Hebreos 4:2 - Triqui de San Juan Copala

² Ne̱ ase vaa catúj snana̱ Yaꞌanj xréé nij síí cumán ga̱a naá roꞌ, da̱nj vaa gue̱e̱ catúj snana̱ Yaꞌanj xréé maꞌa̱n níꞌ cuano̱ ado̱nj. Ga̱a cuno nij soꞌ snana̱ Yaꞌanj me se cuno u̱u̱n nij soꞌ nana̱ yoꞌ, tza̱j ne̱ taj se gúnꞌ nana̱ yoꞌ rihaan nij soꞌ cheꞌé se ne cuchuma̱n rá nij soꞌ daj chiha̱a̱ míj nana̱ yoꞌ a̱ maan chugua̱nj.

Hebreos 4:2 Referans Kwoze

1 Tesalonicenses 2:13

Niga̱nj taj núj guun niꞌya̱j níꞌ rihaan Yaꞌanj cheꞌé soj na̱nj á. Dan me se ga̱a cuno soj snana̱ Yaꞌanj nana̱ caꞌmii natáj núj rihaan soj, ne̱ ne cata̱j soj se vaa snana̱ yuvii̱ u̱u̱n me nana̱ yoꞌ maꞌ. Ya̱ cataj soj se vaa snana̱ Yaꞌanj me nana̱ nataꞌ núj, ne̱ veé ya̱ snana̱ Yaꞌanj me yoꞌ ado̱nj. Ne̱ nuu sa̱ꞌ nimán soj, ꞌyaj nana̱ yoꞌ, cheꞌé se amán rá soj uno soj nana̱ yoꞌ ado̱nj.

Hebreos 11:6

Tza̱j ne̱ síí ne amán rá niꞌya̱j man Yaꞌanj roꞌ, daj chiha̱a̱ míj se̱ caranꞌ rá Yaꞌanj ni̱ꞌyaj Yaꞌanj man soꞌ a̱ maꞌ. ꞌO̱ se síí me rá cuchi̱ꞌ rihaan Yaꞌanj roꞌ, no̱ xcúún soꞌ cuchuma̱n rá soꞌ se vaa ya̱ vaa Yaꞌanj, ne̱ na̱ruꞌvee maꞌa̱n Yaꞌanj rihaan nij síí nano̱ꞌ ya̱ man Yaꞌanj na̱nj á.

Hebreos 3:12

Dan me se tu̱mé uxrá soj man soj se̱ gaa na̱nj ga̱a̱ qui̱j nimán ꞌo̱ tuviꞌ soj, ne̱ se̱ caꞌvej rá soꞌ cuchuma̱n rá soꞌ ni̱ꞌyaj soꞌ Yaꞌanj, maan tinu̱j, maan nocoj. Ta̱dó soj se̱ gaa na̱nj ta̱náj xco̱ ꞌo̱ tuviꞌ soj man Yaꞌanj si̱j vaa iꞌna̱ꞌ ya̱ maꞌ.

1 Timoteo 4:8

Nda̱ꞌ se vaa yuꞌvee nó suun ꞌyaj suun nee̱ man níꞌ, tza̱j ne̱ vaa doj yuꞌvee nó nimán níꞌ, canoco̱ꞌ nimán níꞌ man Yaꞌanj na̱nj á. Cheꞌé suun ꞌyaj nimán níꞌ me se cavi̱i̱ sa̱ꞌ níꞌ ga̱a yáán níꞌ rihaan chumii̱ nihánj, ne̱ neꞌen níꞌ se vaa cavi̱i̱ sa̱ꞌ níꞌ ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.

Romanos 2:25

Cutaꞌ nii taꞌngaꞌ man nee̱ mán so̱ꞌ asânj. Cuna̱j vaa yoꞌ, sese ya̱ ꞌyáá so̱ꞌ nda̱a vaa taj stucua̱nj Moisés, tza̱j ne̱ sese ne ꞌyáá so̱ꞌ nda̱a vaa taj stucua̱nj Moisés, ne̱ taj se gúnꞌ man taꞌngaꞌ yoꞌ maꞌ.

