Hebreos 4:15 - Triqui de San Juan Copala

¹⁵ ꞌO̱ se né xre̱j ne neꞌen da̱j vaa sayuun ranꞌ níꞌ me soꞌ maꞌ. ꞌO̱ se a̱j neꞌen soꞌ da̱j vaa chrej chiꞌi̱i̱ ꞌnaꞌ rihaan níꞌ ado̱nj. Cheꞌé dan cunuu ꞌe̱e̱ rá soꞌ man níꞌ ga̱a nina̱j níꞌ rihaan sayuun ado̱nj. Dan me se ase vaa maꞌa̱n níꞌ roꞌ, vaa soꞌ, ne̱ ase vaa sayuun ꞌnaꞌ rihaan níꞌ roꞌ, da̱nj vaa sayuun caꞌnaꞌ rihaan soꞌ, tza̱j ne̱ ne quiꞌya̱j soꞌ a̱ ꞌó xcoꞌ cacunꞌ maꞌ.

Hebreos 4:15 Referans Kwoze

2 Corintios 5:21

A̱ ꞌó cacunꞌ ne tumé Cristó maꞌ. Tza̱j ne̱ naraa Yaꞌanj nu̱ꞌ cacunꞌ tumé níꞌ xráá maꞌa̱n Cristó, ne̱ quiranꞌ Cristó sayuun cheꞌé cacunꞌ yoꞌ, ne̱ cheꞌé dan caꞌve̱e cunu̱u sa̱ꞌ ya̱ níꞌ rihaan Yaꞌanj cheꞌé se si̱j noco̱ꞌ man Cristó me níꞌ ado̱nj.

1 Juan 3:5

Ne̱ neꞌen nij soj se vaa caꞌnaꞌ Cristó rihaan chumii̱ nihánj, cheꞌé rej caꞌve̱e tinavi̱j soꞌ cacunꞌ tumé yuvii̱, ne̱ a̱ doj cacunꞌ taj tumé soꞌ maꞌ.

1 Pedro 2:22

Ne̱ Cristó me se a̱ ꞌó cacunꞌ ne quiꞌya̱j soꞌ ne̱ a̱ doj nana̱ ne̱ ne nari̱ꞌ níꞌ tuꞌva soꞌ a̱ maꞌ.

Hebreos 7:26

Dan me se vaa cheꞌé ndoꞌo guun soꞌ xrej ata̱ suun noco̱o doj cheꞌé níꞌ ado̱nj. ꞌO̱ se síí gue̱e̱ ya̱ me soꞌ, ne̱ taj va̱j a̱ doj cacunꞌ tumé soꞌ maꞌ. ꞌO̱ se síí sa̱ꞌ ina̱nj nimán me soꞌ, ne̱ ga̱nꞌ uxrá yáán soꞌ ga̱ níꞌ si̱j tumé cacunꞌ na̱nj ado̱nj. Dan me se xta̱ꞌ doj yáán soꞌ rihaan nu̱ꞌ rej xta̱ꞌ na̱nj ado̱nj.

Hebreos 4:14

Tza̱j ne̱ vaa ꞌo̱ xrej sa̱ꞌ xrej ata̱ suun noco̱o doj nica̱j yuꞌunj man níꞌ ado̱nj. Ne̱ si̱j cavii xta̱ꞌ doj rihaan rej xta̱ꞌ me soꞌ, ne̱ Jesús Taꞌníí Yaꞌanj ya̱ me soꞌ na̱nj chugua̱nj. Cheꞌé dan ni̱caj xraan níꞌ tucuáán noco̱ꞌ níꞌ á.

Hebreos 5:2

Da̱nj ꞌyaj nij soꞌ, cheꞌé se na̱nj yuvii̱ me nij soꞌ, ne̱ cheꞌé dan ne uun nucua̱j nij soꞌ quiꞌya̱j nij soꞌ ina̱nj se sa̱ꞌ a̱ maan ado̱nj. Cheꞌé dan caꞌve̱e gu̱un ꞌe̱e̱ rá nij soꞌ ni̱ꞌyaj nij soꞌ man nij síí ne neꞌen do̱ꞌ, man nij síí va̱j chrej chiꞌi̱i̱ do̱ꞌ a. Ne̱ cheꞌé cacunꞌ tumé maꞌa̱n nij soꞌ roꞌ,

San Juan 8:46

A̱ ꞌó soj se̱ caꞌvee quiri̱ꞌ cacunꞌ cuta̱ꞌ xráj a̱ maꞌ. Ina̱nj nana̱ ya̱ aꞌmij rihaan soj na̱nj ado̱nj. Me cheꞌé ne amán rá soj cuno̱ soj snana̱j ga̱.

