Hebreos 4:9 - Triqui de San Juan Copala

⁹ Dan me se neꞌen níꞌ se vaa ya̱ uxrá vaa güii nara̱a̱n rá níꞌ si̱j noco̱ꞌ man Yaꞌanj ado̱nj.

Hebreos 4:9 Referans Kwoze

1 Pedro 2:10

Dan me se ga̱a naá me se né yuvi̱i̱ ꞌni̱j raꞌa Yaꞌanj me soj, tza̱j ne̱ ya̱j me se soj me síí ꞌni̱j raꞌa Yaꞌanj a. Ga̱a naá me se ne ꞌe̱e̱ rá Yaꞌanj niꞌya̱j soꞌ man soj, tza̱j ne̱ ya̱j me se cunuu ꞌe̱e̱ rá Yaꞌanj niꞌya̱j soꞌ man soj ado̱nj.

Apocalipsis 21:4

Ne̱ maꞌa̱n Yaꞌanj roꞌ, naꞌve̱ nu̱ꞌ na ayanj rihaan nij soꞌ, ne̱ se̱ caviꞌ uún nij soꞌ a̱ maꞌ. Ne̱ se̱ nanó rá nij soꞌ do̱ꞌ, se̱ taꞌvee nij soꞌ a̱ doj do̱ꞌ, se̱ quiranꞌ nij soꞌ a̱ doj sayuun do̱ꞌ, a̱ maꞌ. ꞌO̱ se a̱j cachén nu̱ꞌ rasu̱u̱n nga̱ yoꞌ na̱nj ado̱nj ―taj síí ta̱j rihaan chruun xlá sa̱ꞌ yoꞌ a.

Hebreos 4:3

ꞌO̱ se o̱rúnꞌ níꞌ si̱j cuchumán rá niꞌya̱j man Yaꞌanj me nij síí caꞌa̱nj nara̱a̱n rá ga̱ Yaꞌanj na̱nj ado̱nj. Ina̱nj da̱nj caꞌmii Yaꞌanj, cataj Yaꞌanj a: Dan me se caꞌmaan raj, ne̱ cataꞌ tuꞌvá ꞌu̱nj se vaa daj chiha̱a̱ míj se̱ naránj rá nij soꞌ ga̱ ꞌu̱nj a̱ maꞌ, taj Yaꞌanj a. Ne̱ dan me se ga̱a naá ga̱a quisíj quiꞌyaj Yaꞌanj chumii̱ nihánj, ne̱ navij suun rihaan Yaꞌanj a.

Hebreos 4:1

Ga̱a rque̱ me se cataꞌ tuꞌva Yaꞌanj se vaa caꞌve̱e catu̱u̱ níꞌ rej caꞌa̱nj níꞌ nara̱a̱n rá níꞌ ga̱ Yaꞌanj, ne̱ veé da̱nj vaa yaꞌnúj rihaan níꞌ nda̱a cuano̱ ado̱nj. Cheꞌé dan tu̱mé uxrá níꞌ man níꞌ, ne̱ ta̱dó níꞌ se̱ gaa na̱nj ca̱ráán níꞌ xréé níꞌ rihaan nana̱ yoꞌ na̱nj á.

Hebreos 11:25

ꞌO̱ se caꞌnéé nimán soꞌ quira̱nꞌ soꞌ sayuun ga̱ nij yuvii̱ noco̱ꞌ man Yaꞌanj na̱nj ado̱nj. ꞌO̱ se sa̱ꞌ a̱ doj vaa ca̱nocóꞌ man Yaꞌanj, rá soꞌ, ne̱ nij vaa gu̱un niha̱ꞌ ráꞌ qui̱ꞌyáꞌ cacunꞌ rihaan Yaꞌanj ya̱j vaa iꞌna̱ꞌ rihaan chumii̱ nihánj, rá soꞌ a.