Hechos 13:46

Tza̱j ne̱ ne cuchuꞌvi̱ꞌ ya̱ Pabló ga̱ Bernabé ni̱ꞌyaj ro̱j soꞌ man nij yuvii̱ israelitá a̱ maꞌ. Ne̱ cataj ro̱j soꞌ a: ―No̱ xcúún núj nata̱ꞌ núj snana̱ Yaꞌanj rihaan nij soj si̱j israelitá asino ya̱a̱n ado̱nj. Tza̱j ne̱ cheꞌé se quiriꞌíj yaníj soj nana̱ yoꞌ, ne̱ cheꞌé se né si̱j no̱ xcúún ca̱yáán ga̱ Yaꞌanj nu̱ꞌ cavii nu̱ꞌ caꞌanj me soj rá soj, ne̱ cheꞌé dan nihánj me se ca̱nica̱j núj, ne̱ nata̱ꞌ núj nana̱ yoꞌ rihaan nij síí yaníj na̱nj ado̱nj.

Santiago 1:21

Yu̱u̱n cheꞌe̱ caꞌne̱ꞌ rá soj ga̱ suun ꞌyaj da̱j a̱ se nij, ne̱ ga̱a̱ nica̱ꞌ nimán soj, ne̱ cuno̱ soj nana̱ caꞌnéé Yaꞌanj nimán soj, cheꞌé yan caꞌve̱e nani̱i̱ nimán soj rihaan sayuun ne̱ cavi̱i̱ sa̱ꞌ soj ado̱nj.

Hebreos 4:6

Dan me se ataa catu̱u̱ taꞌa̱j nij yuvii̱ nara̱a̱n rá ga̱ Yaꞌanj ado̱nj. Tza̱j ne̱ xa̱ꞌ nij síí a̱j cuno snana̱ Yaꞌanj ga̱a naá me se ne caꞌve̱j rá nij soꞌ cuno̱ nij soꞌ, ne̱ cheꞌé dan daj chiha̱a̱ míj se̱ naránj rá nij soꞌ ga̱ Yaꞌanj maꞌ.

1 Corintios 13:3

Caꞌve̱e se rque̱ u̱u̱n ꞌu̱nj cunuda̱nj siꞌyáj rihaan nij síí nique̱ do̱ꞌ, caꞌve̱e se rque̱ ꞌu̱nj nda̱a nee̱ man ma̱ꞌanj do̱ꞌ, tza̱j ne̱ sese ne ꞌe̱e̱ raj tuvij, ne̱ se̱ cavii sa̱ꞌ ꞌu̱nj rihaan Yaꞌanj cheꞌé suun sa̱ꞌ quiꞌyáj maꞌ.

1 Pedro 1:12

Dan me se cataj xnaꞌanj Yaꞌanj rihaan nij soꞌ se vaa né maꞌa̱n nij soꞌ me nij síí queneꞌe̱n caꞌna̱ꞌ síí caꞌne̱j Yaꞌanj maꞌ. Tana̱nj nu̱ꞌ nij soj me nij síí queneꞌe̱n man síí caꞌne̱j Yaꞌanj, asa̱ꞌ caꞌnaꞌ soꞌ, taj Yaꞌanj rihaan nij síí nataꞌ snana̱ Yaꞌanj ga̱a naá yoꞌ a. Ne̱ nihánj me se nij síí caꞌmii natáj nana̱ sa̱ꞌ cheꞌé Cristó rihaan soj ya̱j roꞌ, caꞌnéé Yaꞌanj Nimán Yaꞌanj rihaan nij soꞌ, ne̱ a̱j nataꞌ nij soꞌ nu̱ꞌ se vaa quiꞌyaj Cristó síí caꞌnéé Yaꞌanj rihaan chumii̱ nihánj cuno soj a. Ne̱ nda̱a nij se‑mo̱zó Yaꞌanj síí ya̱nj xta̱ꞌ me rá queneꞌe̱n da̱j ga̱a̱ cavi̱i̱ sa̱ꞌ níꞌ quiꞌya̱j Cristó ado̱nj.