San Lucas 22:28

’Ne̱ xa̱ꞌ soj, tza̱j ne̱ nij soj me nij síí cachéé ga̱ ꞌu̱nj ga̱a ránꞌ ꞌu̱nj sayuun,

San Lucas 4:2

Ne̱ vi̱j chiha̱a̱ (40) ya̱ güii guun rá Síí Chre̱e tiha̱ꞌ yuꞌunj Síí Chre̱e man Jesús, cheꞌé rej canoco̱ꞌ Jesús man soꞌ a. Ne̱ a̱ ꞌó xcoꞌ ne cha̱ Jesús cunu̱ꞌ vi̱j chiha̱a̱ güii maꞌ. Ga̱a quisíj nu̱ꞌ vi̱j chiha̱a̱ güii, ga̱a ne̱ quinaꞌaan ndoꞌo rque Jesús a.

San Mateo 12:20

Rcoo̱ xtunꞌ roꞌ, se̱ tacuachranꞌ soꞌ maꞌ. Ne̱ tuꞌvej agaꞌ yaꞌan avii yachruu̱ roꞌ, se̱ tinaꞌáj soꞌ maꞌ, nda̱a se quiꞌya̱j canaán nana̱ nica̱ ga̱a veꞌé caꞌne̱ꞌ soꞌ cacunꞌ cheꞌé yuvii̱ na̱nj ado̱nj.

San Mateo 4:1

Ga̱a ne̱ caꞌanj Jesús rej tacaan naco̱o̱, quiꞌyaj Nimán Yaꞌanj, cheꞌé rej caꞌve̱e gu̱un rá Síí Chre̱e tiha̱ꞌ yuꞌunj Síí Chre̱e man Jesús a.

Romanos 8:3

Ne gu̱un nucua̱j nee̱ man níꞌ canoco̱ꞌ yoꞌ nu̱ꞌ stucua̱nj Moisés, ne̱ cheꞌé dan se̱ guun nucua̱j níꞌ nani̱i̱ maꞌa̱n níꞌ rihaan cacunꞌ tumé níꞌ maꞌ. Tza̱j ne̱ Yaꞌanj me síí tinanii man níꞌ rihaan cacunꞌ yoꞌ, ne̱ caꞌnéé Yaꞌanj maꞌa̱n Taꞌníí Yaꞌanj rihaan chumii̱, ne̱ ase vaa nee̱ man níꞌ roꞌ, da̱nj vaa nee̱ man soꞌ uún a. Dan me se caviꞌ soꞌ cheꞌé níꞌ, ne̱ cheꞌé se taj cacunꞌ tumé maꞌa̱n soꞌ, ne̱ cheꞌé dan taj cheꞌé quiꞌya̱j níꞌ cacunꞌ ya̱j maꞌ.

Hebreos 9:28

Ne̱ dan me se cheꞌé se o̱rúnꞌ yu̱u̱n caviꞌ Cristó, ne̱ tinavij soꞌ cacunꞌ tumé queꞌe̱e̱ uxrá yuvii̱ roꞌ, vaa güii caꞌna̱ꞌ uún soꞌ rihaan chumii̱ nihánj ado̱nj. Tza̱j ne̱ né cheꞌe̱ rej cavi̱ꞌ uún soꞌ cheꞌé cacunꞌ tumé yuvii̱ me caꞌna̱ꞌ soꞌ maꞌ. ꞌO̱ se caꞌna̱ꞌ soꞌ, ne̱ níꞌ si̱j naꞌvi̱j ndoꞌo man soꞌ roꞌ, nani̱i̱ níꞌ ne̱ cavi̱i̱ sa̱ꞌ níꞌ rihaan Yaꞌanj, quiꞌya̱j soꞌ ado̱nj.