Hebreos 6:10 - Triqui de San Juan Copala

¹⁰ ꞌO̱ se né si̱j chiꞌi̱i̱ me Yaꞌanj maꞌ. Si̱j vaa nica̱ rá me Yaꞌanj, ne̱ ꞌo̱ cu̱nuû rá Yaꞌanj ta̱ranꞌ nij suun sa̱ꞌ quiꞌyaj soj ga̱a canocoꞌ soj man soꞌ na̱nj á. Ne̱ ꞌo̱ cu̱nuû rá Yaꞌanj se vaa ꞌyaj soj cheꞌé se aráj cochro̱j soj rihaan soꞌ na̱nj chugua̱nj. Dan me se quiꞌyaj uxrá soj suun racuíj man nij síí noco̱ꞌ man Cristó ga̱a rque̱, ne̱ ꞌo̱ da̱nj ꞌyaj ya̱ soj na̱nj ado̱nj.

Hebreos 6:10 Referans Kwoze

San Mateo 10:42

Dan me se a̱ me maꞌa̱n ꞌo̱ síí rqué do̱j na acoj coꞌo̱ ꞌo̱ nij síí noco̱ꞌ u̱u̱n nihánj cheꞌé se‑chu̱vií ꞌu̱nj, ne̱ ya̱ ya̱ cata̱j xnaꞌanj ꞌu̱nj rihaan soj se vaa daj chiha̱a̱ míj se̱ navij se sa̱ꞌ na̱ruꞌvee Yaꞌanj rihaan síí rqué do̱j na yoꞌ maꞌ ―taj Jesús rihaan nij síí tucuꞌyón snana̱ soꞌ a.

Hebreos 13:16

Ne̱ se̱ tanáj soj suun sa̱ꞌ ꞌyaj soj do̱ꞌ, suun racuíj soj man tinúú soj síí nique̱ do̱ꞌ maꞌ. ꞌO̱ se ꞌó se sa̱ꞌ rqué níꞌ man Yaꞌanj me uún yoꞌ, ne̱ aranꞌ rá Yaꞌanj niꞌya̱j Yaꞌanj man síí ꞌyaj da̱nj ado̱nj.

Gálatas 6:10

Dan me se ya̱j vaa yaꞌnúj rihaan níꞌ roꞌ, quiꞌya̱j ndoꞌo níꞌ se sa̱ꞌ cuano̱, ra̱cuíj níꞌ man cunuda̱nj yuvii̱ á. Tza̱j ne̱ doj a̱ gu̱un rá níꞌ ra̱cuíj níꞌ man nij tinúú níꞌ nij síí noco̱ꞌ man Cristó ado̱nj.

Hechos 10:4

Ga̱a ne̱ niꞌya̱j uxrá Cornelió man se‑mo̱zó Yaꞌanj yoꞌ, ne̱ cuchuꞌviꞌ ndoꞌo soꞌ, ne̱ cataj soꞌ a: ―Me cheꞌé nacúún so̱ꞌ manj ga̱ ―taj soꞌ, xnáꞌanj soꞌ man se‑mo̱zó Yaꞌanj yoꞌ a. Ga̱a ne̱ cataj se‑mo̱zó Yaꞌanj rihaan soꞌ a: ―A̱j xcaj Yaꞌanj cuentá cheꞌé nana̱ achíín ni̱ꞌyáá so̱ꞌ rihaan Yaꞌanj do̱ꞌ, cheꞌé caridad ꞌyáá so̱ꞌ do̱ꞌ a. Cheꞌé dan nu̱u̱ rá Yaꞌanj mán so̱ꞌ a.

1 Tesalonicenses 1:3

Dan me se ꞌo̱ nuû rá núj rihaan Rej níꞌ Yaꞌanj se vaa caꞌnéé uxrá nimán soj cuchuma̱n rá soj ni̱ꞌyaj soj man Jesucristó do̱ꞌ, se vaa ꞌo̱ ꞌyaj soj se‑su̱u̱n Jesucristó cheꞌé se ꞌe̱e̱ ya̱ rá soj man yuvii̱ do̱ꞌ, se vaa ꞌo̱ xraan naꞌvi̱j soj cavi̱i̱ sa̱ꞌ soj quiꞌya̱j Jesucristó Si̱j ꞌNi̱j Raꞌa man níꞌ do̱ꞌ ado̱nj.

