Hebreos 2:5 - Triqui de San Juan Copala

⁵ Dan me se cata̱j xnaꞌanj ꞌu̱nj rihaan soj cheꞌé güii gu̱un chij Yaꞌanj rihaan chumii̱ naca̱ a. Ne̱ ne cune̱ꞌ Yaꞌanj man nij se‑mo̱zó Yaꞌanj se vaa quiri̱i̱ taꞌngaꞌ nij soꞌ rihaan chumii̱ naca̱ maꞌ.

Hebreos 2:5 Referans Kwoze

2 Pedro 3:13

Tza̱j ne̱ a̱j cataꞌ tuꞌva Yaꞌanj se vaa ya̱ ga̱a̱ ꞌó chumii̱ naca̱, ne̱ ga̱a̱ ꞌó rej xta̱ꞌ naca̱, ne̱ ina̱nj se sa̱ꞌ quiꞌya̱j nij síí cuma̱n rej yoꞌ asa̱ꞌ quisíj ado̱nj. Dan me se naꞌvi̱j ndoꞌo níꞌ quisi̱j güii yoꞌ cuaj na̱nj á.

Apocalipsis 11:15

Ga̱a ne̱ dan me se caꞌyánj se‑mo̱zó Yaꞌanj mozó chi̱j chruun aꞌyánj, ga̱a ne̱ nucua̱j ndoꞌo caꞌmii síí ma̱n rej xta̱ꞌ, cataj nij soꞌ a: Nihánj me a̱j uun chij Yaꞌanj Si̱j ꞌNi̱j Raꞌa man níꞌ do̱ꞌ, Síí Caꞌnéé Soꞌ Ti̱nanii man Yuvii̱ rihaan Sayuun do̱ꞌ, rihaan chumii̱ nihánj, ne̱ dan me se ꞌo̱ gu̱un chij Yaꞌanj nu̱ꞌ cavii nu̱ꞌ caꞌanj na̱nj ado̱nj, taj nij síí ma̱n rej xta̱ꞌ a.

Hebreos 6:5

sese a̱j nariꞌ níꞌ se vaa taj snana̱ Yaꞌanj cheꞌé níꞌ do̱ꞌ, sese a̱j neꞌen níꞌ suun sa̱ꞌ quiꞌya̱j Yaꞌanj naquiꞌya̱j sa̱ꞌ Yaꞌanj chumii̱ nihánj do̱ꞌ,

San Mateo 24:14

Ne̱ caꞌmi̱i̱ natáj yuvii̱ nana̱ sa̱ꞌ nihánj nana̱ cheꞌé da̱j vaa uun chij Yaꞌanj cuno̱ yuvii̱ ma̱n nu̱ꞌ chumii̱, ne̱ xca̱j cunuda̱nj nij xꞌneꞌ nij yuvii̱ ino̱ vaa stucua̱nj cuentá cheꞌé nana̱ sa̱ꞌ a. Síj ga̱a ne̱ caꞌve̱e navi̱j chumii̱ nihánj na̱nj ado̱nj ―taj Jesús rihaan nij síí tucuꞌyón snana̱ soꞌ a.

Hebreos 13:14

ꞌO̱ se rihaan chumii̱ nihánj roꞌ, taj va̱j chiháán níꞌ chumanꞌ quina̱j nu̱ꞌ cavii nu̱ꞌ caꞌanj maꞌ. ꞌO̱ se nanoꞌ níꞌ ꞌó chumanꞌ ca̱yáán níꞌ vaa güii ado̱nj.