Hebreos 3:11

Dan me se caꞌmaan raj, ne̱ cataꞌ tuꞌvá ꞌu̱nj se vaa daj chiha̱a̱ míj se̱ naránj ya̱ rá nij soꞌ ga̱ ꞌu̱nj a̱ maan chugua̱nj. Da̱nj taj nana̱ caꞌmii Nimán Yaꞌanj a.

Tito 2:14

Ne̱ soꞌ me síí caꞌnéé nimán cavi̱ꞌ cheꞌé níꞌ, cheꞌé rej caꞌve̱e caꞌne̱ꞌ rá níꞌ ga̱ me maꞌa̱n tucuáán chiꞌi̱i̱ canocoꞌ níꞌ ga̱a rque̱, ne̱ caꞌve̱e cunu̱u sa̱ꞌ níꞌ, ne̱ gu̱un níꞌ yuvii̱ noco̱ꞌ man o̱rúnꞌ soꞌ, ne̱ gu̱un niha̱ꞌ ndoꞌo rá níꞌ quiꞌya̱j níꞌ suun sa̱ꞌ ado̱nj.

San Mateo 1:21

Dan me se cuchru̱j noꞌ neꞌej sno̱ꞌo, ne̱ JESÚS tu̱cuꞌnáj so̱ꞌ man neꞌej yoꞌ á. Da̱nj tu̱cuꞌnáj soj man soꞌ, cheꞌé se ti̱nanii soꞌ man nij tuviꞌ soꞌ rihaan cacunꞌ tumé nij soꞌ ado̱nj ―da̱nj cataj se‑mo̱zó Síí ꞌNi̱j Raꞌa man níꞌ rihaan José a.

Hebreos 4:8

Ne̱ cheꞌé se ne nara̱a̱n rá nij síí cumán ga̱a naá, quiꞌyaj síí cuꞌna̱j Josué roꞌ, cheꞌé dan me cachén ndoꞌo güii, ga̱a ne̱ caꞌmii David cheꞌé ꞌó güii canoco̱ꞌ yuvii̱ man Yaꞌanj, ne̱ nara̱a̱n rá nij yuvii̱ ga̱ Yaꞌanj ado̱nj.

Hebreos 4:10

ꞌO̱ se nij síí naránj rá ga̱ Yaꞌanj me se a̱j quisíj quiꞌyaj suun nij soꞌ, ne̱ navij suun rihaan nij soꞌ na̱nj ado̱nj. Ase vaa quiꞌyaj Yaꞌanj ga̱a navij se‑su̱u̱n Yaꞌanj rihaan Yaꞌanj roꞌ, da̱nj ꞌyaj nij soꞌ chugua̱nj.

Apocalipsis 14:13

Ga̱a ne̱ cunó ꞌu̱nj ꞌó nana̱ cavii rej xta̱ꞌ, ne̱ nana̱ yoꞌ cataj rihanj a: ―Cachro̱n so̱ꞌ nana̱ nihánj rihaan yanj á. Cachro̱n so̱ꞌ se vaa nij síí noco̱ꞌ man Síí ꞌNi̱j Raꞌa man soj me se sese cavi̱ꞌ nij soꞌ rej rihaan ya̱j, ne̱ vaa cheꞌé gu̱un niha̱ꞌ rá nij soꞌ ado̱nj. ꞌO̱ se cavi̱i̱ sa̱ꞌ nij soꞌ na̱nj á. Ne̱ Nimán Yaꞌanj taj se vaa caꞌne̱ꞌ rá nij soꞌ ga̱ suun ꞌyaj nij soꞌ, ne̱ nara̱a̱n rá nij soꞌ a. ꞌO̱ se yu̱u̱n cheꞌe̱ cavi̱i̱ sa̱ꞌ nij soꞌ cheꞌé suun sa̱ꞌ a̱j quiꞌyaj nij soꞌ ado̱nj, cachro̱n so̱ꞌ á ―taj nana̱ cavii rej xta̱ꞌ yoꞌ a.