Colosenses 3:17

Ne̱ quiꞌya̱j soj da̱j me rá Cristó quiꞌya̱j soj do̱ꞌ, caꞌmi̱i̱ soj do̱ꞌ, ne̱ ma̱an cheꞌé se‑chuvi̱i Jesús Si̱j ꞌNi̱j Raꞌa man níꞌ cata̱j soj guun niꞌya̱j níꞌ rihaan Rej níꞌ Yaꞌanj ado̱nj.

1 Timoteo 6:18

Ma̱an se cata̱j xnaꞌanj so̱ꞌ rihaan nij síí ruꞌvee se vaa quiꞌya̱j nij soꞌ suun sa̱ꞌ, cheꞌé rej gu̱un ruꞌvee nij soꞌ rihaan Yaꞌanj, ne̱ veꞌé rque̱ nij soꞌ rasu̱u̱n achiin man tinúú nij soꞌ síí nique̱ á.

San Marcos 9:41

ꞌO̱ se a̱ me maꞌa̱n ꞌo̱ síí rqué do̱j na coꞌo̱ nij soj cheꞌé se noco̱ꞌ soꞌ manj Si̱j Caꞌnéé Yaꞌanj Ti̱nanii man Yuvii̱ rihaan Sayuun, ne̱ ya̱ ya̱ cata̱j xnaꞌanj ꞌu̱nj rihaan soj se vaa daj chiha̱a̱ míj se̱ navij se sa̱ꞌ rque̱ Yaꞌanj rihaan síí rqué do̱j na yoꞌ coꞌo soj maꞌ.

Romanos 12:13

Sese vaa se achiin rihaan tinúú soj síí noco̱ꞌ man Cristó, ne̱ ra̱cuíj soj man nij soꞌ a. Ne̱ veꞌé quiꞌya̱j soj caꞌve̱j soj cara̱nꞌ yuvii̱ tucuá soj do̱ꞌ, cha̱ yuvii̱ ga̱ soj do̱ꞌ á.

Hechos 11:29

Ga̱a ne̱ nij síí noco̱ꞌ man Jesucristó ya̱nj chumanꞌ Antioquía roꞌ, ꞌo̱ guun rá nij soꞌ ra̱cuíj nij soꞌ man nij tinúú nij soꞌ síí ya̱nj estado Judea, ne̱ caꞌne̱j nij soꞌ saꞌanj rihaan nij soꞌ a. Ne̱ nuchruj ra̱a̱ ꞌo̱ ꞌo̱ nij soꞌ me daj saꞌanj caꞌve̱e rque̱ nij soꞌ a.

Gálatas 5:13

Dan me se canacúún Yaꞌanj man nij soj ga̱a̱ yaꞌnúj rihaan nij soj da̱j quiꞌya̱j nij soj, tinu̱j, nocoj. Tza̱j ne̱ se̱ guun rá soj se vaa caꞌve̱e quiꞌya̱j soj náá guun se me rá nee̱ man maꞌa̱n soj quiꞌya̱j soj maꞌ. Tana̱nj ga̱a̱ ꞌe̱e̱ rá soj tinúú soj, ne̱ ꞌo̱ ra̱cuíj soj tinúú soj á.

Hechos 10:31

ne̱ cataj soꞌ rihanj a: “Cu̱nó so̱ꞌ caꞌmi̱j, Cornelio. A̱j cuno Yaꞌanj nana̱ achíín ni̱ꞌyáá so̱ꞌ rihaan soꞌ, ne̱ Yaꞌanj me síí nu̱u̱ rá se vaa rqué ndoꞌo so̱ꞌ caridad rihaan nij síí nique̱ a.