1 Tesalonicenses 1:5

ꞌO̱ se ga̱a nataꞌ núj nana̱ sa̱ꞌ cheꞌé Cristó rihaan soj, ne̱ né na̱na̱ u̱u̱n nataꞌ núj rihaan soj maꞌ. Tana̱nj racuíj Nimán Yaꞌanj man núj ꞌyaj núj suun sa̱ꞌ noco̱o, ne̱ guun ya̱ rá soj se vaa nana̱ ya̱ me nana̱ nataꞌ núj a. Ga̱a cayáán núj ga̱ soj, ne̱ queneꞌen soj da̱j quiꞌyaj núj cheꞌé se ꞌe̱e̱ rá núj niꞌya̱j núj man soj a.

Gálatas 3:8

Dan me se ga̱a naá neꞌen Yaꞌanj se vaa cuchuma̱n rá nij yuvii̱ yaníj ni̱ꞌyaj nij soꞌ man Yaꞌanj, ne̱ neꞌen Yaꞌanj se vaa cunu̱u sa̱ꞌ nij soꞌ rihaan Yaꞌanj, quiꞌya̱j maꞌa̱n Yaꞌanj, ne̱ cheꞌé dan me nataꞌ Yaꞌanj snana̱ Yaꞌanj nana̱ sa̱ꞌ rihaan Abraham, cataj Yaꞌanj a: “Cheꞌé se vaa quiꞌyáá so̱ꞌ roꞌ, cheꞌé dan me qui̱ꞌyáá ꞌu̱nj se lu̱j cheꞌé ta̱ranꞌ nij xꞌneꞌ yuvii̱ ino̱ vaa stucua̱nj ma̱n rihaan chumii̱ ado̱nj”, taj Yaꞌanj rihaan Abraham asi̱j taj va̱j a̱ ꞌó yuvii̱ neꞌen snana̱ Yaꞌanj nana̱ sa̱ꞌ, ne̱ nu̱ꞌ nana̱ yoꞌ nana̱ caꞌmii Yaꞌanj rihaan Abraham roꞌ, canó nana̱ yoꞌ rihaan Danj Yaꞌanj a.

Gálatas 4:13

A̱j neꞌen soj se vaa cheꞌé se canó chiꞌii̱ manj, cheꞌé dan natáꞌ ꞌu̱nj nana̱ sa̱ꞌ cheꞌé Cristó rihaan soj ga̱a asino ya̱a̱n a.

Hechos 3:26

Ga̱a ne̱ a̱j caꞌnéé Yaꞌanj man Taꞌníí Yaꞌanj rihaan chumii̱, ne̱ cuchiꞌ Taꞌníí Yaꞌanj asino ya̱a̱n rihaan maꞌa̱n soj, quiꞌyaj Yaꞌanj, cheꞌé rej ca̱nica̱j nimán ꞌo̱ ꞌo̱ nij soj, ne̱ ta̱náj xco̱ nij soj chrej chiꞌi̱i̱, ne̱ caꞌve̱e quiꞌya̱j ndoꞌo Yaꞌanj se lu̱j cheꞌé ta̱ranꞌ nij soj ado̱nj ―taj Pedró rihaan nij yuvii̱ cunuu chre̱ꞌ rej ya̱nj nuvií noco̱o yoꞌ a.

Romanos 3:3

Taꞌa̱j tuviꞌ nij soꞌ ne cuchuma̱n rá ni̱ꞌyaj snana̱ Yaꞌanj, tza̱j ne̱ se̱ caꞌvee quiꞌya̱j se nij quiꞌyaj nij soꞌ se vaa ta̱náj xco̱ Yaꞌanj nana̱ cataꞌ tuꞌva soꞌ rihaan nij síí israelitá maꞌ.

Gálatas 3:2

ꞌO̱ se me rá ꞌu̱nj xna̱ꞌanj ꞌu̱nj ꞌo̱ nana̱ man soj chugua̱nj: Cheꞌé se canocoꞌ nij soj stucua̱nj Moisés me catúj Nimán Yaꞌanj nimán soj naꞌ. Ase cheꞌé se amán rá soj cuno soj nana̱ sa̱ꞌ cheꞌé Cristó me catúj Nimán Yaꞌanj nimán soj xa̱ꞌ.