ yoꞌ maꞌ.

Hebreos 7:11 Referans Kwoze

Hebreos 8:7

Tza̱j ne̱ sese taj va̱j se achiin cheꞌé yan ra̱cuíj nu̱ꞌ nana̱ cataꞌ tuꞌva Yaꞌanj ga̱a naá cavi̱i̱ sa̱ꞌ níꞌ, ne̱ taj cheꞌé cata̱j xnaꞌanj Yaꞌanj ꞌó nana̱ cheꞌé níꞌ maꞌ. Tza̱j ne̱ cataj Yaꞌanj se vaa caꞌmi̱i̱ Yaꞌanj ꞌó nana̱ ado̱nj.

Gálatas 2:21

Ne̱ naꞌvej rá ꞌu̱nj ta̱náj yaníj ꞌu̱nj se lu̱j quiꞌyaj Yaꞌanj cheꞌé ꞌu̱nj maꞌ. ꞌO̱ se vaa cheꞌé ya̱ quiꞌyaj Yaꞌanj se lu̱j ado̱nj. Dan me se sese caꞌve̱e ya̱ navi̱j cacunꞌ quiꞌya̱j stucua̱nj Moisés, ga̱a ne̱ caviꞌ u̱u̱n maꞌa̱n Cristó vaa ga̱a na̱nj ado̱nj.” Nu̱ꞌ nana̱ nihánj me nana̱ caꞌmii ꞌu̱nj rihaan Pedró ado̱nj.

Hebreos 7:15

Ne̱ doj a̱ neꞌen níꞌ nihánj cheꞌé se caꞌnaꞌ ꞌó xrej naca̱ ase vaa síí cuꞌna̱j Melquisedec ado̱nj.

Hebreos 5:6

Ne̱ vaa ꞌó nana̱ uún nana̱ caꞌmii Yaꞌanj rihaan Cristó, ne̱ nana̱ yoꞌ taj a: Xrej mé so̱ꞌ nu̱ꞌ cavii nu̱ꞌ caꞌanj a. Dan me se ase vaa xrej cuꞌna̱j Melquisedec xrej cayáán ga̱a naá roꞌ, da̱nj vaa ma̱ꞌán so̱ꞌ na̱nj á, taj doj nana̱ no̱ rihaan Danj Yaꞌanj nana̱ caꞌmii Yaꞌanj rihaan Cristó a.

Gálatas 4:9

Tza̱j ne̱ cuano̱ nihánj me se neꞌen nij soj man maꞌa̱n ya̱ Yaꞌanj ado̱nj. Tza̱j ne̱ sa̱ꞌ doj cata̱j ꞌu̱nj se vaa neꞌen Yaꞌanj man nij soj chugua̱nj. Sese a̱j neꞌen soj man maꞌa̱n ya̱ Yaꞌanj, ga̱a ne̱ me cheꞌé ca̱nica̱j uún soj canoco̱ꞌ soj man nij yaꞌanj uun chij rihaan rasu̱u̱n ma̱n rihaan chumii̱ nihánj ga̱. Neꞌen soj se vaa se̱ guun nucua̱j nij soꞌ ra̱cuíj nij soꞌ man soj maꞌ. Taj yuꞌvee a̱ ꞌó xcoꞌ nó maꞌa̱n nij soꞌ a̱ maꞌ. Me cheꞌé me rá uún soj gu̱un soj mozó rihaan nij soꞌ ga̱.

Hebreos 6:20

Dan me se a̱j quitáá ya̱a̱n Jesús rihaan níꞌ quinanꞌ soꞌ rihaan Yaꞌanj cheꞌé níꞌ, ne̱ soꞌ me síí guun xrej ata̱ suun noco̱o doj, ne̱ ase vaa síí cuꞌna̱j Melquisedec síí cayáán ga̱a naá roꞌ, da̱nj ga̱a̱ gue̱e̱ soꞌ nu̱ꞌ cavii nu̱ꞌ caꞌanj ado̱nj.

Hebreos 5:10

Ne̱ guun soꞌ xrej ata̱ suun noco̱o doj, quiꞌyaj Yaꞌanj, ne̱ ase vaa guun síí cuꞌna̱j Melquisedec xrej vaa uún soꞌ na̱nj ado̱nj.

Gálatas 4:3

Ne̱ ase vaa xnii ataa cachi̱j roꞌ, taꞌngaꞌ da̱nj vaa maꞌa̱n níꞌ ga̱a rque̱, ne̱ ina̱nj neꞌen níꞌ canoco̱ꞌ níꞌ man nij yaꞌanj uun chij rihaan chumii̱ nihánj a.

Hebreos 7:10

ꞌO̱ se maꞌa̱n Abraham roꞌ, a̱j me soꞌ caân cavi̱i̱ nij taꞌníí taꞌnij siꞌno̱ Leví ga̱a nariꞌ tuviꞌ soꞌ ga̱ síí cuꞌna̱j Melquisedec ado̱nj.

Hebreos 7:12

Ne̱ cheꞌé se nuu ino̱ doj xrej, cheꞌé dan nuu ino̱ tucuáán tu̱cuꞌyón xrej yoꞌ rihaan nij yuvii̱ canoco̱ꞌ nij yuvii̱ ado̱nj.

Hebreos 7:13

Ne̱ Danj Yaꞌanj taj se vaa xrej naca̱ yoꞌ roꞌ, me tuviꞌ ꞌó xꞌneꞌ nij yuvii̱ israelitá, ne̱ taj tuviꞌ nij soꞌ guun xrej rihaan Yaꞌanj ga̱a rque̱ maꞌ.

Hebreos 9:6

Dan me se nu̱ꞌ nij rasu̱u̱n yoꞌ mán rque nuvií mantá a. Ne̱ da̱j a̱ güii atúj nij xrej rá cuartó gue̱e̱, ꞌyaj suun nij xrej rihaan Yaꞌanj cheꞌé nij yuvii̱ a.