San Juan 13:20

Ya̱ ya̱ cata̱j xnaꞌanj ꞌu̱nj rihaan soj se vaa xa̱ꞌ síí veꞌé nica̱j tuviꞌ ga̱ síí caꞌne̱j ꞌu̱nj rihaan chumii̱ nihánj, tza̱j ne̱ soꞌ me síí veꞌé nica̱j tuviꞌ ga̱ ma̱ꞌanj a. Ne̱ xa̱ꞌ síí veꞌé nica̱j tuviꞌ ga̱ ma̱ꞌanj, tza̱j ne̱ soꞌ me síí veꞌé nica̱j tuviꞌ ga̱ síí caꞌnéé manj na̱nj ado̱nj ―taj Jesús rihaan nij síí tucuꞌyón snana̱ soꞌ a.

2 Timoteo 4:8

Ne̱ cuano̱ nihánj me se ma̱an se naꞌvi̱j ꞌu̱nj quisi̱j güii caꞌna̱ꞌ uún Síí ꞌNi̱j Raꞌa man níꞌ rihaan chumii̱ nihánj, ne̱ rque̱ soꞌ ꞌo̱ cachriin yâj cu̱nuû raá ꞌu̱nj, ne̱ cata̱j soꞌ se vaa nuviꞌ cacunꞌ ta̱j xráj a. Dan me se cuese̱ nica̱ nimán ya̱ me Síí ꞌNi̱j Raꞌa man níꞌ, ne̱ né cheꞌe̱ ina̱nj ma̱ꞌán ꞌu̱nj me quiꞌya̱j soꞌ da̱nj maꞌ. Ne̱ veé da̱nj quiꞌya̱j soꞌ cheꞌé cunuda̱nj nij yuvii̱ me ndoꞌo rá caꞌna̱ꞌ uún soꞌ rihaan chumii̱ nihánj na̱nj ado̱nj.

2 Corintios 9:1

Taj cheꞌé cachro̱n ꞌu̱nj doj nana̱ rihaan soj cheꞌé saꞌanj rque̱ soj rihaan nij síí noco̱ꞌ man Cristó maꞌ.

1 Juan 1:9

Tza̱j ne̱ sese nata̱ꞌ ya̱ níꞌ rihaan Yaꞌanj cheꞌé cacunꞌ tumé níꞌ, ne̱ nica̱ quiꞌya̱j Yaꞌanj cheꞌé níꞌ, ne̱ dan me se cata̱j soꞌ se vaa navij cacunꞌ tumé níꞌ, ne̱ tinavi̱j soꞌ nu̱ꞌ se chiꞌi̱i̱ ma̱n nimán níꞌ ado̱nj.

Gálatas 5:6

Xa̱ꞌ níꞌ si̱j noco̱ꞌ man Cristó Jesús me se taj se ꞌyaj sese quita̱j taꞌngaꞌ man níꞌ, taj se ꞌyaj sese se̱ quitáá taꞌngaꞌ man níꞌ, rá Yaꞌanj maꞌ. Tana̱nj me rá Yaꞌanj cuchuma̱n rá níꞌ ni̱ꞌyaj níꞌ man Cristó, ne̱ cheꞌé dan ga̱a̱ ꞌe̱e̱ rá níꞌ ni̱ꞌyaj níꞌ man tinúú níꞌ ado̱nj.

Hebreos 10:32

Dan me se cu̱nuû rá soj da̱j quiꞌyaj soj ga̱a guun cheꞌe̱ soj canocoꞌ soj man Cristó á. ꞌO̱ se síí xcaj cuentá me soj, ne̱ guun nucua̱j soj quiranꞌ soj sayuun, ne̱ ꞌo̱ xraan canocoꞌ soj man Cristó chugua̱nj.

San Mateo 20:7

Ga̱a ne̱ cataj nij soꞌ a: “Ma̱an se taj síí rqué suun man núj quiꞌya̱j suun núj maꞌ”, taj nij soꞌ a. Ga̱a ne̱ cataj síí toꞌo̱j yoꞌ a: “Caꞌa̱nj soj quiꞌya̱j suun soj rihaan toꞌój á”, taj soꞌ rihaan nij soꞌ a.

San Mateo 25:17

Ne̱ ase vaa quiꞌyaj soꞌ roꞌ, da̱nj vaa quiꞌyaj síí nica̱j vi̱j nanj saꞌanj uún, ne̱ quiꞌyaj canaán soꞌ yavíj nanj saꞌanj uún a.